Uti-ikpa ìre inu ge ekitet me ubọk isa ige inu me lek ikpa.^[1] Mgbọ ekisa uti-ikpa ige inu, mun̄-ikpa òkigwat lek ichat òkup me emen okpot me emen uti-ikpa ya okisibi igwook me inyọn̄ akpọk ikpa, mè isa me ikeya irọ ibe ikup mfufet igege inu.

Uti-ikpa echi anyiaan̄ irom ire uti-kpa òkakan ichit ebi ene eriọọn̄be. Îre anyiaan̄ cha ìkitibi me otu Okwaan̄ Nali ke ekekisa irom uti-ikpa chi. Îre ebi Ijipiti ukot ikaan̄ edasi irom uti-ikpa chi. Îre ema si edasi irom ofifit mun̄-ikpa, sa me igwegwugwa mfifit ebek mkpukan̄ mè mgbe akasia [gum arabic]. Uti-ikpa yi ema erombe ìkaan̄ otu òbubum iba inyi ikikọt idọmọ ike mun̄-ikpa obokije ininin̄ otu ya òbokige inu. Mege inire chereyi, ekpọkpọ ikirom ojelek otu uti keyi inyi ige-inu eyi <calligraphy>.^[2]^[3]

Uti-ikpa akukọ unọn ìre ge me lek uti-ikpa cha òkakan enenen. Ekisa akukọ unọn, ògak ge eyi gùsi, irom. Ekikọkọ otu akukọ [quill] ya inyi isọọk otu enenen, mè ikijiin̄ me emen mun̄-ikpa mgbọ geelek isige ikọ inen mè inen.

Nrọnnye[edit source]

↑ Òbum-ikọ Obolo: uti-ikpa
↑ Gaur, Albertine 1992. A history of writing. Revised edition. The British Library. ISBN 0-7123-0270-0
↑ Nickell, Joe 1990. Pen, ink, and evidence: a study of writing and writing materials.. The University Press of Kentucky. ISBN 0-8131-1719-4.

[1] Òbum-ikọ Obolo: uti-ikpa

[2] Gaur, Albertine 1992. A history of writing. Revised edition. The British Library. ISBN 0-7123-0270-0

[3] Nickell, Joe 1990. Pen, ink, and evidence: a study of writing and writing materials.. The University Press of Kentucky. ISBN 0-8131-1719-4.

[1]

[2]

[3]