Wp/aeb/السياسه
السياسه، ويسميوها زادا پوليتيك وهيا كلمه ماخوذه ماللوغات الاوروپيه، هي المجموعه متاع الانشطه اللي يعملوها اشخاص اسمهم السياسيين بش يتلهاو بشوون بلادهم وبش يحدو قرارات المجتمع وينضموه. السياسه تختلف من بلاد لبلاد. في برشا بلدان تقوم السياسه عللديمقراطيه يعني الشعب يشارك في السياسه بطريقه ولا اخرا كيم بالانتخابات والاستفتا، وتقوم زادا علا تقسيم السلطه عادتا لثلثه سلط اللي هيه التشريعيه (اللي يعملو القوانين) والتنفيذيه (اللي يطبقو وينفذو) والضاييه (اللي يحاكمو ويحاسبو).