Wp/arq/ستيفن كينڨ

	أستيفن كينغ
	السميّة الحقّانيّة = ستيفن إدوين كينغ
	نيسونس = 21 سبتمبر 1947 توركوي (ماريكان)
	الموت
	اكتيفيتي برانسيبال = , كاتب , روائي, مخرج , سيناريست
	ديستانكسيو =
	الكاتب
	اللوغة تاع الكتبة = انجلي
	الحركة = رعب, خيال
	الجونغ = الريواية, رعب, خيال, الخيال العلمي, بوليسي , نوفال
	ليزوفغ برانسيبال
	كاري (1974); لقدس (1975); شينينغ(1977); و فلييو(1978); لبلاصة لواعرة(1979); شارلي(1980); كوجو (1981 ); كريستين(1983); لاني دو لو غارو(1983 ); لمقبرة(1983 ); عينين تاع تنين(1984 ); تاليسمان(1984 ); هذا(1986 ); لبؤس(1987 ); توميكنوكرز(1987 ); لجزء لمظلم( 1989 ); بازار( 1991 ); جيسي(1992 ); دولور كليبورن (1992 ); إينسومني(1994 ); روز ميدر(1995 ); لخط لخضر(1996 );
	إمضاء

ستيفن كينغ هو كاتب ماريكاني زاد في 21 سبتمبر 1947 في بورتلاند (ماين ).نشر كتابو لول ف 1974 ورجع بلخف مشهور بلمشاركة نتاعو فلميدان تاع الخوف وكتب فان كتوب من نوع واحدوخر كيما لخرافة و لأسطورة ولخيال لعلمي ورواية لبوليسية. في كامل لسنين تاع خدمتو كتب و نشر كثر من خمسين رواية سبعة بلإسم تاع ريشارد بشمان وقريب ميتين قصة. كثر من لنص جتامعو في عشر قصص. منبعد لاكسيدو صعيبة لي دارها في 1999 ولا يتراجع فنسبة كتبتو. ^[1]كتوبتو نتباعو لكثر من 350مليون نسخة فلعالم و أسس مجديد رقم لكبير تاع بيع فلميدان تاع لنشر فلعوام 1980.عشر سنين منبعد شهرة نتاعو وصلت للقمة. حتاقروه بزاف نقاد أدبيين وجامعيين لخاطرش كانو دايرينو كاتب شعبي،دا اعتبار كبير في لسنين 1990.بلرغم بقات كاينة فئة منهم متقبلش كتوبتو نتقدوه دايمن على طريقتو الشعبية و رجوعو لسينما تاع لخوف وطول لحكم تاعو زايد على كتوبتو.ومن جهة واحدوخرا لمعنى تاعو فلتعبير و شخصيات تاوعو لناشطين ولمتنوعين والقدرة تاعو فللعب بالمشاعر تاع الناس خلاهم يرحبو بيه. بعيد على لميزة لكبيرة تاع لخوف لي في كتوبتو، باقي دايمن فلمواضيع تاع طفولة وشروط تاع لكاتب، ويرسم صورة تاع واقع لمجتمع و لملاطفة تاع لولايات لمتحدة لامريكية فلتالي تاع لقرن لعشرين حتى للول تاع لقرن لي موراه. نقل مرة وحدوخرا قيمة ادبية كبيرة منها ثلاثة عشر مرة جايزة برام-ستوكرو سبع مرات جايزة لأسطورة لبريطانية و خمس مرات جايزة لوكس، ربع مرات لعالم لأسطوري و زوج مرات إدغار-ألان-بو و مرة جايزة أيغو و لجايزة تاع لو هانري. ودا ف2003 لجايزة تاع لكتاب لوطني علاجال لمشاركة لمعروفة فل ادب لأمريكي ولي سقمها في ميدالية لفنون ف2015. كتوبتو ندارو بزاف مرات فسينما ولا فتيليفزيو بثروة كبيرة, مرات كان يشارك سيناريست ومرة شارك مخرج

حياتو[edit | edit source]

صوغرو[edit | edit source]

والدين ستيفن كينغ هوما دونالد إدوين كينغ لي زايد ف 11 مارس 1914^[1] بلإسم تاع دونالد يولوك^[2] كان قائد تاع لبحارة تجارية مبعد رجع شخص مفوض.و يماه نيلي روث بيليوري زايدة ف 3 فيفري 1913 عازفة البيانو. تزوجو ف 23 جويلية 1939 . في 13 سبتمبر 1945 لكوبل لي كانو حاسبين ما يجيبوش ذراري تبناو طفل صغير يسموه دافيد فيكتور كينغ. موراها روث ولات بلحمل بستيفن ايدوان كينغ في 21 سبتمبر 1947في ماين سبيطار لعام تاع بويلاند 'ماين'، في 1949 دونالد كينغ لي كان يتبع نسا ما ناسبوش دور لأب على غفلة خلى دار لعايلة و مازادش رجع من هذاك لوقت روث كينغ وولادها عاشو فظروف مادية صعيبة وكل مرة يتحولو روث كانت تخدم خدمات صغار وبدات تتحول بتور منجيهة خواتاتها لي كانو قاويات. من 1949 حتى 1958 لعايلة كينغ سكنو على توالي في فورت واين (إينديانا )، واست دوباغ(ويسكونسين ) شيكاغو، مالدن (مساشوسات ) و ستارفورد (كونيكتيكوت ) . كي كان في عمرو ربع سنين، عرف شاب ستيفن لقاءاتو لولا بلرعب.في حياتو تاع صح مع لول كي تران دحس صاحبو لي كان يلعب معاه قودام عينيه مبعد سمع فراديو لقصة لقصيرة تاع راي برادبوري لمريخ هو لجنة لي خوفاتو. فلعام ديراسي 1954-1953 حبسوه مليكول علاجال مشاكل صحية قاوية وفوت قاع وقتو فدار، وين كتب لحكايات لولا تاعو تاع طفولة. ف 1958 رجعت عايلة كينغ لماين في "دورهام" باه روث ترفد والديها لي كانو مورضا وفي هذاك لعام دارت ماشينة تاع لكتبا كادو لوليدها فنوال و ستيفن كتب بزاف روايات لكثرة ستوحاهم ملكاريكاتور تاع (كوميك ) ودا فان ملحكايات تاع لقبر وليفيلم تاع لخيال لعلمي و تاع رعب. ف 1960 ستيفن كتاشف خزانة تاع كتوبة تاع باباه وين كان كاين " ثو لوركينغ فاير" و "أوثر ستوري" وشوية مريوايات تاع ه.ب لوفيكرافت لي شكل قرايتو لولا تاع رعب "سيريو" .بين 1958 و 1966 كان قريب كل سبت يروح لسينما "ريتز" في لويستون لي بعيدة عشرين كيلومتر علا دورهام باه يشبع شغف تاعو منجيهة سينما. ف 1961 بعث للمرة لولة وحدة من روايات تاوعو "لقاتل" لوحد لمجلة ناشرتها فورست خ اكيرمان. في نفس لوقت نشر حكاياتو لوالا لوحدو بلماشينة لي تنسخ تصاور لي كان خوه يخدم بيها باه ينشر لجرنان "دافيس راق" لي كان يساهم فيه ستيفن فاني. وباع قصتو لولا لي هي"نوفيوليزاسيون" تاع لفيلم "شومبرت تعذيب" لتالاميذ تاع ليكول تاعو بصح لمديرة سيفت عليه باه يخلص ربح تاعو. من 1962 ل 1966 راح ستيفن كينغ لليسي تاع "ليسبون فالس" كان يعرف يقرى كلش منغير لفيزيك و شيمي. بصح ماكانش جتماعي ولا رياضي علاجال لمشاكل تاع لوزن نتاعو. لعب مهاجم فلفريق تاع لبالو لماريكاني "ليس". ف 1963 كتب كتابو لول "نتايج" نص تاع 50000 كلمة بقاة ماهيش كاملة فيه وعمرها ما تنشرت. من 1964 خدم صحافي فلسبور للجرنان تاع سمانة "ليسبون فالس" وتعلم ملمحرر تاعو كيفاه يصحح نصوص تاوعو وينقص لكلمات لي ما عندهومش فايدة. لقصة لولا لي نجح فلنشر تاعها منبعد ما رفضوهالو شحال من مرة لي هي "كنت سراق تاع لقبر في صغري" لي خرج عام 1965 فلمجلة لمتخصصة بلرعب بلعنوان تاع "في نص لعالم تاع لخوف" في عامو لول تاع ليسي كتب نسخة لولا تاع "راج" بصح خلاها ماهيش كاملا. منبعد تخرج تاعو مليسي كينغ قرا لأدب في جامعة ماين في أورونو. من 1966 ل 1970 وفي عامو لول تاع لجاميعة كتب "لمشي ولا راحة" كان أول كتاب كملو وعرضو فلكونكور تاع اول كتاب لي قدمها راندوم هاوس لي رجعها بلخف علاجال ضيق لي كان عندو. ف 1967 نجح للمرة لولا فلبيع تاع روايتو " كلمة تاع زجاج" فلمجلة تاع "قصص هايلة تاع لغوموض" لي شراوها عليه 25 دولار امريكي.كتب فان روايات فلمجلة لأدبية كامبوس, اوبريس وفلجرنان تاع طلبة "ماين كامبيس" كتب فاني ماقالات فموضوع يسموه " لكاميو تا زبل تاع كينغ" من 1969. لبروفيسور بورتن هالتن عاون كينغ بزاف باه يزيد فلشهرة تاعو بلورشات لأدبية وكان يشجعو باه يكمل فلكتبة. لبيعة زاوجة تاعو هي رواية "تصويرة لمنجل" لي جابتلو 35 دولار فربيع عام 1969. شهور موراها كينغ تعرف على تابيثان جان سبروس هي فاني كانت طالبة لغات فلمكتبة تاع كامبيس و بغاها. في عامو تالي تاع لجاميعة كمل كتابو "سيف فظلمة", حكاية كحلة بزاف تحكي على لخدمة تاع لخراب لعنصري في بلدية صغيرة بصح فشل باه يبيعها لكاش ناشر ومازالت ماهيش منشورة. فربيع 1970 كتب فان زوج حكايات لوالا لي ألفهوم منبعد باسم "لمسلح" منبعد رواية "لخدمة تاع ليل" لي شراتها لمجلة تاع رجال ب 250 دولار. خرج ستيفن كينغ من جامعة ماين بدبلوم وشهادة تاع شيخ تاع اونقلي ، مع مرتبة شرف ودراما. تحول لدارفأورونو مع تابيها بصح ماقدرش يصيب خدمة تاع شيخ وعلى هاذي كان لازم عليه يحبس باه يخدم فمغسلة صناعية.سييا باه يزيد فشهريتو لقليلة تاع لعايلة بدا يبعث ريوايات للمجلات وتزوج بتابيها في 2 افريل 1971 كي كانت بلحمل وبعد خمس شهر جابت طفلة يسموها ناومي.في 1971 صاب كينغ خدمة تاع شيخ تاع لونقلي فليسي هامبدن بشهرية تاع 6400 دولار فلعام. بصح بقا يخدم فلمغسلة فلعطلة تاع صيف علاجال لوضع لمالي تاع دار لي كان عايش فيها مل 1971 حت 1973 فقافلة في هارمون ولي رجع صعيب بزاف فاني مور ما جابو طفل زاوج جوزيف هيلستروم ف 1972.في هذاك لوقت أصعيب بعد ما رفضولو ناشرين ثلث كتوبا لي كتبهوم, راج, بلاز, وراين مان. كينغ رجع يشرب بزاف باه ينسى, باع منبعد روايات تاع ربع لخامس, حكاية تاع عصابات وهذي برك لي نشرها بإسم واحدوخر لي هو جون سويثتز و كورجيمي كور لي شراها عليه كافاليي ب 500 دولار لي كانت سومة لعالية لي قادر ينتباع بيها كتاب هذاك لوقت.

لمؤلفات تاوعو[edit | edit source]

طريقة لخدمة[edit | edit source]

ستيفن كينغ كتب فلكتاب لي يهدر فيه على حياتو شخصية لي خرج ف2000 بلي دار حصة يومية تاع ألفين كلمة فقريب عشر صفحات وما يحبسش لكتبة حتى يوصلها.عتارف فاني بلي كان عندو غريزة كبيرة فلبدية تاع لخدما تاعو .ف2006 أكد بلي طريقة كتبتو زادت تراجعت حتى قريب ألف كلمة فلنهار.كان يعتمد على طريقة بديهية فلخدمة تاعو، يبدا ملول ويكتب عفويا بلا ما يصنع لعقدة تاع لحكاية من قبل من غير في شي كتوبا كيما ديد زون، إنسومني ولا روزمادر.وتطور شخصيات هو لي يحدد لحكاية ونهاية تاعها ولي تكون دايمن متبدلة على لي يخمم فيها فلول. منبعد ما يكمل لمسودة لولا تاع لحكاية يبدا يعاود يقرا شا كتب باه يصنع لموضوع ولا رمزية لي بغاها.

ستييل لأدبي[edit | edit source]

لميزة لولا تاع ستيفن كينغ تبان حتى من عند ناس لي طيحو بيه وحتاقروه، لي هي إحساسو كي يحكي، لموهبة تاعو فتأليف تخطف لي يقرا غير بحكاية ترجع بلخف حاجة مهمة. شخصيات لحية ولملونة تاعو لي تكون عندهم هوية باينة في شحال من جملة ولقدرة تاعو على زرع لخوف وضرب لخيال تاع لقراء تاوعو هما لي دايين بلاصة كبيرة فلقوة تاعو كيما كاتب. ولواقعية تاع شخصيا تاعو ولمواقف لي يستعملهم هوما فان عامل حاسم فلنجاح تاعو باه يخلي قراء تاعو يقبلو رعب.

لمواضيع[edit | edit source]

لكتوبة تاعو يرجعو للمراجع تاع تاريخ وثقافة لماريكانية وكثرة لجيهات لمعقدة فيها.تبان دايمن فلحكايات تاع شخصيات تاعو لي تكون نسبة لولا لي تفسر لخوف تاعهوم.لعنف، ولكثر لعنف بين لعايلات، لعنصرية ولجيهات سلبية تاع طبيعة لناس كامل هوما لمواضيع لي متعاودة بزاف في كتوبتو لي تدي نظرة طبيعية ولي ماتقبلش لمساومة فلمجتمع لماريكاني ولكثر فلمدن صغيرة. لكتوبة تاع كينغ تكون دايمن فلتيارلأدبي أطبيعي لي يقول بلي لإنسان يخضع للقدر بصح يقدر يتأثر من جهة كي يدي قرارات لي تمليهم عليه لأخلاق تاعو. لجزء لي يخوف بزاف فلكتاب تاعو ماشي تطفل على لحوايج لخارقين لكن هي درجة تاع لمشاركة لي تسيفها عليه لإنسانية لي تسلط ضاو على ضعف تاع لمؤسسات تاعنا: لحكومة ، نظام تاع لقراية و لمجتمعات لمحلية و لعايلات. شخصيات رئيسية تاعو هما لكثركتاب : بان ميرس في لقدس، بيل دونبروغ في هذا، بول شيلدون في لبؤس، تادوس بيومون في جزء ملظلمة ، مايك نونان في ساك تاع لعظام... كينغ ورا بزاف صوالح تاع خدمتو فثلث كتوبا لي ألفهوم. وبين لعلاقة لحساسة لي تكون بين لكاتب ولمعجبين تاعو في بؤس1987، تأثير لكبير لي قادر يمتاحنو على روحو هو لإبداعات لي فلجزء لمضلم 1989، لوسواس تاع لبلاجيا في شوفة حريصة فجنان سري. من موراها ناقش فاني "بلوكاج تاع لكاتب" وكتابو كان يتمسخر على لعالم تاع نشر فساك تاع لعظام1998.بهاذو شخصيات لكاتب كينغ قرا تحت بزاف وجوه لعلاقة لمعقدة لي تربط بين لكاتب و لإبداع تاعو، لحدود لي تفرق بين الصح و لخيال "لقوة لي تداوي لخيال" ، لغز تاع لإلهام ولخوف ملخسارة تاعو. طفولة فاني موضوع رئيسي فلكتاب تاع كينغ لكثرة فلكتوبة لوالا و ذراري يلعبو لقوة أدوار مهمة فلحكايات تاعو: شينينغ، طفل تاع ضاو، تشارلي ، تاليسمان، هذا، لخراب... و تفريق بين لعالم تاع لكبار وتاع صغار باين بزاف وفلكتبة وين ذراري ولا لمراهقين يلعبو ليرول لوالا، لوالدين ولافامي كاملةيكون دايمن عندهم تأثير قاتل على ولادهم. لموضوع تاع "طفولة ضحية", هو لي يكون لول فقريب كامل لكتوبا تاع كينغ من كاري، صاب لحكم تاعو في هذا، كتاب لي قدر فيه لكاتب يقول كامل شاكان باغي على لموضوع. لكاتب رسم تصورة إيجابية على طفولة ولي مال فيها للعوام بين تسع و ثناعش سنة وين خلط بين ذكريات تاعو شخصية مع تجريبتو كيما أب. كان دايمن يعرف طفولة كيما وقت سحري وين لخيال يكون مازال ما تحددش منعند تخمام تاع لكبار وفاني كيما فترة صعيبة لخطرش يكونو يطيحو بلطفولة. لمقابلة بين لخير وشر واحد ملمواضيع لي تتعاود عند كينغ كيما في "لمضر"، دورة تاع لبرج لمظلم و لبازار. لكتاب كان لحاجة لولا أخلاقي، لخير يربح في بزاف وقت بصح شر فاني جامي يروح ضربة وحدة ودايمن يخصر لإنسانية. شر يركز دايمن في بلايص لي تكون باينة"بلاصة ماشي مليحة"كيما مارستن هاوس فلقدس، فندق أوفرلوك في شينينغ، طفل تاع ضاو، لفندق لكحل فتاليسمان، ودار تاع نايبولت، سترييت فهذا و مانوار تاع دوتش هيل فلرض لمودرة. وكي لأخلاق كانت ما تنفصلش على دين فلماريكان ، مالا كانت دايمن كاينة فلكتاب ببزاف جوايه.وفاني تعصب تاع أم كاري وتاع جون سميث في ديدزون, تاع مادام كارمودي في بروم وفاني ذراري تاع لماييس. سمحت للكاتب باه يفضح أتعصب لي كان كاين فبزاف بلايص فلبلاد. شك من جيهت تكنولوجيا ولمؤسسات هو فان موضوع متعاود. كينغ بين لقلق تاعو ملإدمان لمتزايد تاع لانسان للتكنولوجيا ولقدرة ضارة تاعها. لاكسيدو تاع تكنولوجيا ندارة بغلطة بشرية ولا بحقد لي دار كاريثة, ولي كانت داخلا فاني فلحكايات تاعو كيما: فلييو, بروم, تاليسمان ولخلوي.

تأثيرات[edit | edit source]

ستيفن كينغ قال على ريتشاردماتسون بلي "هو لكاتب لي أثر عليه" فيزوج كان عندهم ستيل مختالف, وكانو مينذاك يدخلو تخمام تاع شخصيات فضمير لغايب قراية كينغ للكتوبة تاع ماتسون بينتلو بلي لحكايات تاع رعب ينجمو يكونو فلبلاد ولا حذا لبلاد, مورا ما مات ماتسون, كينغ دارلو أوماج. تواصل تاعو لول مع لخيال كان مع راي برادبيري, كينغ كان يبغي لخدمة تاع لوفكرافت لخاطرش كان متأثر بلحكايات تاع بكري وماشي غير هو لي أثر عليه كاين فان : إدغار ألان بو, شيرلي جاكسون, جون ماكدونالد و ويليام جولد كينغ.لكتاب تاع تولكين ملك تاع لخواتم أثر عليه بزاف فلكتبة تاع زوج كتوبتو لي هوما فلييو و لبرج لمظلم. لكتاب لقدم لي أثرو فيه هما توماس , هاردي ثيودور, درايزي, إيميل زولا ولكثرة فرانك ثورسييت.

لكتوبا[edit | edit source]

كاري, إيديسيو غاليمار, 1976 ((en) كاري, 1974)
لقدس , التا, 1977( (en ) لقدس لكبيرة, 1975)
شينينغ, طفل تاع ضاو, التا, 1979 (( en) شينينغ, 1977)(تنشر فلأصل بلعنوان تاع طفل تاع ضاو)
لو فلييو , التا, 1981 ((en ) لمنصة لي ماشي مختاصرة, 1978) (طبعة لولانية)
لبلاصة لواعرة, جون- كلود لاتيس, 1983 ((en ) لبلاصة لواعرة , 1979) (تنشر فلأصل بلعنوان تاع لاكسيدو)
شارلي, ألبين ميشال, 1984 (( en) مشعل نار, 1980)
كوجو , ألبين ميشال, 1982 (( en) كوجو, 1981 )
كريستين, ألبين ميشال, 1984 (( en) كريستين, 1983)
لاني دو لو غارو, ألبين ميشال, 1986 (( en) سيكل اوف ثو واروولف, 1983 )
لمقبرة, ألبين ميشال, 1985 (( en) لمقبرة تاع لحياونات, 1983 )
عينين تاع تنين, ألبين ميشال, 1995 (( en) عينين تاع تنين, 1984 )
تاليسمان, روبير لافون , 1986 (( en) تاليسمان , 1984 )( تشارك فلكتبة تاعو مع بيتر ستروب. تنشر فلأصل بلعنوان تاع تاليسما تاع لأراضي)
هذا, ألبين ميشال, 1988 (( en) هذا, 1986 )( خرج في زوج مجلدات)
لبؤس, ألبين ميشال 1989, (( en) بؤس, 1987 )
توميكنوكرز’ ألبين ميشال 1989, (( en) توميكنوكرز, 1987 )
لجزء لمظلم, ألبين ميشال 1990, (( en) لجزء لمظلم, 1989 )(الطبعة لكاملة ، لمصحية من لمؤلف بروحو)
بازار, , ألبين ميشال 1999, (( en)صوالح مهمين, 1991 )
جيسي, , ألبين ميشال1993, (( en)لعبة تاع جيرلاد, 1992 )
دولور كليبورن, , ألبين ميشال 1993, (( en) دولور كليبورن, 1992 )
إينسومني, , ألبين ميشال 1993, (( en) إينسومني,1994 )
روز ميدر, , ألبين ميشال1997, (( en) روز ميدر1995 )
لخط لخضر, , ألبين ميشال 1996, (( en) لخط لخضر1996 )(تنشرت في ستة مجلدات ثم في جزء لا يتجزأ من طبعات 84 في عام 1997)
أناتومي تاع لخوف، إيديسيو روشر، 1995 (( en ) رقص ماكابر 1981 (( ( en ليكوشمار فسما،1988، كتاب تاع فوتوغرافي مع نصوص تاع ستيفن كينغ.
لكتبة: ميموار تاع خدمة، أين ميشال،2001، ( en ) على لكتبة: ميموار تاع لحرفة، 2000 )

كتوبة رقمية[edit | edit source]

دورة فلبوليد، كتاب تاع لجيب،200 ( ( en ) ريدينغ بوليت،2000)
( en) نبتة،2000) (ماهوش كامل)
( en) أور،2009
(en) ميل 81، 2011
وجه فلجماعة، برالغون، طبعة رقمية،2014 ((en ) وجه فلجماعة، 2012)( كتبو مع ستيوارت أونان.)