Wp/aig/Saiykoloji

 Dis yah aatikl een un'nuon dialek.

Saiykoloji a de saientifik stadi a maain an behavyah. Dem deel wid ow yuuman an non-yuuman dem bihayv wedda dem kaanshas or ankaanshas an wid mental prekses dem laik tinkin, feelin, an reezn fu dweet. Saiykoloji a wan akademik disiplin wid big big skoup, weh kraas de lain dem bitwin natral sayns an soeshal sayns. Blajikal saiykolojis dem trai fu andastan ow de brein wok, so dem link up wid nuurosayns. De soeshal saiykolojis dem trai fu andastan ow individzhal an gruup dem bihayv.

Wan praafeshanal puson weh study ar wok eena saiykoloji kaal saiykolojis. Som a dem klasifai az behavyahrel ar kagnitiv sayntis. Dem a trai fu get ow de maain dem affek ow puson an gruup dem bihayv. Odda dem dig deep fu nuo de fisyoloji an nuuroblajikal wokins weh stap ondaneet ow dem tink an ak.

Saiykolojis dem study ting dem laik perseepshan, kagnishan, atenshan, emoshan, intellijens, ow puson feel eena demself, motivayshan, brein wokin, an pusonaliti. Dem intrist stretsh goh eena ting laik rileyshan dem bitwin puson an puson, ow puson koop wid stres, family holin tageda, an odda ting eena soeshal saiykoloji. Dem tek eena konsiderayshan de ankaanshas maain tu. Saiykolojis weh dweet reesach yuj empirikal mechod fu fain out ow ting dem link up ow wan ting kaaz odda, ow dem gwan wid ich odda. Nat aal, bot som klinikal an kaanslin saiykolojis yuj simbawlik interpretayshan.

Eev'n dough saiykolojik naalij yuj lot lot fu help wid mental helt prablam, dem yuj um fu andastan an fix prablam eena nuff paat a yuuman laif. Plenti a dem aim fu help soeshaieti az a hool. Nuff saiykolojis wok eena shuga kinda we, laik saiykoterapi eena klinik, kaanslin, ar skuul. Odda wan dem du reesach pan aal kinda tapik bout mental prekses an behavyah. Dem wan ya mos taim stap eena akademik plies yunivaasiti, medikal skuul, ar ospital. Stil yet, odda wan dem wok eena indastrial an oganaizeshan plies. Som mo stil deel wid ting dem laik ow puson grow, uol aij, spaats, helt, law ting, edukayshan, an media.