Wp/arq/بكين
[1]بكين في لحقيقة يسموها بجين وهي لعاصيمة تاع جمهورية صين شعبية,جغية في شمال تاع لبلاد
التاريخ[edit | edit source]
لاثار لولين لسكان تاع بكين صابوهم ف لغيران تاع لاكولين تاع دراڨو.ڨريبة من ڢيلاج تاع زوكوديا ف لولاية تاع فونڨشان،هنا وين عاش بونادم تاع بكين. لحجر تاع هاذو لغيران يرجعو ل230000 ولا 250000 عام. لمدينة تاع جي لي جاية ف لجنوب تاع بكين ،هيا كانت لعاصمة تاع دولة تاع يان،ف وقت لممالك لي كانو يحاربو (473-221 قبل لميلاد) كان حاكمها وحد راجل يسموه كين شي هونڨ.هاذا كين ولا لامبراطور لاول تاع صين ف 221 قبل لميلاد.كين شي عاود نظم لولاية تاعو وقسمها لستة و ثلاثين ساس. كيما طاحت هان، ولات جي منطقة تاع قوة للقايد ڨونڨسان زان.
مرحلة لقرون لوسطانيين[edit | edit source]
ف1125، واحد شعب يسموه جيرشان، احتلو لامبراطورية تاع ليياو، و بناو عايلة لي تحكم، يسموها جين. ف 1153، عاودو سماو لمدينة تاع زونڨدي( لعاصمة تاع لمركز)، ودارو عاصمتهم لاساسية. للمرة للاولى بكين ولات لعاصمة تاع امبراطورية كبيرة، بصح ماهيش لعاصمة تاع ڨاع صين.
لجغرافيا[edit | edit source]
لمدينة تاع بكين جاية ف لجهة لي بين شمال وشرق تاع صين، فيها 16808 كيلو متر كاري. لمدينة جاية علا خط تاع لعرض 39 درجة ف شمال ،و خط تاع طول 116 درجة، هيا جاية كيف كيف مع انقرة، لعاصمة تاع ترك،و مع ڢلانسيا تاع سبانيا.
لوضعية[edit | edit source]
بكين جاية بعيدة علا لبحر تاع يوهاي ب110 كيلو متر ، فطرف لي بين شمال وشرق تاع لرض لمسڨمةتاع صين لي ف شمال. كاين ف لغرب تاع بكين لجبال ، وف شمال كاين بلايص ماعندهمش بزاف ملي راهم مربوطين مع صين، علا هاذا سور لكبير تاع صين جاي ڨريب من بكين.
لجيولوجيا[edit | edit source]
سور لكبير لي جاي فشمال تاع صين ،هنا وين نصيبو بكين،هو من جهة جيولوجيا تاعو بلاصة تاع ترسب فيها لغرسة، لقيباش هيا ڨريبة من لبحر لصفر لي معمر بطين.
لجو[edit | edit source]
بكين ماهيش بعيدة بزاف علا لبحر، بصح فيها ريح لي جي من لغرب .عندها شتا بارد وناشف ، وصيف بزاف سخون وفيها لاميديتي طالعة قاوي.كي تكون كاينةموجات تاع سخانة،لحرارة تلحڨ حتى 45 درجة، علا هاذا عندهم فرق كبير بين لفصول. ف بكين سخانة تلحڨ حتى -2 درجة ف شهر لبارد ڨاع، وتلحڨ حتى 27 درجة ف شهر سخون ڨاع.
الديموغرافيا[edit | edit source]
سكان تاع بكين مقسمين، كاين ناس ساكنين دايمن وكاين ناس ماعندهمش سكاني دايمين. ف ڢيڢري 2010، سكان تاع بكين لحڨو حتى 22 مليون ، كاين منهم 8 ولا 9 ملايين ماهمش ساكنين دايمن.وكاين لخداما لي هجرو و عايشين ف لعاصمة عندهم بارمي تاع سكنا. بكين هيا زاوجة بعد شونڨكين وقبل شانڨاي بلمجالس تاع لبلدية تاعها. لاغلبية تاع سكان بكين عندهم جذور من هان. وكاين وحداخرين كيما موندشو، هوي ولمونڨول، بصح هاذو لجذور قلال.
تقسيمات تاع لادارة[edit | edit source]
لمجالس تاع لبلدية ف بكين مقسمة علا سطاعشن تقسيمة: فيها رباطعشن ولاية وزوج مقاطعات تاع لادارة.
لمشاكل تاع لمحيط[edit | edit source]
لعاصمة تاع صين تسوفري بزاف من لمشاكل تاع لمحيط،لاقيباش يصراو فيها بزاف لكوارث. هيا تعاني من تلوث تاع لويدان وهاذا دارلها مشكل كبير ف لما وسيرتو لما تاع شريب. بكين معروفة ثاني ب تلوث تاع لجو. هيا ثاني عندها مشاكل تاع لنقل تاع شعب لي ناقص بزاف وهاذا دار مشكل تاع سيركيلاسيو. وعلا هاذا دارو قانون يسهل عليها باش ترجع لبوبالا وتعاود تخدم بيها صوالح وحداخرين. وهاذا باش تحارب وتنقص من تلوث لي جا من طونابيلات و لوزينات لي ڨراب من بكين.