Jump to content

Wp/apc/سنة كبيسة

Add links
From Wikimedia Incubator
< Wp | apc
Wp > apc > سنة كبيسة

السنة الكبيسة هي سنة بيكون عدد أيامها 366 يوم، مع إنو عادة السنة فيها 365 يوم. بس لأنو الأرض بتستغرق بدورتها حوالي الشمس 365 يوم وربع اليوم، فقرروا يجمعوا هالأرباع ويضيفوها كل أربع سنين، مشان يتناسب التقويم مع الدورة الفلكية.

29 فبراير

[edit | edit source]

السنة الكبيسة عدد أيامها 366 يوم، يعني يوم زيادة عن السنة العادية. وهاليوم المضاف هو 29 شباط، وكل أربع سنين بيجي هاليوم مرة وحدة بس.

بالتقويم الميلادي

[edit | edit source]

لحد سنة 1582، كانت القاعدة بسيطة لتحديد السنين الكبيسة، و كانو بيضيفو يوم بآخر شهر شباط (29 شباط) لكل سنة رقمها بيقبل القسمة على 4. بهالطريقة، بيطلع طول السنة الميلادية بالمعدل 365 يوم و ربع. القاعدة بعدها شغالة عند بعض الطوائف المسيحية الشرقية.

تحديد السنة الكبيسة بالتقويم الغريغوري

[edit | edit source]

بسنة 1582، فلكيو الفاتيكان قالوا للبابا غريغوريوس الثالث عشر إنو في فرق 10 أيام بين التاريخ الميلادي و الاستطلاعات الفلكية. استنتجو إنو السنة الفلكية أقصر من السنة المعدلة حسب التقويم الميلادي، و لازم تقليل عدد السنين الكبيسة.

البابا أمر بحذف 10 أيام من 5 لِـ14 أكتوبر 1582، و غيّرو قاعدة تحديد السنين الكبيسة، فصار إنو السنين يلي بتقبل القسمة على 4 كبيسة، إلا إذا كانت بتقبل القسمة على 100 و ما بتقبل القسمة على 400.

يعني، كل سنة بتقبل القسمة على 4 هي كبيسة متل سنة 4، 8، و12. بس كل 100 سنة بيتم تخطي سنة (متل سنة 100، 200، 300 و500)، إلا إذا بتقبل القسمة على 400 متل سنة 400 و800 فهي كمان كبيسة.

مثال: السنة 2004 كبيسة، وكمان 2000، و2008، 2012، 2016 و2020 كلهم كمان سنين كبيسة.

مصادر

[edit | edit source]

روابط برانيه

[edit | edit source]
leap year
على مواقع التواصل الاجتماعي
leap year على كورا
سنة كبيسة
على المشاريع الشقيقة
صور و ملفات صوتية من كومنز على كومنز

Retrieved from "https://incubator.wikimedia.org/w/index.php?title=Wp/apc/سنة_كبيسة&oldid=6462509"