Wn/skr/ایڈیشنل آئی جی جنوبی پنجاب، احسان صادق دے حکم تے سرائیکی وسیب اچ منشیات فروشاں دے خلاف کریک ڈاؤن
مورخہ: ٨ دسمبر ٢٠٢٢ء
- سرائیکی وسیب دے تعلیمی اداریاں توں منشیات دا مکمل خاتمہ یقینی بݨایا ویسی۔ ایڈیشنل آئی جی جنوبی پنجاب
- ایڈیشنل آئی جی دا ملتان پولیس کوں ہک ہی ݙینہہ وچ 1.5 کلوگرام آئس برآمد کرݨ تے خراج تحسین
- ایڈیشنل انسپکٹر جنرل پولیس سرائیکی وسیب، ڈاکٹر احسان صادق نے آکھے کہ سرائیکی وسیب کے تعلیمی اداریاں توں منشیات دے مکمل خاتمے کیتے اقدامات جاری ہن۔ منشیات فروشاں دیخلاف جنوبی پنجاب پولیس دے کاروائیاں جاری ہن، سرائیکی وسیب وچ جاری مہم دے دوران پولیس نے 1480 مقدمات درج کریندے ہوئے 1370 منشیات فروش تے 94 ڈیلراں کوں گرفتار کر کے 512 کلوگرام توں زائد چرس، 48000 لیٹر شراب ،142 شراب دے چالو بھٹیاں، 14500 کلوگرام ہیروئن، 30 کلوگرام افیون، 100 کلو گرام بھنگ تے 3000 گرام آئس برآمد کیتی۔ 245 منشیات فروشاں دے خلاف کاروائیاں کریندے ہوئے 9-C دے مقدمات درج کیتے ےے 25 لوگاں کوں بحالی مراکز بھڄوایا۔ ایڈیشنل آئی جی نے ہک ہی ݙینہہ وچ ݙیڈھ کلوگرام چرس برآمد کرݨ تے سی پی او ملتان کوں خراج تحسین پیش کیتا تے تمام ضلعی پولیس سربراہان کوں ہدایت کیتی کہ اوہ ذاتی دلچسپی گھندے ہوئے منشیات فروشاں دی بیخ کنی کرن تے مہم کوں خود سپروائز کرن۔ انہاں نے آکھا کہ منشیات فروشاں دے خلاف کاروائیاں نال جرائم دی شرح وچ وی واضح کمی تھئی ہے۔ جنوبی پنجاب پولیس دے ایں مثبت عمل کوں شہریاں نے وی سراہا ہے۔ ڈاکٹر احسان صادق نے آکھا کہ جنوبی پنجاب پولیس دی طرفوں نویں نسل کوں منشیات دے زہر توں بچاوݨ کیتے مثبت اقدامات کوں فروغ ݙتا ویندا پیا ہے، تعلیمی اداریاں وچ منشیات فروشی قطعی طو تے ناقابل برداشت ہے، انہاں نے نجی و سرکاری تعلیمی اداریاں دی انتظامیہ تے اساتزہ کوں ذمہ داری دا مظاہرہ کریندے ہوئے منشیات دی لعنت دے خاتمے کیتے کردار ادا کرݨ دی درخواست کیتی تے آکھا کہ منشیات دے خاتمے کیتے عوام الناس دا تعاون وی ناگزیر ہے، عوام منشیات جیہے مکروہ دھندے وچ ملوث افراد نال متعلق، پولیس کوں بذریعہ 15، یا جنوبی پنجاب پولیس آفس کنٹرول روم وچ اطلاع ݙے کے ذمہ دار شہری ہووݨ دا ثبوت ݙیوے۔ جنوبی پنجاب پولیس آفس کوں کالز دے ذریعے 40 مختلف منشیات فروشاں دے متعلق نشاندہی کروائی ڳئی جیندے تے عملدرآمد کروا ݙتا ڳیا ہے۔ انہاں نے مزید آکھا کہ منشیات دے خاتمے تے منشیات فروشاں دے خلاف شکنجہ سخت کرݨ کیتے حکومت دی جانب توں منشیات فروشاں دے سزاواں وچ اضافہ کر ݙتا ڳیا ہے جیندے وچ منشیات فروشاں کوں سزائے موت تے عمر قید تک دی سزا ݙتی ونڄ سڳے۔