Wp/ann/Egop Ubọọn̄
Egop ubọọn̄ ìre inu ge òkimọnọ irek me emen efet sa me ukut utoon̄ ikekebe igwu ikom, inwunwunu iwene oniin̄ mè ìre ikpọkpọk ichon mgbọ îchichinibe nchọi mun̄ me emen efet. Egop-ubọọn̄ ìkisibi me isinyọn̄ mgbọ ibot isiborep, mgbọ ibot orepbe ifieek mè ìre mgbọ oduku inyọn̄ isigbaan̄ ititiin̄.
Mîkimun̄ si egop ubọọn̄ me mgbọ utoon̄ ojebe itibi emen umọọn̄ ulobo akpọk kubọk ogugo ògọgọọk yi ojeen̄be:
Egop ubọọn̄ ìkaan̄ unwen [colour] jaaba: nziik, ulaza, yilo, geren̄geren̄, oluku, ndigò mè vayolet. Unwen jaaba chi egbaan̄ iriaak inyi okuket utoon̄ eji ekimun̄ me ere. Me mgbọ ukut utoon̄ [ray] isije itibi emen umọọn̄ ulobo akpọk [prism], umọọn̄ ya îra iyiyala ukut utọọn̄ ya me ichon ema isan̄a isun̄ esese esese, egop ubọọn̄ îra isibi iman.
