Wn/yue/白俄羅斯反對派總統候選人喺明斯克舉行大型集會

【2020年08月05號訊】

星期四，將於8月9號舉行嘅白俄羅斯總統選舉嘅反對派候選人斯瓦特蘭娜·齊哈諾夫斯卡婭（Sviatlana Tsikhanouskaya）喺白俄羅斯明斯克舉行集會。今次集會有數萬人參加，據講係白俄羅斯十年嚟最大嘅政治活動之一。

據白俄羅斯內務部、白俄羅斯獨立人權中心週五嘅報告同Vyasna週四嘅報告，約有18 250至63 000人參加咗集會。討論嘅一個主要問題係釋放在運動中被捕嘅政治犯。

集會大約喺當地時間18:00開始。喺頭兩個鐘度，政治犯啲朋友同親屬進行發言。白俄羅斯音樂家喺發言期間進行咗表演。

齊哈諾夫斯卡婭於20時左右抵達集會場地。佢提到5月被捕嘅老公西亞爾（Siarhei），並承諾舉行完全公平嘅新選舉，舉行憲法公投，取消現任總統盧卡申科自1995年以來發佈嘅所有修正案。她請求支持，特別要求選民喺投票站度投票，而唔係喺選舉日之前投票。瑪麗亞·卡列斯尼卡瓦（Maria Kalesnikava）發言，佢係被逮捕並被禁止參加選舉嘅維克塔·巴巴里卡（Viktar Babaryka）嘅競選活動負責人；瓦萊里·薩卡巴拉（Valery Tsapkala）嘅老婆維拉妮卡·薩卡巴拉（Veranika Tsapkala）是潛在嘅總統候選人，佢已經逃離白俄羅斯。

喺活動前大約一天內，白俄羅斯克格勃逮捕咗33名俄羅斯人，官方聲稱佢哋係僱傭兵，據稱佢哋準備組織同選舉有關嘅「恐怖主義」。政府喺集會期間加強咗保安措施。