Wp/arq/دكتور ميد نايت
| دكتور ميد نايت | ||
| معلومات عليه | ||
| البلاد ː المريكان | ||
| جنسه ː راجل | ||
| صنف ː شخصية وهمية | ||
| ميزة ː عمى | ||
| صلاحيات خاصة ː يشوف ف ظلمه | ||
| نشأة تاعه | ||
| شخصية بديلة ː ماكنيدر
̠ تشارلز رايزنشتاين ستانلي جوزيف أشماير ̠ ستانلي جوزيف أشماير ̠ روي توماس ̠ تود ماكفارلين | ||
| ظهور لول ː افريل 1941 | ||
| ظهور تالي ː سبتمبر 1999 | ||
| المحررين | ||
| ديسي كوميك ⇐ [1] | ||
دكتور ميد نايت[edit | edit source]
دكتور ميدنايت او دكتور نص الليل هو عباره عن شخصيه خياليه و بطل خارق[1] في دي سي كوميكس[2]. هاذي الشخصيه الخياليه للعبوها ثلاث اشخاص مختلفين اللي هوما : شارلز ماكنيدر[3]، بيث شابل و بييتر كروس. الدكتور ميدنايت صنعه الكاتب تشارلز رايزنشتاين و الفنان ستانلي آشمايير في 1941. البطل لي لعب دوره شارلز ماكنيدر بان الخطرة اللولة قاع في آل أمريكان كوميكس في الرقم #25 تاع الاصدار (افريل 1941). و زاد كمل ظهوره حتى الرقم #102 (أكتوبر 1948).
كيما بزاف شخصيات بطولية تاع الجيل الذهبي[4]، الدكتور ميدنايت بان كعضو في جاستيس صوصايتي اوف أمريكا[5] تاع دي سي. هادو زوج لي جاو موراه كانو تاني يلعبو كي شغل اعضاء فالمجموعة. الدكتور ميدنايت جامي لا بان كشخصية صولو تاع مجلة تاع قصص مصورة باينة، بصح شخصيتو كانت موضوع مقتطفات او مسلسلات قصيرة. قاع النسخات في ثلاثة تاع دكتور ميد نايت قدموا نفس الميزات الأساسية : كوستيما بقلمونه فيها رمز الهلال، قدرة كبيرة باش يشوف فالظلمة ، على الرغم العما الكامل او لانه كامل اللي يجيه مين يخرج للشمس، يدير وحد لي ماسك سبيسيال، بوانب تاع فيميجان باش يربح فايدة تكتيكية في المدابزة، نفيو عالي في فنون القتال وخدمة الطبيب اللي تعاون الناس العاديين والابطال الخارقين ميتا-انسان[6] وزيد زوج من الطبو كان عندهم بومة آكوليت.
مينه عما، دكتور ميدنايت مصنفينه اول بطل خارق في القصص المصوره لي فيه عيب الي هو العمى، قبل ما يصنعو دارديفيل[7] تاع مارفل الكوميكس 20 عام موراها. البومة تاع دكتور ميدنايت شارلز ماكنيدر و بييتر كروس شكلو في زوج بومات كي شغل اكوليت مكنيدر كان عنده المام بومة اللي تحطمت فالتاقة وهي الحاجه اللي ادت الى استكشاف قدرتها. هادي البومة يسموها هوتي، وشاركت في بزاف مغامرات في الجيل الذهبي كروس كان عنده بوما اسمها شارلي هذه البوما عندها اسم شارلي لي هو الاسم تاع دكتور ميد نايت الاول قاع لي هو شارلز ماكنيدر. شارلي كان عنده كاميرا في عنقه لي منها الفيديو يتحول ديريكت لوحد الشاشة في نواظر كروس.
العديان[edit | edit source]
كل واحد من لي جسدو شخصية الدكتور ميدنايت دابز مع عديان مختلفين:
-غالاغر "مشنقة"
-اد "الأيدي" هانيجان
- "القاتل" ماروني
- بانشي
- 9 الفم الكبير
- دكتور لايت (كاريكاتير)[8]
- الدكتور جامويل
- صياد (كاريكاتير)
- كورت هارتمان هانز
- هيرمان غيركين
- الجليد انجرام
- ملك الكوبرا
- مدام زارا
- مالكولم موم
- السيد نيترو
- معتدل البنيه
- الرتيلا (ديسي كوميكس)[9]
- الثلاثي لي يخوف[10]
نسخات وحدخرين[edit | edit source]
في 1965 ديسي كوميكس ما كانتش ناويا تعاود تحيي دكتور ميدنايت . المنتج يوليوس اعطى الإذن لتلميذ تاع ام اي تي لاتيرهاك ريكنورود باش ينشر "قصة تاع الدكتور ميدنايت" في الفانزاين الخامسه التاعه. القصة المكتوبة من طرف نورود ومطوره من طرف ستيف صابو تهدر على طبيب سموه توم بانسون اللي تعما في مدابزه وهنايا يديكوفري بلي الحواس لخرين تاوعه حساسين بزاف ويلبس كوستيما تاع دكتور ميدنايت باش يواجه الجرائم.
نسخه وحدخرا زادت بانت في جي اس آ ليبرتي فايل تاع دان جولي وتوني هاريس على اساس عميل الاستخبارات الأمريكية في الحرب العالمية الزاوجه اسمو البومه . هذا الشخصيه على الرغم من انه يبغي النسا بزاف، يشبه للنسخ الوالا تاع دكتور ميد نايت . وعلى الرغم انهم مستصغر بسبب علاقاته مع النسا، ماكنيدر كان عميل قدره عالي و يسوا بزاف
في سلسله تانجن كوميكس: سوبرمان راينز نسخه وحدخرة تاع دكتور ميدنايت، شفنا في مشهد صغير بلي الجسم تاعه كان مغطي كامل بمونطو كحل.
في "الارض 2" الجديدة لي كرياوها مور "انفنايت كرايزز" و "52"، النسخه تاع بيث شابل مصنفينها على انها عضو في الجاستيس صوصايتي انفينيتي.
فلميديا لوخرين[edit | edit source]
التلفزيون[edit | edit source]
حاجة صرات على المباشر[edit | edit source]
الدكتور ميدنايت بان في حلقة صمولفيل[11] تاع العدالة المطلقة في مشاهد تمثل "جاستس سوسايتي اوف امريكا".
في واحد المشاهد لي فيها جمعية العدل الامريكية و تشارلز ماكنيدر جسدوه فشخصية الدكتور ميدنايت فالمسلسل the cw’s arrowverse legends فالموسم الزاوج لي كان يهدر على الوقت تع الربعينيات يصوره كويسي اماياو و كانو يقولو بلي هدا لا علاقة من الناحية القانونية بصح كانت كيشغل عنده القدرة باش يشوف شاكاين من مورا الناس ، و على حساب صاحبه ليكان معاه في ليكيب كان لازملك يموت كي خسر المهمة تاعو فل 1956 بصح مالغري هاكا و داك الاسطورة عرف بلي داروه فالمستقبل البعيد 3000 و هو خدم بالتكنولوجيا تع المستقبل باش يرد الشوف ( البصر ) منبعد كتله ريب هانتر لي داروله غسل الدماغ ( غسلوله مخه ).
بان تشارلز ماكنيدر و بيث تشابل في مسلسل "ستار جيرل[12]" من "كون دي سي[13]" لي صوره هنري توماس و انجيليكا واشنطن دي مورا دي ، و فالحلقة التجريبية مات ماكنيدر حدى "جي اس ا" كتلوهم "فرقة اللا عدالة", و دارو ديك اللبسة تع لارمي كيما سوفونير على الشرف التاعو و بانت بيث بلي هي حشامة شوية مشي اجتماعية ماكان عندها حتى صحاب كيما مها لي كانت تقوللها بقاي هاكا و في واحد الحلقة سموها "هورمان والدكتور ميدنايت" ولات دكتورة جديدة ميدنايت و تعاون ريك تايلر باش يعرف بلي والديه ماتو في اكسيدو لي كان سبتها سولومان جراندي[14] عضو جمعية الظلم .
و قبل مايعرضو المسلسل الخطرة اللولة بانت بيث في arrowverse crossover
ميكيات ː[edit | edit source]
بانت النسخة تع تشارلز ماكنيدر شحال من خطرة في الدوري العدالة غير محدود سيرتو فالحلقة تاع "القلب الاسود"و "نطيحو منقاسمين" و "المدمر" هنا لي بان غاية مع صحابه تع "جي اس اي[15]" لي هوما "رجل الساعة" و "دكتور المصير" و "القط البري"
و تاني تشارلز بان فالحلقات تع "باتمان الشجاع و الجريء[16]" في "العصر الذهبي تاع جاستس ليغ" و "الازمة تع 23000 ميل فوق الارض" لي لعب الصوت كوري بيرتون بان واحد من الجمعية تع العدل الامريكية
و فالحلقة تع "قلب بارد" بان بيتر كروس دبلجه بروس غرينوود تع واحد يدير عمليات لي يزرعو القلب و دارها لولد ختو الكونت فيرتبجو بيرديتا و ماحطوش اسمه في تيلي. بان من بعد فالحلقة تع الموسم الزاوج الوان حقيقية باش يعاون راي بالمر و النحلة الطنانة باش يتفاداو جعران الخنفساء الزرقاء خايمي رييس.
و بان تاني دكتور ميدنايت فتاع سوبر هيرو و الكوتي تع ميدنايت الطبيب خلاه يتفكر مين قال لباتمان باش يديه للمطار بصح باتمان قاله روح دي طاكسي خيرلك
الفيلم :[edit | edit source]
الفيلم "دوري العدالة ː الحد الجديد[17]" بان فيه دكتور ميدنايت غاية و بان تاني واحد من تاع جمعية العدل الامريكية
ألعاب الأطفال ( لي جووي) :[edit | edit source]
دكتور ميدنايت بان كيشغل كاراكتار أكتيف فالحلقة 12 تع كلاسيكيات كون دي سي[18] و كانو دايرين بلي كاين بومة زعمة لي كانت كاينة في ذراعه
الشركة تع ماتل دارت كاراكتار باش يديرو الدوري العدالة غير محدود في دكتور ميدنايت
و دي سي ديراكت[19] دات زوج كاراكتار من تاع دكتور ميدنايت و خرجت النسخة تاعه فل 2001 .
دكتور ميدنايت بان شوية كيشغل كاراكتار أكتيف فالحلقة 12 تع كلاسيكيات كون دي سي و كانو دايرين بلي كاين بومة زعمة لي كانت كاينة في ذراعه.
مراجع[edit | edit source]
- ↑ شخصيه خياليه
- ↑ دي سي كوميكس
- ↑ شارلز ماكنيدر
- ↑ الجيل الذهبي
- ↑ جاستيس صوصايتي اوف أمريكا
- ↑ ميطا انسان
- ↑ دارديفيل
- ↑ دكتور لايت (كاريكاتير)
- ↑ الرتيلا (ديسي كوميكس)
- ↑ الثلاثي لي يخوف
- ↑ صمولفيل
- ↑ ستار جيرل
- ↑ كون دي سي
- ↑ سولومان جراندي
- ↑ جي اس اي
- ↑ باتمان الشجاع و الجريء
- ↑ دوري العدالة ː الحد الجديد"
- ↑ كلاسيكيات كون دي سي
- ↑ دي سي ديراكت