Jump to content

Wn/shn/ၸႄႇလႅၼ်ႇသၵီး ၽိတ်ႈမွၵ်ႇ တႃႇၶိုၼ်ႈႁွတ်ႈ ပၢင်ႇဢုပ်ႇဢူဝ်းလွင်ႈငမ်းယဵၼ် သဝိတ်ႉၸႃႇလႅၼ်ႇ

Add links
From Wikimedia Incubator
< Wn‎ | shn
Wn > shn > ၸႄႇလႅၼ်ႇသၵီး ၽိတ်ႈမွၵ်ႇ တႃႇၶိုၼ်ႈႁွတ်ႈ ပၢင်ႇဢုပ်ႇဢူဝ်းလွင်ႈငမ်းယဵၼ် သဝိတ်ႉၸႃႇလႅၼ်ႇ

ဝၼ်းၸၼ်၊ ၸုၼ်ႇ 3၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ သိင်ႇၵႃႇပူဝ်ႇ
ႁူမ်ႈသၢင်ႈ!
Wn/shn/သိင်ႇၵႃႇပူဝ်ႇ
Wn/shn/သိင်ႇၵႃႇပူဝ်ႇ
ၸွမ်ပွင်ၸိုင်ႈယူႇၶရဵၼ်း (ၶႅပ်းႁၢင်ႈၵဝ်ႇ)

ၸွမ်ပွင်ၸိုင်ႈယူႇၶရဵၼ်း Volodymyr Zelenskyy လႆႈမွၵ်ႇလၢတ်ႈတိုၵ်းသူၼ်းၵႂႃႇတီႈ ပၢင်ၵုမ်ပၢႆးႁူမ်ႇလူမ်ႈ Shangri-La Dialogue ဢၼ်ႁဵတ်းယူႇတီႈ မိူင်းသိင်ႇၵႃႇပူဝ်ႇၼၼ်ႉဝႃႈ ႁႂ်ႈဢွၼ်ၵၼ် ၶိုၼ်ႈႁွတ်ႈ ပၢင်ဢုပ်ႇဢူဝ်း လွင်ႈငမ်းယဵၼ် ဢၼ်တေၸတ်းႁဵတ်းၵႂႃႇ ၸုၼ်ႇ 15 လႄႈ 16 တီႈ မိူင်းသဝိတ်ႉၸႃႇလႅၼ်ႇၼၼ်ႉ ဝႃႈၼႆယဝ်ႉ။

မၼ်းလၢတ်ႈၵႂႃႇတီႈ ၶေႃႈမွၵ်ႇလၢတ်ႈ ပိုတ်ႇပၢင်ၵႅဝ်ႈ တီႈမိူင်းသိင်ႇၵႃႇပူဝ်ႇၼၼ်ႉဝႃႈ ၼႂ်းၵႃႈ လႆႈတေႃႇသူႇ လွင်ႈရတ်ႈသျႃးပူၼ်ႉပႅၼ်ႇမႃး ၼႂ်းၶၢဝ်းတၢင်းသၢမ်ပီၼႆႉ တွၼ်ႈၵၼ်ၵၢၼ်ၽွင်းတၢင်ၼႆႉ မၼ်းလမ်ႇလွင်ႈ ဢၼ်ဝႃႈယဝ်ႉ။ ၸဝ်ႈၸွမ်ၸိုင်ႈယူႇၶရဵၼ်း မွၵ်ႇလၢတ်ႈဝႃႈ ႁၢၼ်ႉတေႃႇ မိူဝ်ႈပႆႇပေႃးႁိုင်ၼၼ်ႉ လႆႈထၢင်ႇဝႃႈ ၵမ်ႇၽႃႇလူင်ၼႆႉ တေပင်းၵႂႃႇယဝ်ႉႁိုဝ်ၼႆႉသေတႃႉ လႆႈမီးလွင်ႈမႆႈၸႂ်ၼိူဝ် ပၢႆးႁူမ်ႇလူမ်ႈလႄႈ လႆႈႁၼ်ပႃး မိူင်း ၸိူဝ်းဢၼ်မီးၵၢင်ၸႂ် ႁႂ်ႈႁူမ်ႈႁွမ်းႁဵတ်းသၢင်ႈၸွမ်းၵၼ်တႄႉတႄႉယူႇ ဝႃႈၼႆယဝ်ႉ။

ၸွမ်ပွင်ၸိုင်ႈ ယူႇၶရဵၼ်းလႆႈ လႆႈဝႆႉလွင်ႈၼၵ်းၼႃသေ မွၵ်ႇလၢတ်ႈၵႂႃႇဝႃႈ တႃႇၵႅတ်ႇၵင်ႈလႆႈ လွင်ႈရတ်ႈသျႃးၶဝ် ပူၼ်ႉပႅၼ်တိုၵ်းတေႃး၊ လွင်ႈဢၼ်ၵူႈမိူင်းမိူင်း လႆႈၸွႆႈထႅမ် တႃႇၽူတ်ႇၸွႆႈဢဝ် လုၵ်ႈဢွၼ်ႇယူႇၶရဵၼ်း ဢၼ်ရတ်ႈသျႃးၶဝ် ႁွင်ႉၵႂႃႇၼၼ်ႉယဝ်ႉ။ ၵူၺ်းၵႃႈဝႃႈ လႆႈမီးလွင်ႈၸႂ်လုၼိူဝ် လွင်ႈဢၼ် ၽူႈဢွၼ်ႁူဝ်ၵမ်ႈၽွင်ႈ ဢမ်ႇပႆႇယိုၼ်ယၼ် တႃႇၶိုၼ်ႈႁွတ်ႈ ပၢင်ၵုမ် လွင်ႈငမ်းယဵၼ် ဢၼ်တေၸတ်းႁဵၼ်းၼႂ်း ၵၢင်လိူၼ် လိူၼ်ၼႆႉၼၼ်ႉ ဝႃႈၼႆယဝ်ႉ။

ယွၼ်ႉပိူဝ်ႈ ဢမ်ႇႁပ်ႉၶေႃႈတၢင်ႇလၢတ်ႈ ဢၼ်ဝႃႈ ႁႂ်ႈရတ်ႈသျႃးၵေႃႈ မီးသုၼ်ႇၶိုၼ်ႈႁွတ်ႈပႃး ၼၼ်ႉလႄႈ လူင်ပွင်ၸိုင်ႈၶႄႇတႄႉ လႆႈလၢတ်ႈဝႆႉဝႃႈ တေဢမ်ႇၶိုၼ်ႈႁွတ်ႈ ပၢင်ၵုမ်လွင်ႈငမ်းယဵၼ် ဝႃႈၼႆယဝ်ႉ။


ငိူၼ်ႈငဝ်ႈတိုၼ်း[edit | edit source]

Retrieved from "https://incubator.wikimedia.org/w/index.php?title=Wn/shn/ၸႄႇလႅၼ်ႇသၵီး_ၽိတ်ႈမွၵ်ႇ_တႃႇၶိုၼ်ႈႁွတ်ႈ_ပၢင်ႇဢုပ်ႇဢူဝ်းလွင်ႈငမ်းယဵၼ်_သဝိတ်ႉၸႃႇလႅၼ်ႇ&oldid=6301166"