Wp/arq/سامي يوسف
سامي يوسف :
(29 يوليو 1980) مغني ويكتب غنيات وموسيقي وهو مسلم بريطاني، عندو حاجة مليحة بزاف لي هي غناه ديني لواسع .قرى لموسيقى على يد بزاف من لملحنين.قرى في ليكول تاع لموسيقى لي جاي في لندن.
حياتو :
زاد في عام 1980، مواليه أصلهم أذربيجاني،عندو جنسية بريطانية. تعلم سامي يوسف من صغرو لخدمةعلى بزاف الات تاع موسيقى كيمالبيانو ولكمان ولتار، لدف، ودربوكة ولعود وبزاف الات،وخرج البومو لول،لشيخ.وهاد البوم كان من خدمة تاعو وغناه. هاد لألبوم جابلو بزاف لناس ولاو يبغوه ، وهاذ لألبوم ش[1]يخ عجب بزاف ناس في لشرق لوسطاني وشمال أفريقيا ودول تع جنوب شرق آسيا
من بعد خرج لألبوم زاوج لي سموه “أمتي” ولي نتشر في قاع لبلايص ,و تباعلو ربع ملاين نسخة في قاع بلايص تاع لعالم. وبلخف ولا معروف في لقنوات تاع لعالم كيما قناة لـ”سي.أن.أن” والـ”بي.بي.سي” والـ”أي.بي.سي” ولجزيرة،و مننساوش لشرق لأوسط وترك. وسماتو مجلة لتايمز البريطانية نجم لكبير تع روك مسلم وسماوه ب“ مسلم معروف بريطاني في لعالم”[2] في مجلة لغارديان. كانت غيرحكاية وقت، وكانت لموسيقى تاعو مليحة على تاع لغرب
بكرموه على نجاحو في جامعة روهامبتون في جنوب غرب لندن، وفتالي رجع لول ولصغير تاع لمسلمين لي عطاوهم كادو تاع لدكتوراه في لآداب و حضر حفلة في إسطنبول – تركيا ولي جاو كانو كثر من 250000 متفرج[3]، باش يشوفو سامي يوسف . “كانو يشفوه واحد منهم” هكا كانو يشفوه في ترك وكانو يبغوه ولاو يغنو معاه كيولي يغني كان يعرف شوية لتركية. وزاد حضر قاعة ويمبلي في لندن، قاعة لمزار في لوس انجليس وفيلودروم في كيب تاون – جنوب أفريقيا، كان يغني بزاف لغات كما لإنجليزية و لعربية ولتركية ولفارسية ولأردية ولآذرية ولماليزية وثاني كان يعزف على بزاف لآلات لكلاسيكية وغيرها.
وزاد حضر حفلة لموسيقي لايف8 ولذي دارو في قاعة ويمبلي ودرو هاد لحفل على جال لملايين من لجنسيات ءباش يتبرعو لضحايا لحرب في منطقة لادن في دارفور، فاني كرماتو لحكومة تاع بريطانيا بشهادة تاع تقديرعلى لخدمة تاعو. كما زاد خدم سامي مع لجمعيات لخيرية تحت رعاية لأمم لمتحدة، وصندوق إنقاذ لأطفال، باش يعاونو هاذ ضحايا تاع فيضانات باكستان عام 2010 باش يرسلو بريات لأمل ومساعدة باش يتواصلو بهاذ لأغنيات لخيرية لي قدمها بعنوان أسمع نداءك، وكيما سماتو الـ”بي.بي.سي. والـ”سي.أن.أن.باللسان الناطق لحملات لتوعية لي يمشيها مكتب لأمم لمتحدة لتنسيق الشؤون الإنسانية.
سامي يوسف هو واحد من شخصيات لي معروفة بزاف في لمملكة لمتحدة في لعوام توالا . في 7 سنوات، أبحر عكس التيار– فقد كسب بزاف قلوب وعقول لملايين من لناس في مختلف جهات لشرق لأوسط وأوروبا وأمريكا لشمالية وشمال أفريقيا. بطريقتو ومبادؤو دار اسلوب خاص بيه غير هو. وشخصيتو مهيش غير على هوية لموسيقى ع سامي هو ثاني فيلسوف فلالبوم تاعو ثالث لي يسموه ، أينما تكون ، هو كان من انتاج سامي، لي هو لبريطاني و لمسلم الفخور لي هو فرحان بزاف بشخصية تاعو .
سامي هو من ناس لي يبغو يدافعو على لوحدة لوطنية لخاطر هو يحترم كامل لثقافات من خلال لقيم لعالمية واحترام روح لبشرية. ولحاجة لي ركز عليها بزاف هي كان سامي يوسف يخدم باش يعمر لفجوة لي جاية بسب تعدد لمفاهيم ولمعتقدات ، باش يربط بين لجانب روحي باش يدير علاقة مليحة لتعاون ولتعايش. باش يبدا كي يوقف لكبير ولصغير، لمؤمن والملحد، لذكر ولأنثى من مختلف لاجناس تاع لعالم يولو يوقفو مع بعضاهم في كلش للغناء بصوت واحد، هنايا تبان لخدمة تاعو هنا تبان لغة تاعو وثقافتو. سبيريتيك مشروع مليح بزاف للبعض. بصح لكثير يشوفو بلي هاذ لمشروع راه بدا بلفعل.