Wp/arq/سياحة فل لجازاير
سياحة فل لجازاير
[edit | edit source]
لجازاير بلاد كبير بزاف من بلادات تاع قارة إفريقيا و لبلاد لعاشرة بين لبلادات لكبار تاع لعالم ف لمساحة ،جاؤة ف شمال تاع لا فريك وحدة من لپلايص سياحية فيها هي الصحرا،الصحرا الزاوجة ف لكبر في لعالم لي فيها جبال تاع رملة يوصلو ل 180 ميترا تاع علا ,و لجازاير عضو ف لمنظمة لعالمية تاع سياحة من 1976 بصح سياحة ف لجازاير كانت ف فلول تاعها ،و المدخول تاعها ما يفوتش 10٪ من امدخول و عاى حساب لي غاپوغ لي داروهم على سياحة تاع لمنظمة لعالمية للسياحة لي نشروهم ف 2004 لجازاير هي رابعة ف لبلادات سياحية ف لافريك فل 2013 ب 2،7مليون سياحي من لخارج ،و جات 111 ف لمسرح سياحي لعالمي على حساب التنظيم لعالمي تاع سياحة و السفر .
سيكتور تاع توريزم ف لجازاير يمثل3،94٪ من صادرات و 9،5٪ من لإستثمار تاع لجازاير و 8،1٪ من دخل تاع لعام .
لأحداث لي صراو ف 1990 هوما لي خلاو تطور تطور تاع لأساس و ما خلاش سياح يجو للجازاير ،بصح تبدلت كي رجعو لي كانو ف فرانسا ،و لاحظو بلي طلعت نسبة حتى ل 20٪ من لي جاو بين 2000 و 2005.
سياسة سياحية تاع لمنظمة
[edit | edit source]كاين پروجي طوروه ف لإجتماع لوطني و لعالمي تاع سياحة و لي خرجو ب تخطيط جديد للإقتصاد تاع سياحة فل لجازاير ،هاذا لپروجي سماوه "أوريزون 2025". مستثمرين تاع لخارج و لي هوما لفرانساويين بغاو يسيطرو و يعمرو لمارشي تاعنا على جال صوالحهم .شركة لولا تاع لإشهار سپيسيال للتجارة داروها باه يجيبو بيها لمستثمرين تاع لخارج و ثان على جال لكونفيرونس .
الچوار لمشهور " زين دين زيدان " ثان داروه مع لمساهامات تاع الشريكة باه يدير إشهار جديد و هاد لمرة شريكة تاع لاتصال لي دارتو "الوطنية للاعلام و الاتصال ".
كاين مشروع مليح تاع السياحة دارتو الحكومة بصح ف توالى تاع 2010، 10٪ برك.
ترونسپور ف لجازاير
[edit | edit source]لجازايريين يتنقلو دايما داخل ف لبلاد و برا ،و نقل لجوي عوا ترونسپور سريع لي يدي بين لولايات تاع لجازاير ولا للخارج.
ترونسپور لبري
طريڨ تاع لجازاير طويلة فيها 112696 كيلوميتر، و الطرڨان طوال و محدودة بصح راهم يخدمو في پروجي تاع لوطوروت شرق-غرب .و الشمال فيه طرڨان خير من لجنوب ،لكار هوا لول ف ترونسپور تاع الشعب لجازايري و ثان الطاكسي و المشينة.
ف شمال لكار و الطاكسي طورو بزاف بين لولايات ،لپارك تاع طوموبيلات لجازايري طلع حتى ل 3 ملاين.
ترونسپور لجوي
لجازاير عندها 33 مطار ،13 واحد تاع دولة ،لمليح فيهم لمطار تاع دزاير ،هواري بومدين ،الشريكة لجوية لوطنية جو لجازاير تدي لبزاف بلدان لوروپ ،لافريك،كندا و صين ،و كاين ثان بلدان من لخارج عندهم خطوط جوية تجيب للجازاير كيما تونس، لمروك، فرانسا ، طاليان، تركيا، بريطانيا، مالطا، قطر ،لإمارات، سعودية،و مصر.
ترونسپور لبحري
لجازاير عندها 13 پور ، تابعين شريكة لوطنية تاع ترونسپور لبحري ،بزاف منهم يدو لوروپ .
نقل تاع لمشينة
لجازاير عندها سكك حديدية تفوت 4500 كيلوميتر و كاين منها تاع إليكتريك . روابط تاع سكة لحديدية لي يخدمو بزاف بين لپلايص تاع لداخل و كاين زوج يربطو بالجنوب " بشار"و كاين ف شرق تاع لبلاد "توڨرت" .كاين ف لجازاير 200 ڨار تاع مشينة.
طرامواي
دزاير ،وهرن و قسنطينة عندهم طرامواي .
ميترو لجاير عندها ريزو واحد تاع لميطرو ف دزاير لعاصمة و هوا زاوج لي داروه ف لافريك ،مورة تاع لقاهرة.
لوتالات ف لجازاير
[edit | edit source]لوتالات لجازايرية اختصرت بزاف إحتياجات كانت خاصتها ،و لهدف تاع لجازاير هو تستقبل على لأقل 2،5 مليون توريست ،و لهاذ سبة كاين بزاف مشاريع تاع بنيان و تشييد أوتالات .
بزاف وكالات عالمية سينياو كونطرا مع لجازاير باه يبنو فنادق.و لپارك أوتاليي تاع لجازاير فيه 1.136 منشأ فيه 96500 سرير.
_فندق حضاري فيه 47511 سرير . _فندق باليناغ 31238 سرير. _فندق الصحراوي 11548 سرير.
لپلايص سياحية ف لجازاير
[edit | edit source]
لجازاير تتميز ب پلايص طبيعية هايلة لي يخلو لي توريست يجو كيما لي پلاچ و لپلايص تاع لجنوب صحراوية، عندها 10 متنزهات وطنية منهم "المتنزه ثقافي تاع طاسيلي" فيه 100000 هيكتار ،و كاين "لمتنزه ثقافيةتاع لهڨار " فيه 380000 هيكتار.
لي يبغو هواية لمشي يروحو للجبال لواسعة تاع لقبايل و لجازاير فيها پلايص تاع تزلج في تكجدة.
و فلبنيان نلاحظو ف لجازاير أثار تاع لبربر ،لعرب ،لإسپان و لفرانساويين كيما احتلونا و ثان كاين خدمة جديدة حضارية ،لپوصتا لكبيرة تاع دزاير أثار تاعها مغربية ، و لقصبة تاع لعاصمة ثان پلاصة سياحية يروحو ليها بزاف توريست و كلاصاوها فل تراث لعالمي ف منظمة ليونيسكو منو1982.