Wp/ann/Wìkìpedia

From Wikimedia Incubator
< Wp‎ | annWp > ann > Wìkìpedia

Wìkìpedia ìre ikpele ikpa ifuk-ibot eyi ene geelek môkọt igọọk ige sà ìre itap inu isọkọ me lek. Ọmọ omin ichit me etete ebi kè akpatan̄ ekisa ìweek ifuk-ibot ofolek inu geelek me lek njin-etip [world wide web]. Ọmọ si ore ge me lek akọp akpatan̄ iba ìsisibi isi ichit igọọk me lek etip "Alexa" enyibe me emen Onyan̄ Ita me 2015. Otutuuk inu òkup me Wìkìpedia ìre ọsọ; kpekinyam ewe si me emen akpatan̄-etip kiban̄. Wìkìpedia ìre ebi "Wikimedia Foundation" ekaan̄; ìre uwu-mbubek kpesa ìweek oruru; ikpoko ekisa ikpọ chieen̄ me lek ìkinan̄a me inyinyi ebi ene ekinyibe.

Iman̄ Wìkìpedia: mbet-linyọn̄ òkijeen̄ iman̄-abiche ònan̄a me ubọk ige-inu eyi esese otu usem
Adasi akpọk-ikpa me akpatan̄-etip Wìkìpedia eyi usem ebeke me òso usen akọp iba mè ita me emen Onyan̄ Jaaba me 2018.

Echili akpatan̄-etip Wìkìpedia me akọp mè usen go me Adasi Onyan̄ me 2001 inan̄a me ubọk kè 'Jimmy Wales' mè 'Larry Sanger.' 'Sanger' onyi Wìkìpedia erieen̄ ya. "Wiki" ìre ikọ me usem 'Hawai' òsisibi "ugwat ugwat" sà "pedia" onan̄a me lek "encyclopedia" me usem ebeke òrere "ikpele ikpa ifuk-ibot." Adasi mgbọ echilibe akpatan̄-etip ya, ege inu me usem uket-chieen̄ gaalek. Ire, me ikafiin̄ge, akpatan̄ echi esese otu usem mîsibi si. Mgbọ keyi, esese akpatan̄ Wìkìpedia mîkup me inu òwawa iraka efit usem ita. Ire, akpatan̄ eyi usem uket-chieen̄ omin ichit me otutuuk kiban̄ mije îkaan̄ etip ifuk-ibot [articles] òwawa iraka efie gweregwen mè ọkpọkọ ge [6.1 million]. Otutuuk etip ifuk-ibot òkukup me otutuuk ebi kè Wìkìpedia me esese usem cha mîgbaan̄ iwa iraka akọp efie ge mè efie iba. Ebi ìkinu me lek akpatan̄ ya iniweek ifuk-ibot me onyan̄ me onyan̄ mîwa iraka efie ene go mè ọkpọkọ go [1.5 billion].

'Jimmy Wales' ìtumu ibe ke Wìkìpedia ìre ǹtọ-lek ibọbọp ikpele ikpa ifuk-ibot egebe inwọn mè irọrọ inyi ire ubọk otutuuk ene me linyọn̄ me otu usem kiban̄.