Wp/arq/خوارج

الخوارج ظهروا في منتصف القرن السابع ب.م. (656-657)، في وقت الإنقسام لي صرى ما بين المسلمين من أجل قيادة الخليفة. ما تفاهموش على شكون يحكم. أهل السنة كانوا اقلوا بلي الخلافة لازم يحكمها غير واحد من قبيلة قريش. الشيعة كانوا اقولوا بلي غير واحد من عائلة النبي قادر يحكم (أهل البيت). الخوارج من جيهتهم كانوا اقولوا بلي حكم الخليفة ما اجي لا ملقبيلة ،لا من العائلة، و هو مفتوح لكل المسلمين مهما كان أصلهم, و المسلمين هما لي اخيرو الخليفة مِن خيرَةِ الرِّجالِ من بيناتهم.

تاريخ

كلش بدا مع قتل الخليفة عثمان بن عفان عام 656 ب.م. هذا وش جاب معركة صفين (الرقة، سورية) لي وقعت بين جيش علي بن أبي طالب (أهل البيت) وجيش معاوية (قريش ) في جويلية 657 ب.م. و بعد ما ماتوا بزاف الجنود، تافقوا على أن احبسوا الحرب و إشوفو كيفاش يحكموا بناتهم بلحوار (المحاكمة). بصح زادوا صراو عدة اختلفات على التفسير الديني للحكم و الخليفة و تعريف الامة الإسلامية و المسلم. و ضهرت جماعة جديدة ثالثة و هم الخوارج, لي رفضوا أفكار المحاكمة هذي. الخوارج كانوا فيهم عدة مجموعات كما الأزارقة، الصفرية، و الاباضيون (لي يرفضوا تنسيبهم إلى الخوارج على خاطر هما سلميين و ضد العنف).