Wp/arq/حسيبة بولمرقة
حاسيبة بولمرقة، عداءة جزايرية زادت في 10 جويلية 1968في قسنطينة. متخصصة في سباقات الجري للمسافات الطويلة و المتوسطة (1500 متر و 800 متر) ربحت ميدالية في دورة برشلونة و هي فاني بطلة العالم زوج مرات في سباق 1500 متر و خدمت في لجنة االرياضيين اللجنة الأولمبية. هي المرأة العربية اللولة الي فازت بلقب عالمي كي دات المرتبة اللولة في سباق 1500 متر و فازت بالميدالية الذهبية في بطولة العالم الثالثة لألعاب القوى الي ندارت في طوكيو باليابان عام 1991، الوقت الي دارتو هو 4 دقايق.
طريقها فسبور[edit | edit source]
في عام 1986، كتشفت المسابقات الدولية في شومبيون دي موند، و تكلاسات المرتبة 80.
دات المراتب الأولى في نتائج الدولية، في شومبيون دافريك عام 1988 وين ربحت ميدالية ذهبية. من بعد خسرت في زوج جولات وحدة نتاع 800 متر و لوخرة 1500 متر في دمي فينال[1].
وتوجت مرة أخرى عام 1989 في كوب دافريك، كملت الموسم نتاعها في المركز السابع في لاكوب دي موند في برشلونة[2].
في عام 1991، كانت المتخصصين المخيرين في العالم بعد ما غلبت جولدن جالا رومية[2]. فازت باللقب في منديال طوكيو. في نفس البطولة و في نفس اليوم، ولد بلادها نور الدين مرسلي دا ثان لقبه الأول العالمي على نفس المسابقة ل 1500 متر. انتصار بولمرقة يعتبر ثان رمزي، ولات أول أفريقي دات شومبيون دي موند لألعاب القوى.
الفوز نتاعها رجع مصدر تقدير من البلد نتاعها. مسارها المشرف تغطى بألوان درابو لجزايري. هي رمز المرأة العربية في الألعاب الرياضية. ردت على اللي نتاقدوها علاش ما تلبس الحجاب قالت:"كيما ما نقدروش ندخلو للجامع بالشورت، ثان ما نقدروش نجرو بالحجاب"[3]. عرفت في بداية موسم 1992 شوية من امكانياتها. انقاطعت عن معسكر التدريب قبل وقت قصير من مبارات برشلونة. لا فينال كانت تجري بريتم سريع من قبل ممثل الدولة المستقلة ليودميلا. بولمرقة ظلت في أعقابها مما كانت عليه في 200 متر[4] تالية. رجعت لبلادها و في يدها أول ميدالية في تاريخها.
في بداية موسم 1993، كانت زعفانة بسبب مشاكل شخصية، باباها حكماتو أزمة قلبية و داوه لفرنسا[5]. ثان كانت لازم عليها باه تخدم فالخارج بسبب تهديدات المتطرفين. واجهت ضغوطات من طرف الفديرالية باش تشارك في ألعاب البحر المتوسط، و ربحت في 800 متر. تبليسات بعد مشاركتها في منديال شتوتغارت، مع تنحاو ظفارتين نتاع زوج من صباعتين رجليها. مع صبابط ما يحموهاش من الخطر في المسابقات. مالغري هدوك الإصابات، بصح كملت في المركز الثالث[5]Template:,[6].
في الموسم اللي بعدو لقات مستوى عالي عالمي، و تحصلت على نتائج جيدة في الإتحاد الأروبي. في نهاية الموسم، احتلت المركز الثاني في نهائي الجائزة الكبرى ورا الكندية أنجيلا تشالمرز، فالسمانة الزاوجة نتاقمت في كأس العالم للدول في لندرس[7]Template:,[8].
مرة وحدوخرى، كينا في 1992 تحضيراتها لمنديال جوتبورغ 1995 غير مثالي، كملت لا فينال كأفضل وقت في هذاك الموسم، انتصالرها في نفس الموسم باللقب العالمي الثاني[7].
مرة أخرى، بدايتها في موسم 1996 ما كانتش مليحة، مع وقت يكافئ العام لي فوتاتو في 1989. مع ذلك شاركت في ألعاب أتلانتا و هي متأملة باش تحتفظ باللقب نتاعها. بصح كي لحقت ل دمي فينال، تعرضت لأكسيدو في سباق الجرس علنت آخر جولة:صابت روحها محرومة من الحذاء باش تكمل مسارها و نهايايت ما هيش مكاليفيا فيهم و خلاصت بإلتواء الكاحل نتاعها[9].
جرات ثان في موسم 1997، بصح ما دافعتش على لقبها العالمي. في 1998، العام اللي توفات فيه الوالدة نتاعها، ما ولاتش قادرة تتحمل التدريبات و دسيدات تحط حد لمهنة الرياضة[5].
لبوست نتاعها[edit | edit source]
خدمت يامات فالبوست نتاع لجنة الرياضيين اللجنة الدولية للرياضة. ضرك راهي سيدة أعمال، سيرت حسيبة بولمرقة الشركة الدولية اللي هي وسيط بين شركات الأدوية و الصيدليات، ديادورا الممثلة الحصرية في دزاير و مؤسسة ستائر الجدران و مركب الألمنيوم.
ليست نتاع الرابحين[edit | edit source]
تمييز شخصي[edit | edit source]
- تلقات جائزة أمير أوستيراس الرياضية عام 1995.
- في 2007 استقبلت أول قاعة للمشاهير للرياضة في إفريقيا[10]