Wp/aa/Toomas Edison

Toomas Alva Edison (Qado-xagar alsak 11, 1847 - Qunxa garabluk 18, 1931) Ameerikak gino kee taama hadalah sugeeh, mango duyye gine.

Edison naharsi abnissoh masbacatak tiyak teyna bicse, takkay immay ummatta elle taamineemik saduh ifi masbacatak mabicsa. Edison 1093 takke patentitte kay waktil faxe hadlaanamih taamat sugte. Usug gineh yan tukteyna bicsoonuh Amolladi Elektirik kampaani qimbise. Usug sokkar biyaakah rabe.

Toomas Alva Edison Milan, Ohayoh Magaalal yooboke. Toomas Edison malcina karmat suge wak, usug isi buxah mara luk Michigan magaalal Port Huron magaala fan gexe. Thomas Edison baritto udurruteh qimbise kah kinnim biyaakah. Sidiica alsak lakal, Edison barittok yewqeh, kah kinnim usuk isi barseena hangi yaceenim duude weemih taagah. Kay ina, Kanadal barseenah sugteeh, Thomas Edison buxal barisak sugte. Thomas Edison ina bartaanamih uguugus kaah catteeh, usug teetih meqe barteenah suge.

Toomas Edison taban kee namma karmat suge way, usug qasa liqna gee. Tama laqna, tonnah kaadu, qiyya-baabur saqalah yan num ayti gexxoleeh, Edison isi aytiita inkih lowsiisak sugeeh, gersi aytiitaak 80% gaba lowsiisak suge. Usuk Morse koox telegraaf barteeh, "brass pounder" (telegraaf taama) taama qimbise. Taban kee laca karmat suge wak, Toomas Edison qimboh addah "automatic repeater" deqsita gino abe. Telegraaf asta sissikuk sinam sinni fanteenaanih fanat rubtoonuh punched tapet yantifiqeenim, telegraaf taama abeenitik muxxi sissikuk.