Wp/acm/تلفون ذكي

التلفون الذكي، اللي ابسط شي سموه تلفون، هو جهاز محمول هم بيه وظايف التلفون التقليدي وهم بيه وظايف الحاسبات. و بيه شاشه لمس، ويخلي الناس توصل مجموعه چبيره من التطبيقات والخدمات، مثل المتصفحات والايميل والسوشيال ميديا، وهمين يشغل وسائط متعدده. التلفونات الذكيه بيهه كامرات ونظام GPS ودعم لطرق الاتصال المختلفه، مثل الاتصالات والرسايل وتطبيقات المراسله التشتغل عالنت.

تتميز التلفونات الذكيه عله التلفونات القديمه بقدراتهه المادية المتقدمه وانضمه التشغيل مالتهه، ويصير بيهن نت، وتطبيقات الشغل، والمدفوعات من التلفون، وشغلات الوسائط المتعدده، بما في ذلك الموسيقه والفيديو والالعاب والراديو والتلفزيون.

التلفونات الذكيه عادةً يصير بيهه عدد من شرايح الدوائر المتكامله (IC) المسوينهه من اشباه الموصلات المعدنيه والاكسيديه (MOS)، وبيهه اجهزة استشعار مختلفه يمكن الاستفاده من عدهه بواسطه برامج نازله من گبل وبرامج تابعه لجهات خارجيه (مثلا مقياس المغناطيسيه، ومستشعر القرب، ومقياس الضغط الجوي، والجيروسكوب، ومقياس التسارع، وبعد هواي شغلات)، وتدعم بروتوكولات اتصال لاسلكيه متنوعه (مثل LTE و 5G NR والواي فاي والبلوتوث والملاحه عبر الاقمار الصناعيه). بنص عشرينيات القرن العشرين، بدت شركات تصنيع التلفونات الذكيه تدمج اتصال الرسايل عبر الاقمار الصناعيه وخدمات الطوارئ عله الأقمار الصناعية بالاجهزه يستخدمونهه بالمناطق النائيه المابيهه شبكه خلويه موثوقه.

وره الشعبيه الزايده الحصلهه تلفون آيفون بأخير العقد الاول من القرن العشرين، تميزت غالبيه التلفونات الذكيه باشكال رفيعه تشبه الالواح بيهه شاشات لمس چبيره تدعم ايماءات اللمس المتعدده بدال من الكيبوردات الماديه. تتمتع هواي تلفونات ذكيه حديثه بشغله تخلي الناس تنزل لو تشتري تطبيقات زياده من متجر تطبيقات مركزي (مثل متجر التلفون الأصلي لو كوكل بلي مال نضام الاندرويد). غالبا يصير عدهم دعم للتخزين السحابي والمزامنه السحابيه والمساعدين الافتراضيين (مثل مساعد كوكل وسيري).

التلفونات الذكيه صارت فوگ مكان اجهزة المساعد الرقمي الشخصي (PDA)، واللابتوبات بحجم راحة الايد، ومشغلات الوسائط المحموله (PMP)، وكامرات التصوير، وكامرات الفديو، بس لأقل حد، اجهزه الالعاب الفديو المحموله، واجهزة قراءه الكتب الإلكترونيه، والحاسبات (حاسبات المعادلات)، ووحدات تتبع نضام تحديد المواقع العالمي (GPS).

من اوائل العقد الاول من القرن العشرين، عززت الاجهزة المحسنه والاتصالات اللاسلكيه الاسرع (بسبب معايير مثل LTE و 5G NR) نمو صناعه التلفونات الذكيه. من عام 2014، ينباع اكثر من مليار تلفون ذكي عالميًا كل سنه. بعام 2019 وحده، انشحن 1.54 مليار تلفون ذكي بكل انحاء العالم. چان 75.05 بالميه من سكان العالم عدهم تلفونات اعتبارا من عام 2020.