Wp/arq/عشرية السوداء
العشرية السوداء (حرب الاهليه الجزايريه, العشريه الكحله،عشر سنين ارهاب،سنين النار) هي مدابزه بين الحكومه الجزايريه و العسكر و الجماعات الاسلاميه من1991
و تتقدر تكلفه المدابزه حياة كتر من60000بنادم و كاين الي يقول 15000٠بنادم (مع الاف المتودرين،مليون متشرد،عشرات الاف منفيين،و مليون دولار راح خساره)ككل الارهاب كي غلبت الحكومه الجزايريه و ممب موراها استسلم الجيش الاسلامي للانقاذ و خسرت الجماعه الاسلاميه في عام 2002.
و بداا المدابزه في ديشمبر عام 1991،كي نحات الحكومه الفوط نيشان مورا نتائج المرحله اللولانيه لانها شافت انتصار الجبهة الاسلاميه للانقاذ و خافت تروحلها السلطه هاد الشي الي خلا الجمهوريه الاسلاميه تظهر.مورا المنع تاع الجبهة الاسلاميه و اعضاءها دخلو للحبس،ظهرت جماعات اسلاميه جديده و بداو الكفاح المسلح على المواطنين و الهدف تاعهم كان باش يخوفو و يعاقبو كامل الي يجي مع الحكومه الجزايريه.ولاو يخدمو شغل في جماعات مسلحه،اللوله هي الحركه الاسلاميه المسلحه و كانت في الجبال و الزاوجه هي الجماعه الاسلاميه المسلحه و كانت في المدن،الاسلاميون بغاو يطيحو الجيش و الشرطه بصح طاين جماهات ىاحو للمدنيبن و قتلوهم.
تواريخ
[edit | edit source]في 1994،كانت المفاوضات بين الحكومه و القاده تاع الجبهة الاسلاميه تحت الاقامه تلجبريه،قالت الجماعه الاسلاميه المسلحه انها راح تحارب الجبهة الاسلاميه للانقاذ و كامل الي يجي معاها،وتفاهمت الحركه الاسلاميه مع جماعات صغيره و شكلو الجيش الاسلامي للخلاص من تحت لتحت موالي للجبهه الاسلاميه.
في عام 1995،خسرت المحادثات و دارو انتخابات جديده اللي ربح فيها مرشح الجيش الجنرال زروال،زادت المدابزه بين الجماعه الاسلاميه المسلحه و الجيش الاسلامي للانقاذ في لعوام الي موراها،و الي وصلت لقمتها عام 1997 على جال الانتخابات البرلمانيه اللي فاز فيها حزب داروه جديد موالي للجيش التجمع الوطني الديموقراطي و تعرضت الحركه الاسلاميه لضربات من زوج جوايه و اختارت عان 1997 باه توقف النار مع الحكومه و فنفس الوقت تمزقت الجماعه الاسلاميه المسلحه بسبه سياستها تاع القتل.
في عام 1995 فوطاو على رئيس جديد.و الي هو عبد العزيز يوتفليقه و اللي جاب قانون جديد الوئام الي يسامح قاع الارهابيين باه يرجعو للحياة الطبيعيه و نفص العنف بزاف، و ربحت الحكومه ،و كتمل الي بقا من الخركه الاسلاميه اختفى عام 2002