Wn/yue/《人民日報》海外版：國際社會盛讚中國啟動海南自貿港建設 形容令人振奮

【2020年06月22號訊】

海口市西海岸某港口

6月20日出版嘅《人民日報海外版》第六版題為「海南自由貿易港係『振奮人心嘅一步』」，報道講國際社會一直喺度密切關注緊中國建立自由貿易港。文章話，6月1日，《海南自由貿易港建設總體規劃》發布，標志住海南自由貿易港建設進入咗全面實施階段，中國特色自由貿易港建設邁出咗關鍵一步。

文章指出，最新一期嘅世界銀行《全球經濟展望》顯示，新冠肺炎疫情流行可能使全球經濟陷入自第二次世界大戰以來最嚴重嘅衰退。預計今年全球經濟將收縮5.2％。世界銀行仲預測，如果中國同亞太地區其他主要國家可以避免第二波爆發，隨住經濟活動逐步正常化同全球封鎖嘅解除，中國經濟將喺2020年保持積極增長。

文章引述根據香港《亞洲時報》網站嘅報道，「中央人民政府制定嘅優惠政策包括對進口消費品實行零關稅，為海南最終成為自由港同單獨嘅海關管轄區鋪平咗道路。」中國希望將經濟特區起喺海南，而海南創造咗中國融入全球經濟體嘅第一個旅程。中國並唔急於尋求快速得食，而逐步推進呢一計劃。

今年1至4月，海南新設立外商投資企業110間，實際利用外資3.16億美元，同比增長252.3％，大大高於全國同期平均水平。

資料來源

• 羅清銳，《人民日報海外版》報導國際社會高度關注中國啟動自由貿易港建設 海南自貿港是「振奮人心的一步」，《海南日報》，2020年6月21號．
• 高喬，國際社會高度關注中國啟動自由貿易港建設 海南自貿港是「振奮人心的一步」（環球熱點），《人民日報海外版》，2020年6月20號．
• 《人民日報》海外版報導國際社會盛讚中國啟動自由貿易港建設：海南自貿港是「振奮人心的一步」，《海南網絡廣播電視台》，2020年6月21號．