Wp/ann/Mbuban Îchaka

From Wikimedia Incubator
< Wp‎ | ann
Wp > ann > Mbuban Îchaka

Mbuban Îchaka ìre ikpa eyi Imanuwen Isidore Eneawaji ogebe. Ìge ikpa yi inyi nsabọn uwu-ikpa eyi etete. Ikpa yi ìkaan̄ ibot akọp mè iba, mè ikaan̄ efit akpọk ge mè akọp go (150). Me agan̄ okputut ikpa, mîkpa iwele ebi kè ikọ òyọyọt. Egon ikpa yi me emen acha 2010. Ọmọ ore adasi ikpa egebe me usem ebi ijọn̄ ama me otutuuk Naija Delita agan̄ mbum-ura.[1]

Ibot Ikọ[edit | edit source]

Ikpa yi ìtumu ikọ ifolek orọmijọn̄ ama ebi Obolo me mgbọ òraraka mè ike ebinene ekisa irek kiban̄ me ama isa ikirọ mkpikpak mè isa me ikeya ichaka mbuban. Îtumu si ofolek usini orọmijọn̄ ebi ama ekirọ echi ikanwọnge mije ìkachieek mè utoon̄ mè mbene-ngwuun̄ inin̄ ama.

Ikpa yi ìsa ama iba — Okwuka mè Amugwem — itọt. Mîmun̄ ike ama Okwuka okupbe me udun; ebi ene si eyaka ikiluk ugwem me ukpook mè ufieek-owot. Ire, me Amugwem, mîmun̄ utoon̄ mè mbene-ngwuun̄ me emen; ebi ene eyaka ikiluk ugwem me utelelek mè ubelejit inan̄a me ike orọmijọn̄ kiban̄ orebe eyi òkikpọ mgbọ-isi.

Ikpa yi ìkijeen̄ ibe ke ata orọmijọn̄ ìkirọrọ inyi ama òbene igwuun̄, sà ijo orọmijọn̄ okirọ mè ama ikup chieen̄ ge, ire ìkayiyiyala ìta.


Nrọnnye[edit source]

  1. http://www.obololanguage.org/en/mbuban-%C3%AEchaka