Wp/arq/أناطومي

الأناطومي (بلنڨليزية anatomy) علم داخل فلبيولوجية, تدرس شكل و مكونات الاجسام الحية.

أصل الكلمة

كلمة "أناطومي" جاية مليونانية "anatomē) "ἀνατομή) لي معناها "قص بطريقة علمية".

تعريف

الأناطومي هي طريقة علمية تدرس كل مكونات و أشكال الجسم الحي (نبات، حيوان، إنسان).

تدرس لحوايج لكبار و صغار; الاجهزة (جهاز العظمي، جهاز الهضمي...)، الاعضاء (العين، الكبدة...)، النسيج البيولوجي (اللحم...). تدرس الشكل نتاعهم، بلاصتهم و مكوناتهم و العلاقات ما بيناتهم. الأناطومي ما تدرسش كيفاش كل هاد لحوايج يمشيو، هي تقول برك كيفاش دايرين، وش فيهم، كيفاش إبانو (الشكل، العرض، الطول، لعروڨ و الدم لي داخلين ولى خارجين...).

فروع لناطومي

• أناطومي تع لعظم (ٱُستيولجية)
• أناطومي تع لحوايج الصغار بزاف (هِستولوجية) (إشوفوها غير بلعدسة المكبرة).
• أناطومي تع الأمراض (كل مرض إبان بشكل معروف لِي ِإشُوفو و يفَهمُو غير الطبيب)

أناطومي لحيوانات لي عندها لعظم (عمود فقري)

كل الحيوانات المعظمة تتشابه بزاف، عندها عمود فقري في الضهر وين إفوتو الأعصاب.

الحوت

الجسم تع الحوت مقسوم ل 3 أجزاء: الراس، الوسط و الزعكة. مل داخل عندو لعظم و عمود فقري.

أناطومي تع حوتة

البرمائيات

يقدرو إعيشو فلماء و فوق لرض.

أناطومي تع جرانة (كرش)

الزواوش

حيوانات لي عندها لجناح والريش.

أناطومي تع حمامة (عظم )

الحيوانات لي ترضع

عايلة الحيوانات لي ترضع في صغرها كبيرة، فيها الانسان، القط، الدلفين، البقرة، القرودة..

الإنسان

أناطومي العمود الفقري تع الإنسان

أناطومي الحيوانات لي ما عندهاش لعظم (بلا عمود فقري)

الحشرات, بودجغللو, كرابة، عڨرب, قرنيط...

أناطومي تع بودجغللو