Wp/acm/ننتيندو

شركة ننتيندو المحدودة هي شركه العاب فديو يابانيه متعدده الجنسيات يصير مقرهه الرئيسي بمنطقه كيوتو، باليابان. هاي الشركه تطور وتنشر وتصدر العاب الفديو وبنفس الوكت اجهزة ألعاب الفديو.

تأسست ننتيندو بعام 1889 واسمها ننتيندو كوباي على ايد الحرفي فوساجيرو ياموتشي وسوت أصلا ورق هانافودا المصنوعه بالإيد. ورا ما دخلت بمجالات مختلفه من الأعمال بالستينيات وحصلت الوضع القانوني كشركه عامه. ننتيندو سوت ووزعت أول جهاز العاب فديو يخصهه، وهو كولر تيفي كيم، بعام 1977. وحصل اعتراف دولي بإصدار لعبة دونكي كونغ بعام 1981 وننتيندو انترتاينمنت سيستم وسوبر ماريو بروز بعام 1985.

من ذاك الزمان، سوت ننتيندو اكثرية اجهزة الألعاب نجاحًا في صناعة ألعاب الفديو، مثل كيم بوي، وسوبر ننتيندو إنترتاينمت سيستم، وننتيندو دي اس، وننتيندو وي، وننتيندو سويتش. وسوت هواي العاب بيها امتيازات جبيره، مثل ماريو ودونكي كونج وليجند اوف زيلدا وميترويد وفاير امبلم وكيربي وستار فوكس وبوكيمون وسوبر سماش بروز وانيمال كروسينك وزينوبلايد شرونيكلز وسبلاتون. باعت الشركه اكثر من 5.592 مليار قرص لعبه واكثر من 836 مليون جهاز على مستوى العالم، اعتبارا من مارس 2023.

نينتندو عدها هواي شركات تابعه باليابان وبالخارج (مثل ننتيندو الامريكيه)، بالإضافة إلى شركاء تجاريين مثل اتش اي ايل لابوراتوري وانتلجنت سيستمز وكيم فريك (شركه بوكيمون). نينتندو وموظفينهه حصلوا هواي جوائز مثل جوائز إيمي للتكنولوجيا والهندسه، وجوائز الألعاب، وجوائز اختيار مطورين الألعاب، وجوائز ألعاب الأكاديميه البريطانيه. وهي وحده من اغنى الشركات واكثرها قيمة بالسوك الياباني.