Wp/arn/Mapuzugun

From Wikimedia Incubator
< Wp‎ | arnWp > arn > Mapuzugun
Wirin mapuzugun mew

Mapuzugun, mapunzugun, mapucezugun, cezugun rume, ta pu mapunce ñi zugun. Mvley 100.000-200.000 ce zugukelu tvfaci zugun, zoy mvlekalu Gulumapu mew ka fey kom Cile mapu pigelu. Epe kom pu ce inarumepelu mapuzugun kimi may ñi ñamkvlerpun ta tvfaci kewvh feymew newentu wixapvramtumekeygvn kom Wajmapu mew pu mapuzugufe ñi mvlekayal tañi zugun.

Kake Vy[edit | edit source]

Mapuzungun konvmpagekey kake vy ka. Pu wigka ka pikefi "araucano" femgeci ka pigerkey ta pu mapuce. Kuyfi mew pu patiru akulu taiñ mapu mew feypikey:"Lengua General de Chile". Puelmapu mew pu wigka mvlelu Wenusay waria feypikey:"Lengua Pampa". Kake vy pu wigka pikey ta:"Lengua Ranquel" (fey ta Ragkvlcezugun); "Idioma Moluche" (Gulucezugun), "Idioma Puelche" (Puelcezugun), "Idioma Pehuenche" (Pewencezugun). Welu fey kom ta kisu kiñe zugun, Mapuzugun ta tvfey may.

Cijka mapudugun mew[edit | edit source]

Luis de Valdivia wirintukuy ci wvnen mapudungun cijka 1606 xipantun mew. Feyci cijka Arte y Gramática General de la Lengva que corre en todo el Reyno de Chile pigey. Feyci cijka mew pegey ci wvnenke wirin pvnegelu mapuzugun mew, feymew kom wvnenke mapuce hemvl wirintukugelu, welu mvlelay rume nvxamkan kom entupelu kiñe mapuzugufe, kom mapuzukantun pegelu feyci cijka mew rulpazugugefuy feymew pepi welulkayayfuy ka xvrkvlelayay may ta pu mapuce ñi nvxamkawvn mew.


Fijke hemvl tuwlu kakelu pu kewvh[edit | edit source]

Kuyfi ka fanten mew ta mapuzugun ka jowvrkey fijke hemvl xipalu kake ce kewvh mew, castijazugun, aymarazugun ka kecuazungun tuwci hemvl ta fexelen may. Faw ta pefalgey kiñeke zugun kam hemvl zew konkvley ta mapucezugun mew.

Hemvl xipalu Kicuazugun mew Hemvl xipalu Castijazungun mew Cumgeci rulpay Mapunzugun mew
Pataka Pataka
Sombrero Cumpiru
Valer Falin
Waranka Waragka