Wn/shn/ၽွင်းလူင်ၵၢၼ်ၼွၵ်ႈမိူင်း ၵၢၼ်ႇ လႄႈ ၸွမ်ၸိုင်ႈဢီးၵျိပ်ႈ ဢုပ်ႇ တႃႇၵိုတ်းတိုၵ်းတီႈၵႃႇၸႃႇ
ဝၼ်းသုၵ်း၊ မၢတ်ႉၶျ် 22၊ 2024
ၽွင်းလူင် ၵၢၼ်ၼွၵ်ႈမိူင်း ဢမႄႇရိၵၢၼ်ႇ Antony Blinken ၽႅဝ်ႁွတ်ႈဝႆႉတီႈ မိူင်းဢီးၵျိပ်ႈသေ ၶတ်းၸႂ်ႁဵတ်းသၢင်ႈ တွၼ်ႈတႃႇ ၵူၼ်းဢိတ်ႇသရေး ၸိူဝ်းထုၵ်ႇၺွပ်းၵႂႃႇတီႈ ၵႃႇၸႃႇၼၼ်ႉ ႁႂ်ႈၸဵဝ်းလွတ်ႈ၊ တွၼ်ႈတႃႇ တိူဝ်းပၼ်လႆႈ တၢင်းၸွႆႈထႅမ်လွင်ႈၵူၼ်း ဢၼ်ပဵၼ်တွၼ်ႈတႃႇ ၵူၼ်းမိူင်းပႃႇလဵတ်ႈသတၢႆး ဢၼ်မီးၵႃႇၸႃႇ၊ တွၼ်ႈတႃႇ ၵိုတ်းယိုတ်းလႆႈ လွင်ႈပိုတ်းယိုဝ်း ၼႂ်းၵႄႈ ဢိတ်ႇသရေး လႄႈ ႁႃးမၢတ်ႉသ် ၸိူဝ်းၼႆႉယဝ်ႉ။
ထၢၼ်ၵၢၼ်ၼွၵ်ႈမိူင်းဢမႄႇရိၵၢၼ်ႇ လႆႈပိုၼ်ၽၢဝ်ႇဝႃႈ ၽွင်းလူင်ၵၢၼ်ၼွၵ်ႈမိူင်း Blinken လႄႈ ၸွမ်ၸိုင်ႈဢီးၵျိပ်ႈ Abdel Fattah el-Sisis ၶဝ် လႆႈႁူပ်ႉထူပ်းဢုပ်ႇဢူဝ်းၵၼ်မႃး တွၼ်ႈတႃႇ ႁႂ်ႈၵိုတ်းတိုၵ်း တႃႇ ၶၢဝ်းတၢင်း ႁူၵ်းဝူင်ႈ၊ တွၼ်ႈတႃႇ ႁႂ်ႈၵူၼ်းၸိူဝ်းတိၺွပ်းဝႆႉတီႈ ၵႃႇၸႃႇၼၼ်ႉ ႁႂ်ႈပွႆႇပၼ်သဵင်ႈသဵင်ႈ ၼႆယဝ်ႉ။ ၽွင်းလူင်ၵၢၼ်ၼွၵ်ႈမိူင်း ဢမႄႇရိၵၢၼ်ႇၼႆႉ မီးတႃႇႁူပ်ႉထူပ်းဢုပ်ႇဢူဝ်းၵၼ်တင်း တူဝ်တႅၼ်း ၵျေႃႇတၼ်ႇ၊ သေႃႇတီႇဢႃႇရေးပီးယႃး၊ ၶႃႇတႃႇ လႄႈ မိူင်းႁူမ်ႈတုမ် ၸဝ်ႈၾႃႉ ဢႃႇရၢပ်ႈ ၸိူဝ်းၼႆႉယူႇ။
မိူင်းၵမ်ႉၼမ်ၼမ် ဢွၼ်ၵၼ် ၶဝ်ႈပႃး ၶတ်းၸႂ်မီးလၢႆလၢႆဝူင်ႈ တွၼ်ႈတႃႇ ႁႂ်ႈၶေႃႈၽွမ်ႉၸႂ်ဢၼ်ၼိုင်ႈဢွၵ်ႇမႃး ဢၼ်ပဵၼ်ၶေႃႈၽွမ်ႉၸႂ် ဢၼ်ဢိတ်ႇသရေး လႄႈ ႁႃးမၢတ်ႉသ်ၶဝ် ၽွမ်ႉၸွမ်းတင်းသွင်ပႃႈသွင်ၽၢႆႇၼၼ်ႉယဝ်ႉ။ ပေႃးဝႃႈ လွင်ႈဢုပ်ႇဢူဝ်း်ၸိူဝ်းၼႆႉယဝ်ႉတူဝ်ႈယဝ်ႈၼႆတႄႉ ၽွင်းလူင်ၵၢၼ်ၼွၵ်ႈမိူင်း ပလိၼ်ႇၵၼ်ႇၼႆႉ ပေႃးဝၼ်းသုၵ်းမႃး မၼ်းတေ ႁွတ်ႈထိုင်တီႈ ဢိတ်ႇသရေးသေ ၵပ်းၵၢႆႇလူၺ်ႈ သၢႆငၢႆလႃႈသုတ်းၼၼ်ႉ တေ ဢုပ်ႇဢူဝ်းၵၼ်ၵႂႃႇတင်း ၽူႈဢွၼ်ႁူဝ် ဢိတ်ႇသရေးယဝ်ႉ။
ငိူၼ်ႈငဝ်ႈတိုၼ်း[edit | edit source]
- VOA News. "Blinken in Mideast Seeking Israel-Hamas Cease-Fire, Humanitarian Aid to Gaza" — VOA News, March 20, 2024
- VOA News. "ဂါဇာအပစ်ရပ်ရေး ကန်နိုင်ငံခြားရေးဝန်ကြီး အီဂျစ်သမ္မတနဲ့ဆွေးနွေး" — VOA News, March 22, 2024
- The Washington Post. "Blinken meets with Egypt’s Sisi, is set to stop in Israel on regional tour" — The Washington Post, March 21, 2024
- Humeyra Pamuk and Nidal Al-Mughrabi. "Gaza ceasefire deal still possible but difficult work remains, Blinken says" — REUTERS, March 22, 2024
