Wn/shn/ၸွမ်ၽွင်းလူင် သလူဝ်ႇဝႃးၵီးယႃး ၺႃးငွႆးယိုဝ်းလႄႈ လႆႈတၢင်းၸဵပ်းမၢတ်ႇႁၢဝ်ႈႁႅင်း
ဝၼ်းပုတ်ႉ၊ မေႇ 15၊ 2024
.svg)
ၽူႈမီးပုၼ်ႈၽွၼ်း လူင်ပွင်ၸိုင်ႈ လၢတ်ႈဝႃႈ မိူဝ်ႈလိူၼ်မေႇ 15 ၼၼ်ႉ ၸွမ်ၽွင်းလူင် သလူဝ်ႇဝႃးၵီးယႃး ရေႃးပၢတ်ႉ ၾီႇၵူဝ်ႇ လႆႈထုၵ်ႇငွႆးယိုဝ်းတႃႇၶႃႈတၢႆလႄႈ လႆႈထူပ်းသၢႆငၢႆ ၽေးၶဵၼ်ဢသၢၵ်ႈဝႆႉ ဝႃႈၼႆယဝ်ႉ။
ၸွမ်ၽွင်းလူင် ဢၼ်ဢႃႇယုမီႈ 59 ပီၼၼ်ႉ ၽွင်းမိူဝ်ႈႁဵတ်းပၢင်ၵုမ်ယဝ်ႉ တီႈ ဝဵင်းႁၼ်းလူဝ်ႇဝႃႇ တီႈ ပွတ်းၵၢင်မိူင်းၼၼ်ႉယေဝႉသေ လႆႈထုၵ်ႇငွႆးယိုုဝ်းၼင်ႇၼႆလႄႈ တွၼ်ႈတႃႇယူတ်းယႃၶိုၵ်ႉၶၵ်ႉၼၼ်ႉ လႆႈဢဝ် ႁိူဝ်းမိၼ်မိင်းမီးသေ ႁွင်ႉမၼ်းၵႂႃႇတီႈ ဝဵင်းပၼ်သၵႃပီသထရီႇၵ ၼၼ်ႉယဝ်ႉ။
တီႈၼႂ်းၶၢဝ်ႇ လၢတ်ႈဝႃႈ ၸွမ်းလူၺ်ႈ ၵူၼ်းတူဝ်ထူပ်းတႃႁၼ်လၢတ်ႈဝႃႈၼၼ်ႉ တီႈဢၼ်လႆႈပဵၼ်ၵႂႃႇၼၼ်ႉ လႆႈငိၼ်းသဵင်ၵွင်ႈသေ ၸွမ်ၽွင်းလူင် လႆႈတၢင်းၸဵပ်းမၢတ်ႇ တီႈတွင်ႉမၼ်းၵႂႃႇ ဝႃႈၼႆယဝ်ႉ။ ၵူၼ်းဢၼ်ၵေႃႉထုၵ်ႇထၢင်ႇထိူမ်ဝႃႈ ပဵၼ်ၵေႃႉဢၼ် ငွႆးယိုဝ်း တႃႇၶႃႈတၢႆၼၼ်ႉတႄႉ ၸိူဝ်းပဵၼ် ၸုမ်းႁူမ်ႇလူမ်ႈၶဝ် လႆႈတိၺွပ်းတူဝ်မၼ်းသေၵေႃႈ ဢဝ်တၢင်ႇရူတ်ႉၵႂႃႇဝႃႈၼႆယဝ်ႉ။
လွင်ႈငွႆးယိုဝ်းၼႆႉ လႆႈပဵၼ်ၵႂႃႇတီႈ ဝဵင်းႁၼ်းလူဝ်ႇဝႃႇ ဢၼ်မီးတီႈ ၸဵင်ႇႁွင်ႇဝၼ်းဢွၵ်ႇ ဝဵင်းလူင် ပရႃႇတိသ်ႉလႃႇဝႃႇ ၶၢဝ်းယၢမ်း ၵၢင်ဝၼ်း 2 မူင်းၶိုင်ႈၼၼ်ႉယဝ်ႉ။
ၸွမ်ၽွင်းလူင် ရေႃးပၢတ်ႉ ၾီႇၵူဝ်ႇၼႆႉ ဝၢႆးသေ ႁဵတ်းလွင်ႈလႅၵ်ႈလၢႆႈ လၵ်ႈၵၢၼ်ပၢႆမိူင်း ဢၼ်ၵူၼ်းလႆႈၸႂ်ၼမ်ယဝ်ႉသေ ၵူၼ်းမိူင်း လႆႈလိူၵ်ႈပဵၼ် ၸွမ်ၽွင်းလူင်မႃး မီး သီႇပွၵ်ႈသီႇၵမ်းယဝ်ႉ။
ငိူၼ်ႈငဝ်ႈတိုၼ်း
- VOA news. "Slovakia’s prime minister shot, in life-threatening condition" — VOA news, May 15, 2024
- Karel Janicek and Bela Szandelszky. "Slovakia’s populist prime minister shot in assassination attempt, shocking Europe before elections" — AP news, May 16, 2024
- Ivana Kottasová, Sugam Pokharel and Zahid Mahmood. "Slovakia’s Prime Minister Fico shot multiple times in ‘politically motivated’ attack" — CNN, May 15, 2024
- CBS News. "Slovakia's Prime Minister Robert Fico in life-threatening condition after apparent assassination attempt" — CBS News, May 15, 2024
