Jump to content

Wn/syl/ꠛꠣꠋꠟꠣꠖꠦꠡꠞ ꠚꠥꠐꠛꠟ ꠈꠦꠟꠣꠃꠞꠤꠘ꠆ꠔꠦ ꠀꠘꠍꠂꠘ ꠖꠇꠘꠞ ꠄꠡꠤꠀꠞ ꠝꠥꠇꠥꠑ

From Wikimedia Incubator
< Wn‎ | syl
Wn > syl > ꠛꠣꠋꠟꠣꠖꠦꠡꠞ ꠚꠥꠐꠛꠟ ꠈꠦꠟꠣꠃꠞꠤꠘ꠆ꠔꠦ ꠀꠘꠍꠂꠘ ꠖꠇꠘꠞ ꠄꠡꠤꠀꠞ ꠝꠥꠇꠥꠑ
ꠈꠛꠞ ꠟꠦꠈꠣ ⇒ || ꠖꠦꠈꠤꠀ ꠖꠦꠅꠀ ⇒ || ꠈꠛꠞ ꠛꠣꠞ ꠇꠞꠣ

৩0 ꠍꠦꠙ꠆ꠐꠦꠝ꠆ꠛꠞ Γ0ΓΓ ꠪ ꠡꠥꠇ꠆ꠇꠥꠞꠛꠣꠞ꠆ꠇꠥꠞ

ꠘꠣꠝꠇꠞꠣ ꠚꠥꠐꠛꠟ ꠈꠦꠟꠞꠤ ꠞꠤꠔꠥ ꠙꠞ꠆ꠘꠣ ꠌꠣꠇ꠆ꠝꠣ (ꠝ ꠡꠣꠇꠤꠟ/ꠃꠁꠇꠤꠝꠤꠒꠤꠀ)

ꠢꠇꠟꠞꠦ ꠔꠣꠇ ꠟꠣꠉꠣꠁꠀ ꠖꠇ꠆ꠇꠤꠘ ꠄꠡꠤꠀꠞ ꠚꠥꠐꠛꠟ ꠌꠦꠝ꠆ꠙꠤꠅꠘ ꠛꠣꠋꠟꠣ ꠖꠡ ꠇꠁꠘ꠆ꠘꠣꠁꠘ ⁕ ꠘꠦꠙꠣꠟꠞ ꠖꠡꠞꠕ ꠞꠋꠡꠣꠟꠣ ꠁꠡ꠆ꠐꠦꠒꠤꠀꠝꠅ ꠈꠦꠁꠠ ꠅꠄ ꠁꠙꠣꠞꠣꠇꠥꠞ ꠢꠦꠡꠤꠝꠦꠡꠤ (ꠚꠣꠁꠘꠣꠟ) ꠟꠠꠣꠁ ꠨ ꠛꠣꠋꠟꠣꠖꠦꠡꠞ ꠟꠉꠦ ꠘꠦꠙꠣꠟꠞ ⁕ 3-1 ꠉꠂꠟꠦ ꠘꠦꠙꠣꠟꠞꠦ ꠃꠠꠣꠁꠀ ꠎꠤꠔ ꠀꠘꠍꠦ ꠛꠣꠋꠟꠣ ꠖꠡꠞ ꠙꠥꠞꠤꠘ꠆ꠔꠦ ⁕

ꠁ ꠑꠥꠞꠘꠣꠝꠦꠘ꠆ꠐꠅ ꠄꠘ꠆ꠒꠤꠀ ꠨ ꠝꠣꠟꠖꠤꠙ ꠨ ꠙꠣꠇꠤꠍ꠆ꠔꠣꠘꠞꠦ ꠀꠞꠣꠁꠀ ꠃꠙꠞꠦꠖꠤ ꠃꠑꠤ ꠢꠦꠡꠤꠝꠦꠡꠤ ꠈꠦꠁꠠ ꠅꠄ ꠘꠦꠙꠣꠟꠞ ꠟꠉꠦ ⁕ ꠇꠣꠑꠝꠘ꠆ꠒꠥꠞ ꠖꠡꠞꠕ ꠞꠋꠡꠣꠟꠣ ꠁꠡ꠆ꠐꠦꠒꠤꠀꠝꠅ ꠁ ꠈꠦꠟꠣꠔ ꠙꠄꠟꠣꠇꠥ ꠘꠦꠙꠣꠟꠦ 36 ꠝꠤꠘꠤꠐꠅ ꠀꠇ꠆ꠞꠝꠘ ꠇꠞꠟꠦꠅ ꠛꠣꠋꠟꠣꠖꠦꠡꠞ ꠉꠂꠟꠤꠞ ꠟꠉꠦ ꠛꠞꠦ ꠙꠣꠁꠍꠂꠘ꠆ꠘꠣ ⁕ ꠛꠣꠋꠟꠣꠖꠦꠡꠞ ꠉꠂꠟꠤ ꠞꠥꠙꠘꠣ ꠌꠣꠇꠝꠣ ꠍꠣꠚ ꠑꠥꠞꠘꠣꠝꠦꠘ꠆ꠐꠞ ꠡꠦꠞꠣ ꠉꠂꠟꠤ ꠘꠤꠞꠛꠣꠌꠤꠔ ꠅꠁꠍꠂꠘ ꠨ 2019 ꠡꠣꠟꠧ ꠅ ꠔꠣꠁꠘ 16-ꠞ-ꠘꠤꠌꠞ ꠐꠤꠝꠅ ꠈꠦꠟꠤꠍꠂꠘ ⁕ ꠁ ꠑꠥꠞꠘꠣꠝꠦꠘ꠆ꠐꠞ ꠡꠦꠞꠣ ꠈꠦꠟꠣꠃꠞꠤ ꠅꠁꠍꠂꠘ ꠍꠣꠛꠤꠘꠣ ꠈꠣꠔꠥꠘ ꠨ ꠛꠦꠐꠤꠘ꠆ꠔꠞ ꠁ ꠈꠦꠟꠣꠔ ꠢꠇꠟꠔꠘꠦ ꠛꠦꠡꠤ ꠉꠂꠟ ꠖꠤꠍꠂꠘ ꠔꠣꠁꠘ ꠨ ꠔꠣꠁꠘ ꠝꠣꠟꠖꠤꠙꠞ ꠘꠣꠝꠤꠖꠣꠝꠤ ꠀꠞ꠆ꠝꠤ ꠚꠥꠐꠛꠟ ꠇꠦꠟꠣꠛꠧ ꠅ ꠈꠦꠟꠂꠘ ⁕ ꠅꠙꠤꠡꠤꠀꠟ ꠔꠁꠔ꠆ꠔꠝꠔꠦ ꠁ ꠈꠦꠟꠣ ꠖꠦꠈꠣꠔ ꠝꠣꠑꠅ ꠉꠦꠍ꠆ꠟꠣ ꠙꠦꠞꠣꠄ 15,730 ꠈꠦꠟꠣꠖꠦꠈ꠆ꠞꠣ ⁕ ꠞꠦꠚꠣꠞꠤ ꠀꠍ꠆ꠟꠣ ꠄꠘ꠆ꠒꠤꠀꠞ ꠐꠦꠇꠣꠝ ꠞꠣꠘ꠆ꠎꠤꠔ ꠖꠦꠛꠤ ⁕ ꠁ ꠙꠤꠞꠣ ꠀꠍꠤꠟ ꠍꠣꠚ ꠛꠦꠐꠤꠘ꠆ꠔꠞ ꠌꠦꠝ꠆ꠙꠤꠅꠘꠉꠤꠞꠤꠞ 6 ꠘꠝ꠆ꠛꠞ ꠀꠡꠞ ꠨ ꠀꠞ ꠛꠣꠋꠟꠣꠖꠦꠡꠞ ꠟꠣꠉꠤ ꠙꠄꠟꠣ ꠙꠕꠝ ꠎꠤꠔ ⁕

ꠛꠣꠋꠟꠣꠖꠦꠡꠤ ꠙꠥꠞꠤꠘ ꠎꠦ ꠅꠔꠈꠣꠘ ꠀꠉꠥꠀꠁꠛꠣ ꠈꠦꠃ ꠁꠔꠣ ꠜꠣꠛꠍꠂꠘ꠆ꠘꠣ ⁕ ꠄꠇꠡꠝꠄ ꠄꠟꠣ ꠇꠞꠟꠦꠅ ꠢꠇꠟꠦ ꠝꠤꠟꠤ ꠅꠘꠦ ꠔꠣꠞꠣꠞꠦ ꠡꠣꠄ ꠡꠣꠁꠎ꠆ꠎ ꠇꠞ꠆ꠞꠣ ⁕ ꠛꠦꠐꠤꠘ꠆ꠔꠦ ꠙꠣꠞꠂꠘ ꠁꠈꠣꠘ ꠢꠤꠞꠛꠣꠞ ꠖꠦꠈꠣꠁꠖꠤꠟꠣ ꠔꠣꠞꠣ ꠨ ꠢꠇꠟ ꠛꠣꠋꠟꠣ ꠖꠦꠡꠤ ꠘꠣꠞꠤ ꠨ ꠍꠤꠟꠐ-ꠝꠄꠝꠘꠡꠤꠋꠉꠤ ꠙꠥꠞꠤꠘ ꠀꠞ ꠙꠣꠠꠤ ꠘꠣꠉꠞꠤꠘ꠆ꠔꠞꠦ ꠀꠉꠥꠀꠁꠀ ꠎꠣꠁꠔꠦ ꠀꠞꠧ ꠡꠣꠅꠡ ꠖꠤꠛꠅ ꠁꠙꠤꠞꠣꠇꠥꠞ ꠁ ꠎꠤꠔ ⁕

ꠟꠇ[edit | edit source]