Wp/arq/روبي

روبي، هوّا لوغة برماجيّة سكريبتيّة حُرّة، ريفليكساويّة و آمارية. هاد اللوغة كانت تستاندارديزات ف الجابّون ف 2011 من عند الجيس (JIS X 3017:2011)، و منبعد ف 2012 من عند المونضّمة العالاميّة تاع المتعاوديّات (normalisation) (ISO 30170:2012).

حكاية

يوكيهيرو ``ماتز`` ماتزوموتو هوّا الصنّاع تاع روبي. كان مروّن ب التجريبة تاعهُ تاع التبرميج ب ليسب و سمولتولك، و عليها بدا يصنّع ف لوغة برماجيّة ف 1993 ب إيماكس، و نشّر نسخة أولة ف 1995 تحت ليسانس حُرّة. من تمّاك، بدا يخرّج نسخات جدُد باش كل مرّة يجوّد الخدمة تاعهُ.

التبدالات الكبار تاع اللوغة كانو:

ف 25 ديسامبر 1998 ب النسخة 1.2.0
ف 13 أوت 1999 ب النسخة 1.4.0
ف 19 سبتامبر 2000 ب النسخة 1.6.0
ف 4 أوت 2003 ب النسخة 1.8.0
ف 30 جانفي 2009 ب النسخة 1.9.1 (عُرف صحيح تاع النسخة 1.9)
ف 30 أكتوبر 2011 ب النسخة 1.9.3
ف 24 فيفري 2013 ب النسخة 2.0.0
ف 25 ديسامبر 2013 ب النسخة 2.1.0
ف 19 أوت 2015 ب النسخة 2.2.3
ف 24 ديسامبر 2015 ب النسخة 2.3.0

النسخة الصحيحة التالية الّي خرجت هيّا الـ 2.4.0، و خرجت ف 25 ديسامبر 2016.

من لي ندارت توجيهات مكتوبة ب لنكليزيّة، و تاني الخروج تاع الفراموورك روبي أون رالز ف 2004، الشهرة تاع هاد اللوغة بقات غير تزيد ف العالام تاع التبرميج.

فلسافة

روبي هوّا لوغة موجّهة حويجات (orienté objet) و تقرّب من المنهاج حويجات تاع سمولتولك:

كامل المعلومات هوما حويجات، و داخلين فيها حتا النواع؛
كامل الداوال (fonctions) هوما معمولات (méthodes)؛
كلّ متبدّلة تورّي ل حويجة؛

ب الرغم على هاد الحال الموجّه على الحويجات (objets)، التبرميج الروتيني (programmation procédurale) تاني ممكن و عادي ف هاد اللوغة. القواعد تاع الكتيبة تاعها بسيطة، جايّة من تاع إيفل و آدا.