Wp/aii/ܠܫܢܐ ܥܬܝܩܐ ܣܘܪܝܝܐ

ܠܫܢܐ ܥܬܝܩܐ ܣܘܪܝܝܐ ܐܘ ܠܫܢܐ ܕܓܘܫܡܐ ܝܠܗ ܠܥܙܐ ܕܠܫܢܐ ܐܪܡܝܐ ܕܟܐ ܡܬܡܡܠܠ ܗܘܐ ܒܕܪܐ ܩܕܡܝܐ ܒܡܕܝܢܬܐ ܕܐܘܪܗܝ ܘܚܕܪ̈ܘܢܗ̇܁

ܬܫܥܝܬܐ

ܠܫܢܐ ܥܬܝܩܐ ܗܘܐ ܗܘܐ ܡܡܘܠܠܐ ܒܐܬܘܪ ܘܒܣܘܪܝܐ ܘܗܘܐ ܗܘܐ ܗܘ ܠܫܢܐ ܓܘܢܝܐ ܕܡܨܥܬ ܡܕܢܚܐ܀

ܠܫܢܐ ܥܬܝܩܐ ܗܘܐ ܗܘܐ ܗܘ ܠܥܙܐ ܡܪܢܝܐ ܕܟܬܒܝܢ ܗܘܐ ܒܗ ܣܘܪ̈ܝܐ ܡܢ ܩܕܡ܁ ܐܕܝܘܡ ܥܕܟܝܠ ܡܘܦܠܚܐ ܝܠܗ ܒܥܕ̈ܬܬܐ ܣܘܪ̈ܝܬܐ، ܒܦܪܝܫܘܬܐ ܒܟܬܒܐ، ܐܠܐ ܠܫ̈ܢܐ ܣܘ̈ܕܝܐ ܐܟ ܠܫܢܐ ܡܕܢܚܝܐ ܣܘܕܝܐ ܘܠܫܢܐ ܛܘܪܝܐ ܦܝܫ ܟܐ ܡܬܟܬܒܝܢ܀

ܐܚܝܢܝܘܬܐ ܥܡ ܠܫ̈ܢܐ ܐܚܪ̈ܢܐ

ܠܫܢܐ ܥܬܝܩܐ ܣܘܪܝܐ ܐܝܬ ܗܘܐ ܠܗ ܡܥܒܕܢܘܬܐ ܣܓܝ ܪܒܬܐ ܠܠܫܢ̈ܐ ܐܚܪ̈ܢܐ܁ ܠܫܢܐ ܥܪܒܝܐ ܫܩܝܠܐ ܝܠܗ ܟܒܝܪܐ ܡܢ ܬܢ̈ܝܬܗ ܡܢ ܠܫܢܐ ܥܬܝܩܐ، ܐܟ ܫܡ̈ܢܐ ܘܡ̈ܠܐ ܘܐܦ ܚܕܟܡܐ ܐܣܪ̈ܐ܁

ܪܘܟܒܐ ܕܠܫܢܐ ܥܬܝܩܐ ܝܠܗ ܫܘܬܐܣܐ ܠܥܒܕܐ ܬܢ̈ܝܬܐ ܚܕ̈ܬܬܐ ܒܠܫܢܐ ܣܘܪܝܐ ܡܕܢܚܝܐ ܣܘܕܝܐ ܘܐܦ ܒܠܫܢܐ ܛܘܪܝܐ، ܘܝܬܝܪܐܝܬ ܠܬܢ̈ܝܬܐ ܕܟܐ ܡܣܟܠܝܢ ܠܡܢܕܝܢ̈ܐ ܚܕ̈ܬܐ ܐܟ ܦܪܣܚܙܘܐ ܘܛܝܣܬܐ ܘܪܕܝܬܐ ܘܫܪܟܐ܁ ܘܡܬܩܕܡܢܐܝܬ ܬܢܝ̈ܬܐ ܥܕܬܢ̈ܝܬܐ ܘܬܘܕܝ̈ܬܢܝܬܐ ܫܩܝܠܝܢ ܡܢ ܠܫܢܐ ܥܬܝܩܐ܁ ܘܐܦ ܬܢܝ̈ܬܐ ܝܙܝ̈ܦܬܐ ܡܢ ܠܫܢܐ ܐܚܪ̈ܢܐ ܟܐ ܡܫܬܚܠܦܝܢ ܒܬܢܝ̈ܬܐ ܡܢ ܠܫܢܐ ܥܬܝܩܐ܁ ܘܟܕ ܠܫܢܐ ܡܕܢܚܝܐ ܣܘܕܝܐ ܘܠܫܢܐ ܛܘܪܝܐ ܡܫܬܘܪܐ ܠܗܘܢ ܠܟܬܒܐ، ܟܬܝܒ̈ܬܐ ܕܠܫܢܐ ܥܬܝܩܐ ܟܬܝܒܬܐ ܕܣܘܕܝܐ ܘܟܬܝܒܬܐ ܕܣܪܛܐ ܡܘܦܠܚܝܢ ܠܟܬܒܐ܀