Wp/arq/تيناريوان

تيناريوان

تيناريوان (Tinariwen) (بالتيفينغ ⵏⵓⵔⵏⵜ) فرقة موسيقية تارڨية من شمال المالي (والجزاير) معروفة عالمياً.

أسمهم بتارڨية معناها "الصحاري".

في 2012 ربحو جائزة غرامي كأفضل ألبوم في العالم (ألبوم "طاسيلي").

نوع الموسيقى

الموسيقى تعهم جاية بين البلوز، الروك والألحان و الإقعات التارڨية التقليدية ,بالڨيتارة الحديثة المكرهبة. هاد النوع الموسيقي إعيطولو "أسوف" (معناها حزن مخلط بل وحدة) ولا "تِيشومارَة" (لي كانو يلعبوا لموسيقى هادي كانو شومَارَة).

قصة حياتهم

البداية

إبراهيم أڨ الحبيب

كيما لبلوز (لي خلقوه أحفاد العبيد فلمريكان)، هاد الموسيقى تخلقت فل غربة و الحزن. على خاطر الطوارڨ (خاصتاً تع المالي والنيجر) كانو حابين ايدرو بلاد وحدهم في الستينات، بعدما خرج الاستعمار الفرنسي. ما كانوش قابلين يدخلوهم في بلدان النيجر و المالي، ومازال حتى ليوم مطالبات الاستقلال في منطقتهم لي اسميوها "أزواد". فالستينات، نتقتلو بزاف الطوارڨ من يد العسكر تع المالي و النيجر (في أول إنتفاضة الطوارڨ تع 1963-1964)، مالا هجرو في الجزاير و ليبيا.

المغني المشهور ديالهم "إبراهيم أڨ الحبيب" ,كي كانت في عمرو 4 سنين, قتلولو باباه قدامو فلمالي (تهموه بلي كان داخل فلمقاومة). (منها كتب غناية 63, معناها 1963, لعام لي قتلولو باباه). مالا هجر "إبراهيم أڨ الحبيب" مع جداتو للتمنراست في الجزاير. كي كبر ،خدم ڨيتارة بحبل تع حديد فوق بيدون و بدا يلعب موسيقى مع "إنتيدين أڨ أبليل" و خوه "لِييَا أڨ أبليل" و "الحسان أڨ التهامي", و كانو يلعبو فلعراس ولفراح مع ثلث مغنيات. هكذا كَوْنو فرقة صغيرة في 1979 أسمهى "تغرفت ن تيناريوان". دارو أول حفلة كبيرة تاعهم في 1982 في ألجي.

في هداك الوقت، في الثمانينات، قذافي كان حايب اكبر الجيش تاعو، مالا حلو للطوارق, و دخلو فيه "إبراهيم أڨ الحبيب" "إنتيدين أڨ أبليل" و خوه "لِييَا أڨ أبليل" و "الحسان أڨ التهامي". لتما زادو عرفو الموسيقيين "كدو أڨ اوساد", و "محمد أڨ إطلال" و "عبدالله أڨ الحوسيني" و وحدخرين. كبرت الفرقة و تعلموا يستعملو السلاح. بداو إسجلو كاسيطات، اغنيو فيهم على الطوارق و تحرير بلادهم من المالي. هاد الكاسيطات مشاو في كل الصحرا.

في 1989, "إبراهيم أڨ الحبيب" قدر إولى يسكن فلفيلاج ديالو "تيساليت" في شمال مالي، بعد 26 عام هجرة .

في 1990, زادت ناظت الإنتفاضة الثانية تع الطوارق. و شاركو فيها بزاف الفنانين من فرقة تيناريوان.

في 1991-1992 دارو الطورق اتفاقيات السلام مع دولة المالي. مل تم، الفنانين تع تيناريوان قررو إحبسو السلاح و إديرو غير الموسيقى.

خرجو زوج ألبومات في 1992-1993, "تينيري" و "باماكو".

الشهرة

تيناريوان

في 2001, لعبو في حفلة كبيرة في شمال مالي، و سمعوهوم  منتجين ڨور, لي سجلولهم أول ألبوم مشهور تعهم "ز راديو تيسداس ساشين". ( The Radio Tisdas Session). مل تم بداو ايديرو حفلات فلعالم كلو. في 2004 و 2007, خرجو ألبومات وحدوخرة لي عجبوو بزاف موسيقيين معروفين كيما كارلوس سنتانا (Carlos Santana)، راديوهاد (Radiohead)، كولد بلاي (Coldplay)، روبرت بلانت (Robert Plant) تع لاد زيببلن (Led Zepplin) و U2.

في 2010, الفرقة كانت تمثل الجزاير في كاس العالم تع البالو.

في 2012 ربحو جائزة غرامي كأفضل ألبوم في العالم (ألبوم "طاسيلي").

أعضاء الفرقة

لي أسسو فرقة تيناريوان في 1979 في تمنراست هوما:

• المرحوم إنتيدين أڨ أبليل
• إبراهيم أڨ الحبيب (المدعو "أبريبون")
• الحسان أڨ التهامي (المدعو أبن-أبن أو أهار)

زادو لحقوهم منبعد في ليبيا:

• كدو أڨ اوساد (المدعو خيواج)
• محمد أڨ إطلال (المدعو "الجابوني")

• و في 1986 لحقهم "عبدالله أڨ الحوسيني"

و زادو لحقوهم منبعد شبان جدد كيما:

• أيادو أڨ لشي
• سعيد أڨ اياد
• إلَڨَغ أڨ حميد
• عبدالله أڨ لميدة (المدعو "إينتِداو")
• وونو والت سيداتي
• الخواتات والت عومر

ألبومات

• تينيري (1992)
• باماكو (1993)
• ز راديو تيسداس ساشين (2001)
• أمسكول (2004)
• أمان إمان (2007)
• إمِدِوَنْ (2009)
• طاسيلي (2011)
• إمعار (2014)
• الوان (2017)