Wp/ann/Violin
Violin ìre nkwukwak eyi olik òkaan̄ olik ini; ekisa òjọọk ifit. Ekitap me inyọn̄ ukwuuk otu - ejit eyi agan̄ oguga,mè isa irak ebek ikeme imaan̄ mè itet agan̄ olik cha me ubọk ujit mè isa ubọk ulom itet òjọọk ya isa ikijọọk oluk cha, me mgbọ otubọk agan̄ ujit okililin̄ me lek olik cha ikikeme esese esese ere me lek ebek kan̄ isa ikinwene ida mgbọ ekifit.
Ọmọ osip ichit mè inye si ida ichit me etete ebi kè nkwukwak eyi olik òkup me okwa ebi agan̄ ichep-ura. Violin eyi òkup mgbọ keyi îkan̄ iraka acha 400. Ofifi nkwukwak òbelek kan̄ mîwuulek ìkup me inu òwawa iraka obop acha òraraka.
