Wn/skr/سانحہ ساہیوال تے احتجاج
سانحہ اے ساہیوال دی دہشت گردی بربریت دے خلاف بیشک بہوں وڈا احتجاج تھئے شابس اے عوام دی جو ہک ظلم دے خلاف بھرپور اواز اٹھائ اے مگر میں سمجھداں پورے ملک اچ جتلا اواز اٹھنڑیں چاہیدی ھئی اتلا نئیں اٹھی چلو جتلا اٹھی اے ۔اے وی کافی اے ہمیشہ ای ملک دے کہیں حصے اچ حکومتی ادارے ناجائز ظلم بربریت دہشت گردی کریندن اوں ملک دی نہتی عوام مزاہمت کریندی رہ ویندی اے ایویں ای وسیب دے ہک پر امن شھر رحیم یار خاں ہک سرائیکی قوم پرست احمد مصطفے دے گھر اچ حکومتی اداریں نے دہشت گردی بربریت دا مظاہرہ کریندیں ھوئیں سرائیکی رہنما احمد مصطفے کوں چادر اور چاردیواری دی بے حرمتی کریندیں ھوئیں اونکوں اوندے گھرو چاگئیںن اور اونکوں گم کرڈتینیے تادم اے تحر یر او گم اے ۔اے وی سانحہ اے ساہیوال کنوں کوئی گھٹ کئینی کیا انہیں بالیں نال کیا گزری ھوسی جیندے پیوکوں گھر ستے لوکیں کوں بے جرم بے خطا بندوکیں سمیت انہیں دے گھرو ونجکیں چاگھننڑ اے کتھو دا انصاف اے حکومتی اداریں کنوں ھ پچھنڑدی اجازت جو بندہ پچھے کیا احمد مصطفےکانجو کوئی ملک تروڑنڑ دی سازش کریندا پیا ھا اوندے گھر پیہہ کیں اتنا وڈا خوف وحراص پھیلانونڑ دی کیاضروت ھئی ہک نہتے سرائیکی نے کیا مزاحمت کرنڑیں ھئی یااج تئیں کوئی ڈسے پورے وسیب اچ کہیں ہک سرائیکی کوئی ہک غیر قانونی سر گرمی کیتی ھووے کہیں سرائیکی اج تئیں ملکدے خلاف کوئی گال کیتی ھووے کوئی سازش کیتی ھووے سرائیکی شودے ملکدے قانونی دائرے اچ رہندیں ھوئیں ملک دے وچ موجود شناخت دی بنڑیاد تیں بنہیں صوبیں الی کار اپڑاں ہک انج صوبہ ودے منگدن اے ھ سرائیکیں دا وڈا جرم میڈے خیال اچ احمد مصطفے کانجو وی ایہو جرم کریندا ودا ھا صرف ایہوکجھ ھوسی او بنہیں سرائیکیں کنوں زرا ذیادہ سر گرم ھوسی بحرحال ہک پیغام میڈا ای سنڑ گھنو ڈھکو بدھو جینجھے ظلم کرو جینجھی دہشت گردی کرو تساں ضرورکرو اتھان وسیب دا ہر بندہ توھاکوں احمد مصطفے بنڑ کے ٹکرسی ساکوں ہتھیار چانونڑ تیں مجبورنہ کرو ساکوں ساڈے جرنیل احمد مصطفے کانجو دا قصور ضرور ڈسنڑاں پوسی پہل تساں پئے کریندو اساں نہتے اور بے زبان لوک ھئین ساڈے اتے ظلم نہ کرو ساڈی ساکون شناخت ڈیوو ساکون ساڈا انج صوبہ ڈیوو ساڈے وسائل ساڈے اتے لاوو ساکوں ساڈے حصے دا بھائیوال بنڑاو ساکوں ساڈیاں نوکریاں ڈیوو ساکوں ساڈیاں سڑکاں بنڑا تیں ڈیوو ساکوں ساڈے ہسپتال لاہور الی کار بنڑا کیں ڈیوو ایہے مطالبے ان ساڈے بے جرم قیدی احمد مصطفے کانجودے ساکوں ساڈا جیندا جاگدا بےجرم کانجو واپس کرو۔۔۔۔۔۔۔اکبرخاں ملکانڑیں پاکستان عوامی سرائیکی پارٹی (٢٢ جنوری ٢٠١٩ء)