Wn/skr/سوجھل کانفرنس ٢٠١٩ء

From Wikimedia Incubator
< Wn‎ | skrWn > skr > سوجھل کانفرنس ٢٠١٩ء
Jump to navigation Jump to search

دوستو سوجھل دھرتی واس فاضل پور اچ ڈوجھی ادبی ثقافتی "سوجھل کانفرنس 2019 " دا انعقاد کریندی پئی اے. تنظیم دا واحد مقصد وسیبی دوستیں کوں کٹھا کرݨ اور آپنڑیں قوم دے سنجیدہ ترین مسائل تے مقاصد دے بارے وچ بار بار کٹھے تھی کے موثر اقدامات کریندا رہوݨ ہے.. ہِیں کانفرنس اِچ مختلف طبقہ ہائے فکر نال تعلق رکھݨ والے وسیب دے ہر زبان بولݨ والے دوست مدعو کیتے ویندے پِن. اے ہک اینجھی محفل ہوسی جیندے وچ اساڈے انتہائی قابل اور تجربہ کار مہاندرے وسیبی موجود ہوسِن. ہِیں واسطے پروگرام کوں محض ہک موضوع ݙے تے الواوݨ میں سمجھداں جو سوچ کوں قید کر ݙیوݨ دے مترادف ہوسی.. اساݙا خیال اے ہے جو ݙُو تَرے مختلف موضوعات تے سیر حاصل گفتگو ہووے جیندے وچ قومی یکجہتی دا اعادہ وی ہووے، ادب دی ترویج واسطے مزید اَہر کرݨ دا مذاکرہ وی ہووے اتے اساݙی قوم دے سیاسی مسائل تے ہُنیں دے حل اُتے گفتگو وی ہووے.. کانفرنس اچ وسیبی مہاندریں کوں ہُنیں دی خدمات دے اعتراف ءچ "سوجھل ایوارڈ" تے ہک "سوجھل نذیر فیض ایوارڈ" وی ڈتا ویسی. اتے ڈوں ترے نویئیں کتابیں دی گھنڈ کھلائی وی کیتی ویسی. کانفرنس انشاءاللہ مارچ یا اپریل وچ کہیں جہاڑے ہوسی. وسیبی سنگتی کانفرنس دی تاریخ تے موضوعات دے بارے وچ آپنڑیں مشورے ڈیون تاکہ اساں سوجھل دھرتی واس دی میٹنگ اچ ہِنیں کوں ڈسکس کرتے کوئی متفقہ فیصلہ کر سگوں. اللہ دے واروں خیر تاں اے پہلی کانفرنس وانگوں انتہائی سنجیدہ، باوقار تے بامقصد کانفرنس تھیسی. کانفرنس وچ پورے وسیب دے دوستیں کوں بلاتفریق دعوتِ عام ہوسی پئی. کانفرنس دے سنجیدہ مقصد کوں ݙیہدے ہوئیں دوست کانڈھے دی انتظار اچ نہ رہوِن بلکہ تواݙا رے کانڈھے آوݨ تواڈی آپنڑیں وسیب نال جُڑت تے محبت دا عظیم ثبوت ہوسی. عثمان کریم بھٹہ ایڈووکیٹ جنرل سیکرٹری سوجھل دھرتی واس(١٦ جنوری ٢٠١٩ء)

حوالے[edit | edit source]