Wp/arq/خميس مليانة

خميس مليانة(بلعربية:خميس مليانة)،قبل 1963افرفيل،هي مدينة جامعيةو بلديةفي ولاية عين دفلى في دزاير.جاية على 20 كيلومتر من شرق عين دفلى وحوالي 114 كيلومتر من غرب دزاير. و 70 كيلومتر من لبليدةو50 كيلومتر من لمديةو90 كيلومتر من شلف سكان تاعهاحوالي 574 84 بنادم.كانت مليانة من العصر روماني،منبعدافرفيل في وقت لٳستعمار لفرنسي قبل ما تكون مدينةكانت كما ساحة تاع التدريب تاع الجيش الروماني و مبعد ولات سوق عام في وقت العثمانيين و مبعد طلقو عليها اسم تاع افروفيل هاد الاسم من عند الفرنسيين لقدم و سكان تاعها 84574 نسمة في 2008 كانت خميس ميليانة بلاصة معروفة ب رعوية سيرتو كي جايين حداها بلديات صغار معروفين بتربية الماشية و عاونتها الازدواجية بين السهول و الجبال . القرية تاع خميس مليانة نعرفت فالعهد الروماني على يد الامبراطور اوكتافيوس بين لعوام تاع 25 و 27 قبل لميلاد جاية مليانة 100 كيلو متر غرب دزاير ووصفها الادريسي بلقول تاعو (مدينة مليانة كدرة مستندة على جبل زكار ) لاهمية حقيقية نتاع مليانة في لعهد لاسلامي كي عاود بولوغين بن زيري و هو من لامراء نتاع صناهجة لي ساهم في بناء نتاع لمدينة و خلاها عاصمة سياسية على جزء كبير في بلاد لمغرب لكبير و عرفت ازدهار كبير في التجارة و لزراعة لخلا شريف لادريسي في لكتاب نتاعو نزهة لمشتاق يقول فيه اي مليانة مدينة صغيرة حصينا علا نهار صغير عليه عمارات متاصلة و الكروم بها من سفرجل لكل بديع عنها سوق و حمام يجو ليه من كل بلاص

لمناخ

المناخ في المدينة هي

جايا دافية  في الشتاء و مهيش سخونة   قاوي في الصيف لاخاطرش قريبة من الساحل 60 كلمتر.تتميز هاد البلاصة بطبيعتها الرعاوية لاخاطرش محاطة بلبزاف من القرى و البلدات الصغيرةو لاهل نتاعها مشهورين بتربية المواشي بمختلف اشكالها كما الابل و لبقر و لماعز .
 كما انها تتميز بطبيعتها الجغرافية المتنوعة و مناخها دافي على العام

عندها قطاعات ازدواجية بين السهول و لجبال في داك المناخ بالمدينة خميس مليانة مشية بزاف اكتر من الصيف و الناخ تاعها معروف هنا على حساب تصنيف تاع المناخ كوبن جيجل في خميس مليانة في درجة لحرارة تاعها فيلعام هو18.1 درجة مئوية و متوسط سقوط الشتاء هنا هو 593 ميليمتر .

جغرافيا

هي وحدة من دوك المدن العربية تي جايا في الجزء الشمالي تاع القارة الافريقية و اقزاكت في ولاية تاع عين الدفلى في دزاير و جاياة علئ بعد 114 كيلو ميتر من لجزء الغربي تاع لعاصمة جزائرية دزايرتوصل ديك مساحة نتاعها الاجمالية الى 58 كيلومتر مربع  و عندها العديد من الحدود المحلية لاخاطرش تحدها من الجيهة الجنوبية جبال لونشريس و من الجزء الشمالي نتاعها الضهرة و من لجزء الغربي ولاية نتاع الشلف و من الجزء الشرقي مدينة المدية و سماوها بكري بافروفيل

تاريخ

 سجلت لمنطقة نتاع خميس مليانة حضور متميز فاتاريخ لقديم و لمعاصر فاتت على شحال من مواقف و بطولات مزالت لحد هاد ليوم رغم كامل لوقت و ضروف لي فاتو عليها و فالتفترة لرومانية ولات لمنطقة يسموها زوكابار و لي هي مليانة يعني نسبة لي بنت تكبيرة نتاع لماك روماني لي عندو اراضي شاسعة تمتد الى غاية عين دفلى دروك و سفسارة و هي واد شرفة دروك و اكواكليداي و هي لي هي حمام ريغا دروك . 
خميس مليانة فاتت عليها شحال من حضارة لاخطرش عندخا موقع متميز لي راهي معنقاتو مرتفعات زكار لي تحمل شويا من لمقاومة شعبية و ثورة تحريرية 
دايرة مليانة من دواير لمعروفة في تاريخ لجزايري لاخاطرش تاست في عام 1858 و جاية دايرة نتاع مليانة في لعاصمة نتاع لبلاد و بعيدة ب 120 كيلوميتر و تتربع على مساحة اجمالية توصل ب 198.47 كيلوميتر مربع و عدد سكان نتاع هاد دايرة يوصل حتى 59695 نسمة و عندها زوج بلديات مليانة و بن علال و تتميز بطابع جبلي و تفوت فيها سلسلة جبال نتاع ضهرة و جاية بسافح جبل زكار .
تعد الحضارة الفينيقية هي الاولى من دوك الحضارات لسكنت في المدينة و شعب تاعها دار مركز تجاري من القرب من الساحلية ولي تاترت بزاف في المناطق لجاية حدا المدن و سيرتو مدينة لخميس 
   سيطرت ديك الامبراطورية الرومانية على خميس مليانة بعدها قدرت على هزم الفينيقين في عام 42 ق. م و و رغم كلشي مدامتش هاد الحضارة في المدينة بسبت سقوط سلطانهم من قبل الونداليين . بانت الاهمية تاعها في العهد الاسلامي بعدما ساهم وحد الامير تاع صنهاجة بولوغين بن زيري في بناءها و تاخدو منها عاصمة سياسية لاجزاء واسعة من بلاد المغرب العربي و في ديك الفترة و قوات العديد من القطاعات الاقتصادية فيها و سيرتو الزراعة و التجارة.
  كانت اهميتها من خلال الموقع تاعها الاستراتيجي لحتلاتو في العهد العتمانيو تعتمد على طريق يصل بين العامة دزاير و بزاف من المدن تاع بايلك الغرب ولي هي مدينة تلمسان و وهران و مستغانم و في وقت الاستعمار الفرنسي بانت العديد من المضاهر و الاعمات من اصحاب المدينة لي عبرو فيها على رفضهم لهاد الاستعمار و من هاد المضاهر

_ مقبلوش يادو الخدمة العسكرية في الصف تاع الجيش الفرنسي _ بقاو يتعلمو في اللغة العربية في المساجد و الزوايا و الجمعيات الدينية و الكتاتيب _ ولاو مع الحركات السياسية لي طابع تاعها فردي ولات تهدر غير على التحرر و تحرير تاع لبلاد

    و بانت بعد الحرب العالمية الاولى في وحد الضروف الله لا يشوفك كانت صعيبة بزاف تعييو وكانت وحدة من التوجهات لتقول عللى الامال تاعهم في داك المستقبل السياسي في الجزائر  و المدينة .

في لعهد لعتماني

 كانت لبلاصة تاع مليانة في عهد تركي تابعة للبايلك لغربي و عاصمة نتاعها مازونة و عرف بكري لاتراك اهمين نتاع مليانة لاستراتجية و  هدا لخاطرش طل على طريق لبين دزاير و لبلايص تاع لبيلك الغربي و لهما تلمسان و مستغانم و وهران و من والتورات المشهورة هما تورة لبوطريق عام 1944 وقتلو فيها لحاكم تاع ترك في مليانة كامل هاد شيئ خلات بلاصتها في وقت العهد تركي ولي نزل فيها عابر لبلاد ملمشرق للمغرب طلبو فيها لراحة و تشوقو فيها للاكتشاف . و العلماء تاعها لمشهور لولي صالح احمد بن يوسف 931 هجرية 1531 ميلادي  دار فيها لامير عبد لقادر منشات حربية ولي هي مصنع تاع سلاح كما لمكحلات و رماح و كانت لمادة لولى تاعهم يخرجوها من منجم تاع زكار و لي كانو يسيروهم وحد لفرنساويين و قادهم داك الوقت الجنرال مريشال فالي في حملة عسكرية و دار حرب قوية بزاف شاركو فيها قاع لقبايل تاع لبلاصة على يد القايد خليفة محمد بن علال ولحقت بالجيش لفرنساوي خسارة كبيرة ولي اعترف بيها القايد لفرنسي كاستيلا لقال لقا الجيش تاع فرنسل خسارة كبيرة مالحملة الفرنسية في افريقيا . و في عام 1841 قادهم الجينيرال بيجو في حملة عسكرية في بلاصة تاع مليانة محبستش المقاومة الشعبية تاع مليانة و لبلايص تاوعها كامل من مور المقاومة تاع لامير عبد القادر و عرفت بزاف انتفاضات ضد الاستعمار و اختار ديك المرحلة و قعد داك الراي في لمرحلة تاع التنضيم على جال الاعداد لمليح من لمرحلة تاع تورة لمسلحة .و كان يحكي لمجاهد محمد فرنيني من خميس مليانة و كان يعس  لماتمرين و يرفد سلاح معاه و شيعو على فرنسا بلي فطن بيهم و اعلن مصالي الحاج اوامر تاوعو باش يحرقو الوتائق و المعلومات لمكتوبة لكانت متعلقة بداك لقاء و تافقو كامل باه يكملو شغل تاع لمؤتمر فالبليدة في لدار تاع محمد بولحية على حساب رواية تاع بن يوسف بن خدة ولي حضرو فيها ساعيد عمراني احمد ين بلة احمد بودة و سيدي علي عبد الحميد بن يوسف بن خدة حمو تليليس .

شخصيات عندها علاقة بلمدينة

 رؤسا سابقون نتاع دايرة خميس مليانة لي هوما 

سي لحسن مدة لحكم نتاعو هي من 1962 حتى 1963 و زاد من موراه لمقراني حكم من 1963 حتى ل 1966 و من 1966 حتى ل 1977 الله اعلم و من 1977 حتى ل 1980 حكمها سي زقاوي بوعلام و من موراهم جا سالمي مصطفى و هو فاني حكم من 1980 حتى ل 1984 و موراهم فاني محمد لكبير من 1987 حتى ل 1989 و من موراهم جا شعبان لهاشمي خدا فاني حكم من 1991 حتى ل 1992 و باباس شمس الدين حكم فال 1990 بعدهم جا حمو احمد توهامي من 1992 حتى ل 1994 و مبعد جا بالحي احمد من 1994 حتى ل 1995 و مبعد عبابسية محمد من 1995 حتى ل 2000 و من مورا هادو بالحزة جيان لغالي عبد القادر من 2000 حتى لل 2008 و موراهم جا ختيفة رضوان من 2008 حتى لا 2015 ايا و مبعد جا هداك لي يسموه محيوت يوسف و بدا يحكم من 2015 لحد هاد لساعة