Wn/shn/ၾဵတ်ႉပုၵ်ႉၶ် မႅတ်ႇသဵၼ်ႇၵျႃႇ လႆႈၵိုတ်းၵႂႃႇ မွၵ်ႈၸူဝ်ႈမူင်း
ဝၼ်းပုတ်ႉ၊ မၢတ်ႉၶျ် 6၊ 2024
ဢၼ်ပဵၼ် သိုဝ်ႇသၢၼ်တူင်ႇၵူၼ်း မႄႇတႃႇ ၸိူဝ်းပဵၼ် ၼႃႈလိၵ်ႈ ၾဵတ်ႉပုၵ်ႉၶ်၊ ဢိၼ်ႇသတႃႇၵရမ်ႇ၊ မႅတ်ႇသဵၼ်ႇၵျႃႇ ၼၼ်ႉ လႆႈၵိုတ်းၵႂႃႇၸူဝ်ႈၵမ်း တၢင်းႁိုင် မွၵ်ႈၸူဝ်ႈမူင်းၼၼ်ႉသေ ဝၢႆးလင်မႃး ၸႂ်ႉလႆႈၶိုၼ်းယူႇၼင်ႇၵဝ်ႇ။ မိူဝ်ႈလိူၼ်မၢတ်ႉၶျ် ဝၼ်းထိ 5 ၶၢဝ်းယၢမ်းမျၢၼ်ႇမႃႇ မွၵ်ႈ ၵၢင်ၶမ်ႈ 9 မူင်းၵိုင်ႇၼၼ်ႉ ၸိူဝ်းပဵၼ် သိုဝ်ႇသၢၼ်တူင်ႇၵူင်းမႄႇတႃႇ တင်းသဵင်ႈ လႆႈၵိုတ်းၵႂႃႇၸိူဝ်း ၸိူဝ်းပဵၼ် ၽူႈၸႂ်ႉသိုဝ်ႇသၢၼ်တူင်ႇၵူၼ်း ၾဵတ်ႉပုၵ်ႉၶ်၊ ဢိၼ်ႇသတႃႇၵရမ်ႇ ၸိူဝ်းၼႆႉလႄႈသင် ၸိူဝ်းၸႂ်ႉ မႅတ်ႇသဵၼ်ႈၵျႃႇသေ လၢတ်ႈတေႃႇၵၼ်ၸိူဝ်းၼႆႉၵေႃႈ ဢမ်ႇၸၢင်ႈသိုပ်ႇၸႂ်ႉလႆႈၵႂႃႇၼၼ်ႉယဝ်ႉ။
ၸုမ်းပႂ်ႉတူၺ်း လွင်ႈၼႃႈလိၵ်ႈဢိၼ်ႇၼႃႇၼႅတ်းၵိုတ်း ဢၼ်ပဵၼ်ၸုမ်း Downdetector.com လၢတ်ႈဝႃႈ လွင်ႈပဵၼ်ဢၼ်ၼႆႉ မၼ်းယွၼ်ႉၵႂႃႇတူဝ်ႈလူၵ်ႈယဝ်ႉ ဝႃႈၼႆ။ တီႈမႄႇတႃႇၵေႃႈ လၢတ်ႈဝႆႉဝႃႈ ၼႃႈလိၵ်ႈ WhatsApp Business ၼၼ်ႉ မၼ်းမီးဝႆႉပၼ်ႁႃ ဝႃႈၼႆယဝ်ႉ။
တီႈ သိုဝ်ႇသၢၼ်တူင်ႇၵူၼ်း X ၼၼ်ႉတႄႉ လွင်ႈၼႃႈလိၵ်ႈသိုဝ်ႇသၢၼ်တူင်ႇၵူၼ်း မႄႇတႃႇ လႆႈၵိုတ်းၵႂႃႇၸိူင်ႉၼႆၼႆႉ ပဵၼ်လွင်ႈတၢင်း ဢၼ်ဢွၼ်ၵၼ်လၢတ်ႈၼမ်သေပိူၼ်ႈသေ ၽူႈတႄႇတင်ႈ ၾဵတ်ႉပုၵ်ႉၶ် Mark Zuckerberg တႄႉ မၼ်းတႅမ်ႈတၢင်ႇဝႆႉဝႃႈ မၼ်းတေႁိပ်ႈၵႄႈသၢင်ႈၵႂႃႇ လွင်ႈဢၼ်ပဵၼ်ဝႆႉၼႆႉ ဝႃႈၼႆယဝ်ႉ။
မိူဝ်ႈပီ 2021 ၼၼ်ႉၵေႃႈ ၶူဝ်းၵၢၼ်မႄႇတႃႇ လႆႈၵိုတ်းၵႂႃႇၼင်ႇၼႆ မွၵ်ႈႁူဝ်ၸူဝ်ႈမူင်းမၼ်းၼင်ႇၵဝ်ႇ။ ၽၢႆႇႁူင်းၵၢၼ်လူင် သိုဝ်ႇသၢၼ်တူင်ႇၵူၼ်း ၶိုၼ်းလၢတ်ႈဝၢႆးလင်တႄႉ ၼၼ်ႉ မၼ်းလႆႈပဵၼ် ၽွင်းမိူဝ်ႈၶဝ် မႄးၵုမ်းၼၼ်ႉ ယွၼ်ႉၶဝ်ၸႂ်ႉ ၶွမ်းမၼ်း (ၶေႃႈပူင်ၶွမ်း) ၽိတ်းပိူင် ဝႃႈၼႆ။
"ၽွင်းမိူဝ်ႈ ႁဝ်းၶႃႈ ႁဵတ်းၵၢၼ်မႄးၵုမ်း မိူၼ်ၼင်ႇႁဵတ်းယူႇၵူႈပွၵ်ႈၼၼ်ႉ တီႈ ၶွမ်ႇမၼ်း ၶေႃႈပူင်ၶွမ်းၼၼ်ႉ လႆႈမီးလွင်ႈၽိတ်းပိူင်ႈ ၼိူဝ်ႈ ၼႅင်ႈသၼ်လင်တူဝ်ႈလူၵ်ႈလႄႈ မၼ်းပဵၼ်ၵႂႃႇ ဢၼ်ႁႂ်ႈၼႅတ်ႉဝၵ်ႉလုပ်ႇသၼ်လၼ်ႁဝ်းၶႃႈ လႆႈၵိုတ်းၵႂႃႇ၊ ၼၼ်ႉမၼ်းပဵၼ် ဢၼ်ဢမ်ႇၸၢင်ႈ ၵွင်ႉသၢၼ်ၸူး သုၼ်ၵၢင်ၶေႃႈမုၼ်း ၾဵတ်ႉပုၵ်ႉၶ် တူဝ်လူၵ်ႈၼၼ်ႉယဝ်ႉ ၼႆ ၵႅမ်ၽူႈၼမ်း ၽၢႆႇ ဢိၼ်ႇၵျိၼ်ႇၼီႇယႃႇ လႄႈ ယူင်ႉသၢင်ႈ ၶွင် ၾဵတ်ႉပုၵ်ႉၶ် Mr Santosh Janardhan လႆႈမွၵ်ႇလၢတ်ႈဝႃႈၼၼ်ဝႆႉယဝ်ႉ။
ငိူၼ်ႈငဝ်ႈတိုၼ်း[edit | edit source]
- VOA News. "ဖေ့ဘုတ်၊ မက်ဆင်ဂျာ စာမျက်နှာ ၁ နာရီအကြာမှာ ပြန်လည်ပတ်" — VOA News, March 5, 2024
- Aqil Hamzah. "Meta’s Facebook, Instagram back up after two-hour global outage" — The Straits Times, March 6, 2024
