Wp/aig/Arkyalajee

Dis aatikl hafu chek fu spelin. Yu kyaan 'elp.

 Dis yah aatikl een un'nuon dialek.

Arkyalajee a de stodi a yuuman aktiviti chuu de rikavri an analaiz a machrial kalcha. De arkyalajikal rekad kyaava aatifak dem, aakitekcha, baiyafak ar eekafak dem, sait dem, an kalcharal lanskeep dem. Arkyalajee kyan tingk bout laik bot a soshial syains an wan paat a yuumaniti dem. Muos taim, dem tingk bout um laik wan seprait akadiimik disiplin, bot um kyan klasifai laik paat a antropalaji (ina Nawt Amerika, a de fo-fiil aproach), istori ar jiografi. De disiplin invaav soaviin, ekskavieshan, an den analaiz a de dieta dem wa gyada, fu laan muo bout de paas. Ina braad skoop, arkyalajee dipen pan chrass-disiplinari risorch.

Arkyalajis dem stodi yuuman pri-istori an istori, fram wen dem mek de fos stoon tuul dem a Lomikwi ina Ees Aafrika 3.3 milyan yie ago go dong til risent dekeyd dem. Arkyalajee difrient fram paliyantolaji, wa stodi fasl rimeen dem. Arkyalajee impuotant bad-bad fu laan bout pri-istorikal susaiyiti dem, kaa bai difinishan dem na gat non rait dung rekad. Pri-istori kyaava ova 99 persen' a yuuman paas, fram de Paliyolitik go dong til wen susaiyiti dem staat fu rait. Arkyalajee ga plenti difrient goal dem, fram fu andastaan kalcha istori tu riskanstruk ou piipl bin liv lang taim ago, an fu rekad an eksplien chienj dem ina yuuman susaiyiti chuu taim. De wod arkyalajee fram Griik, an um min "di stodi a ool-ool istori."

Arkyalajee kom fram antikwierianizim ina Yurop ina de 19 senchri, an fram sins den, um ton ina disiplin wa praktis aal aruon de worl. Kawnchri dem yuu arkyalajee fu mek speshal vyuu dem bout de paas. Fram sins um staat, plenti spesifik sob-disiplin fram arkyalajee divelap, inkluudin maritaim arkyalajee, feminist arkyalajee, an arkyalastranami, an plenti difrient syantifik teknik divelap fu yelp wid arkyalajikal inves'tigieshan. Aal de seem taim, tidee arkyalajis dem ga plenti prablem, laik sudo-arkyalajee, tiefin aatifak dem, lak a intres fram de pablik, an apazishan fu dig op yuuman rimeen dem.