Wp/arq/عيساوى

عيساوة ولا الطائفة العيساوية هي ڤروپ تاع صوفية مغربية داره الشيخ الكامل محمد الهادي بن عيسى المغربي لي زاد في مدينة فاس عام 872ه ومات عام 1524 ودفنوه في مكناس وأصل هذْ الڤروپ يْوَلِي لمحمد بن سليان الجازولي . نْشَهْرت الطريقة العيساوية بلمديح بصوت عال والموسيقى .

عيساوى

رڤصة تاع عيساوة

تولي الطريقة العيساوية لمحمد بن عيسى لي عاش بمدينة مكناس وكان يدير فيها تربية صوفية حتى مات عام 1526 وبقى في الذاكرة الشعبية بلي راجل صالح ولقبوه بالشيخ الكامل حتى هذا الوقت وكانوا الناس يجوا عنده بزاف يحفظوا القرآن ويديرو لمديح ويصلوا على النبي بلغنى واللحن العيساوي وبطبل والطاسة و البنديرولغايطة ، ويغوا في رحبة وبلواحد ، وناس يبغوا هذا الموسيقى لخطرش تعجبهم وحداخرين يجيهم الحال يبداو يشطحوا ولخرين يشوفها دْوَا للنفس . حفلة عيساوة تندا في المناسبات الدينية كيما المَوْلُود ونهار الجمعة مور صلاة العصر وفلْعَقِيقَة وطْهارة تاع الدْرَارِي . عادات عيساوة فيها جْديب وشْطِيحْ ورْديحْ ويعيطوا عْلا لْوَلْيَ وشْيٌوخْ لْميتين ويتْعَشَاوْ فيها نْسَا ويذبحوا مَعْزَة ويقدموها لصحاب الهمة ، بصح نُصهُمْ ميْئَمْنوش بهذِ الطقوس وحداخرين يْجُولْهَا .