Wn/skr/اکبر ملکاݨی ہوراں دا احوال

اج اللہ کیتے بھلا۔تھیا میڈا بخت سولا۔اج دے ڈیہنہ جھڑ ملہار۔ٹھڈی ٹھڈی ھوا۔نکی نکی پھوار۔روح خوش وی ڈاڈھا تھئے۔مونجھا وی ڈاڈھا تھئے۔خوشی ایں گال دی تھئی پورے گرمیں اچ پہلا ٹھڈا ٹھار ڈیہنہ ھا۔مونجھا ایں گالھوں تھیاں جو ایں ٹھڈے موسم ٹھڈی ھوا اچ کوئی روح منگدے پرانڑیں سنگتی کوں اللہ سئیں انے ھا۔ایں سکھ چین دی ٹھڈی ٹھار چھاں تیں رلے بہوں ھا۔اکھیں ٹھاروں ھا۔دلدے حال ونڈاوں ھا۔اج موسم دی وجہ توں دل بہوں اداس ھا۔کہیں دی مونجھ ھئی جیرھی چھتی تھی بھڑدی کھڑی ھئی۔پریشان تھیاں کیا کراں وقت ود لانوڑ سانگے موسم پچھنڑ دے بہانے عمر بزدار نال الائے۔حاجی غلام شبیر خاں بزدار نال الائےہیں بہانے نال سئیں ھونریں کوں سردار علی شاندار خاں گشکوری دا کارڈ کانڈھے دا ڈسیئے۔سردار کلیم خاں گشکوری کوں اوندی گھر الی فوت تھیونڑ تیں ٹیلیفون تیں تعزیت کیتی اے۔ فاضل پور خلیل بھٹی نال الائے۔ مانڑیں احمدانی ڈاکٹر فدا حسئین نال الائے۔ڈاکٹر احسان چنگوانی منظور ٹھلا وی سرائیکستان ھاوس لنگھ ائین۔ول ای گال موسم تیں تھئی اے۔بیٹھن موسم دی چس چاتی۔لیکن مونجھ نہ لتھی۔سک کہیں سانگے الردی رہی ۔مونجھ نہ موئی نہ مکی۔ اچانک ہک ٹیلی فون ائے۔ میں ارشاد تونسوی پیا الیندا۔جی جی سرکار۔کتھاں او سرکار۔میں سرکار سرائیکستان ھاوس تیں بیٹھاں۔بہو میں حاضر تھینداں۔دل من گئے شیئت ہیں بندے دی سک ھئی۔ دل اے جیڈا خوش تھئے ۔اللہ پاک دا لکھ شکر اداکیتے۔واہ اللہ سیاں جینجھا موسم بنڑائی۔مہمان وی اوھو جیہاں پٹھئیی۔بس میڈے اندرو ہک ایہے جہیں کیفیت طاری تھئی اے۔سئیں ارشاد تونسوی دے ٹیلیفون دے میکوں اے سمجھ نہ اندی ھئی ۔کجا ارشاد تونسوی کجا میں انڑ پڑھ اکبر ملکانڑیں۔ اے جیڈا وڈا محقق لکھاری۔دانشور ۔صدارتی ایواڈ یافتہ ۔ڈھیر کتابیں دا مصنف ۔بہوں وڈے گریڈ دا ریٹائیرڈ افیسر میں فقیر دے ہنباھ تیں تشریف گھدی اندے۔ویسے تاں ارشاد تونسوی صاحب پیپلزپارٹی کنیں گھن سرائیکی لوک سانجھ تک۔تونسے توں گھن بنگلے کورائی تک۔بنگلہ کورائی توں گھن کیں مہرے الے تک اساں سئیں دی رہنمائی اچ کم کریندے ریہوں۔ول ساڈے کولھو جو تونسوی صاحب رلیئے وت ہک عرصے دے بعد اپڑیں افسری اچ ساکوں کوٹ مٹھنڑ ان لدھے ۔مرحوم عبدالخالق خاں دریشک دے نال ہک رات سئیں دی صحبت اچ گزری ۔تڈاھاں دا ترٹا تڈاھاں دا رلیا۔تڈاھاں دابھلیا وت ہک عرصے دے بعد اج سئیں ھونریں محبت ونڈی اے۔شفقت کیتی اے چنگے اور خوبصورت موسم اچ یاد فرماتیں ٹیلیفون تیں اپڑیں انونڑ دی اطلاع ڈتی اے۔ وت کیا ھا۔موسم ھا رت ھئی۔امنگ ھئی ۔انتظار ھا سئیں دے استقبال کیتے سرائیکستان ھاوس۔ٹھڈی ٹھار ھوا۔سکھ چئین ٹھڈی چھاں کرسیاں کھٹڑے تکیئے پانڑیں دا ٹھڈا کولر۔اسلم خاں ملکانڑیں۔حفیظ اللہ خاں ملکانڑیں۔اکبر خاں کھوسہ۔رانافیض ۔ ابولحسن خاں لغاری۔سردار خلیل خاں چنگوانی۔ڈاکٹر احسان چنگوا نی۔وسیم سرائیکی کیمرا مین نے سئیں ھونریں دی کار دا گیٹ کھول کیں جی ائیں کوں اکھیا۔سئیں ھونریں دے نال سردار سلیم خاں ملکانڑیں۔رشید احمد خاں رشی سرائیکی شاعر پٹواری۔فیاض احمدخان ملکانڑیں۔قاضی عابد حسئین خاں قیصرانی۔ندیم احمد خاں قیصرانی۔ساکنان ریتڑہ تونسہ۔سئیں ھونریں نال گزری ویہانڑیں ونڈی ۔تونسوی صاحب موجودہ حالات تیں سیر حاصل گفتگو کیتی چونکہ اوائیل اچ پہلے پہلے ڈیرہ غازیخاں اچ بھٹو صاحب کوں سڈنڑ الی کمیٹی اچ بطور ممبر شامل ھن۔جیرھے اج تک پیپلز پارٹی اچ کھڑ کیں سرائیکی قومی مسئلے تیں وی کم کریندے بیٹھن۔تونسوی صاحب فرمائے ۔ہندوستان تیں پاکستان اچ صرف ڈو پارٹیاں ان جنہیں کوں ملکی لیول دیاں پارٹیاں ان۔ہندوستان اچ کانگریس۔پاکستان اچ پیپلز پارٹی ایندے علاوہ سبھ کوڑ اے ۔اے وی انہیں ڈسیئے جو جڈ اں مرحوم ریاض ھاشمی صاحب ایڈوکیٹ انہیں دے نال بے ممبر کمیٹی بھٹو صاحب نال ملاقات کیتی بہاولپور صوبے دا مطالبہ کیتا بھٹو صاحب نیں انہیں کوں اکھیا ہک ڈویزن ترائے ضلعیں دا صوبہ نئیں بنڑدا تساں پورے سرائیکستان دا مطالبہ کرو ۔ اساکوں ایں گال دی ڈھیر خوشی تھئی اے جو اج سئیں تونسے اچو اکیں اپڑیں طالب علمیں کوں بہوں سبق پڑھا گئین پکوا گئین ۔نال مرحوم سرور کربلائی ۔مرحوم حمید اصغر شاہین ۔اقبال سوکڑی ۔عاشق بزدار۔صوفی تاج گوپانگ ۔مرحوم کریم نواز خاں کورائی تیں استاد نزیر فیض مگی کوں وی وڈا یاد کیتا اور بہترین خراج اے تحسین پیش کیتا۔ سئیں دی صحت واسطے وی دعا کیتی گئی پورے ترائے گھنٹے سرائیکستان ھاوس کوں ڈے کیں ول تونسے روانہ تھی گئے۔جیون پئے ۔حیاتی الے ھونون۔سرائیکستان ذندہ باد۔۔۔۔۔۔اکبر خاں ملکانڑیں ۔پاکستان عوامی سرائیکی پارٹی۔