Wp/arq/حب

الحب

الزوج لأسطوري روميو و جوليات

لحب يعني ذاك لإحساس و لحنانا معا كاش كائن ولا حاجا لي نحسوبيها روحانيا ولا خياليا يعني لحب معا طرق و تصرفات خاصا.هو عبارا عمى مفهوم عام لي هو لحب يقتضي مينذاك على احساس كبير و توحاش و حنانا من جيهةلإنسان ولا لفرد في صوالح قاويين كيما رومنسيا ولا لحب تاع لعايلة ولا حب لبلاد و دين ، كيما نعتبروه ثان عنصر أساسي فلعلاقات لاجتماعية و يمثل پلاصا مهما فلاصلاح لبسيكولوجي للإنسان و للمجتمع ثان . و فاللغا كلمة حب بلفرونسي يعني أحاسيس متنوعا و تصرفات من طبع عاما مرتبطا بأهداف قاوياترمز لكاش حب باين كيما حب شيكولا ولا حب الناس كيما حب لوالدين لولادهم و ثاني لجدة لحفضانها. ذَا لحب لمتنوع يخلي لواحد يعيش في ذي دنيا فرحان و عندو أحاسيس قاويا.

أحاسيس قاويا و مركبة

كلمة حب فلوغا تاع لفرونسي جاياملفعل يبغي و تعطينا شحال من نماذج فلوغا حيث نستعملو لفعل يبغي في شحال من أمور متعنيش برك حب بنادم لبنادم بل حب بنادم لكاش حاجة ولا حب بنادم لحيوان ولا لماكلا و بلونقلي هذي لكلمة فلاصل تاعها عندها شحال من كلمات كيما هي و شأن تاعها هو شأن اللوغا لعربية و ليونانية. لإختلاف قاع تاع الثقافات لخاصابلمعنى تاع لحب مقدرتش تعطي تعريف عالمي باين.و لحب خطرات يدّي منعرج قوي و متعدد لأطراف و لأوضاع و على هكّا يبَعَّد مينذاك على لأحاسيس و لبغي قابل باه يدي منعطف نورمال و يجر لإنسان للحب تاع صوالح و لماكلا و ثاني للحب تاع الصحبة ولا للحب تاع كاش حاجا تقدر تأثر في حياة لإنسان و يبدلها ململيح للمليح كثر. و من شا رَآه يصرى فلعايلات لي يبين كطلاء يكون لحب بين الناس و يورو سلوكات قاويا تصرىايجابيا و لازم يبعدو على لكره و لمداقات و لأنانية لأنو لحب رمز مرموز تاع الصحبة و لازم علينا قاع نتاصفوبيه. لحب بمثل ارتباط قوي بين زوج عباد مختلفين فلجنس و يقوي لعلاقات بين راجل و مرتو و شا يحس كل واحد من جيهةلاخر،كيما ثان يقدر يكون لحب احساس كاش واحد من جيهة وحداخر ولا حبو للوطن تاعو ولا لحياتو لي راه عايشها ولا لكاش حيوان ولا اي حاجا وحداخرا.لحب بين لأفراد هو احساس كبير و قوي و متين و ينجم يكون في شحال من شكل و شحال من درجات. الشعور التالي و الساهل قاع كي نقولو حب ذراري من من جيهة صحاب الدار و ذَا لحب مشي كيف كيف كيما لحب من جيهة الصحاب ولا حب الراجل لمرتو.وكي يتلاقاو زوج عباد و يديرو علاقات حميمية يزيدو يقواو لأحاسيس بيناتهم. و ثاني لوكان تكون مبادرة باه نجمعو زوج عباد في علاقة تاع حب متينة و قوية يصرى ارتباط حسي و معنوي. حب لهواية لي نستعملوه فاللغات لقاويا ولا لحب لأول مرة يدير تغيرات على وجه لبنادم لي يبدا يدير في شي صوالح كيما يبوس ولا يدير علاقات جنسية.هذي تاع انو يدير علاقات جنسية نصيبوهاعند قاع اللغات. و بلا ما ننساوبلي هذي لعلاقات ذروك راه عندها قانون و ثقافة جنسية لازم على كل واحد انو يحتارمها،ولازم نبعدو على صوالح لي مشي ملاح لي ذروك راه يعاني منها قاع لمجتمع كيما لخطف و لإغتصاب. و لإختلاف تاع الثقافات فكفاش نستعملو لحب ذروك ولات تختلف يعني ماهيش كيما كانت بكري راهي مختالفا في قاع لپلايص مهما كان النوع تاع ذَا لحب ودي ولا رمنسي. فالتاريخ و الفلسفة و الدين و ثان في علم اللاهوت ولا كاين تأملات بزاف في ظاهرة لحب و هذا مظهر ثابت للفنون و لموسيقى و للآداب و في علم النفس فلقرن لي فات عاودت تجددت انعكاسات على هذا الموضوع وفي ذو لعوام لي فاتو لعلوم كيما لبيولوجيا و لعلو تاع لأعصاب أحسنو لفهم تاعنا لطبيعة وظيفة لحب.

تاريخيا

كلمة حب استعملناها بكري فلقرون لي فاتو فلوغا لفرنسية بطريقة جايا ملاتينية.كيما لاحظو اواثس ستراسبورغ هذي لكلمة في شكل روماني في عبارة علاجال حب الله.

اليونان لقديمة

لمصطلح تاع لحب يغطي ربع مشاعر متميزة و باينا مليونان لقديمة و لي هي إيروس،فيليا،أغاب و ستورج فيليا يقرب للصحبة. كيما رانا نسمعو ليوم و هو احترام متبادل وقوي بين زوج عيباد يكونو من وضع اجتماعي متقارب يعني مينجمش يكون في ذاك لوقت غير بين زوج عباد يكونو من نفس لجنس علاجال عدم لمساواة بين لجنسين هذا هو امتداد الصحبة. ايروس يكشف النقاب لجنسي،الرغبة في لفكر لأفلاطوني،فهو يشوفها خطرات بلي هي وحدة ملمشاعر لي تظر و لكن ثاني كيما لجنون لإلهي لي سبب السلع لكبيرة لرجال و معا هذا يقدر يكون اختلاط مع بلدي فيليا. أغاب هو لحب من لي جاي.وهو علاقة فريدة نقودوها ليوم للإيثار وهي تتمبز بلغوية تاعها وماهيش عمل مدروس ولا شكل ملأشكال تاع التأدب لكن هي تعاطف تاع صح سواء كانت مهيش معروفة ولا حميمية. فالتقليد لمسيحي تاع آباء لكنيسة،وهذي لكلمة يتم استعابها ملمفهوم تاع مؤسسة خيرية مالقري انها قريبة لعلاقة مادية تاع الناس لي يكونو يسوفرو ولفعل لأصلي ما عندوش الدلالة لأخلاقية تاع لمسؤولية قدام السلطة الإلهية. ستورج يوصفلنا لحب تاع لعايلة كيما لحب و حب لوالدين لوليدهم.

=لمجتمع تاع لماريكان فستينات=

على حساب لمجلة تاع بلانيت لعلاقات تاع لحب فلولايات لمتحدة على حساب نوع تاعها عبرو عليها فستينات بثلث كلمات: لحب لإحساس فلحب،لجنس لي هو لجماع بلا منحكمو مقبل على لمشاعر اذا كانت حاضرة ولا لالا و لمرح هو التبادل لبسيط للعلاقة بين الصفات لي هي مابين لمغازلة لبسيطة و لعلاقات لحميمية لكن بلا النية تاع لإلتزام لا من جيهة ولا من جيهة واحداخرا.