Wn/shn/ၸုမ်းၽၢႆႇၶတ်းၶၢၼ်ႉ မိူင်းဝႄႇၼေႇၸွႆးလႃး လၢတ်ႈဝႃႈ ဢွင်ႇပႄႉပၢင်လိူၵ်ႈတင်ႈ
ဝၼ်းပုတ်ႉ၊ ၸူႇလၢႆႇ 31၊ 2024
.svg)
ၸုမ်းၽၢႆႇၶတ်းၶၢၼ်ႉ မိူင်းဝႄႇၼေႇၸွႆးလႃးၶဝ် လၢတ်ႈဝႃႈ မီးလၵ်းထၢၼ် ဢၼ်ၼႄလႆႈဝႃႈ ၽူႈၶေႉၶဵင်ႇ ဢႅတ်ႉမၼ်ႇတူဝ်ႇ ၵွၼ်ႇၸႃႇလႅတ်ႉ ဢွင်ႇပေႉ ၸွမ်ပွင်ၸိုင်ႈ ယၢမ်းလဵဝ် ၼိၵူဝ်ႇလႃႇ မႃႇတူႇရူဝ်ႇ တီႈ ပၢင်လိူၵလႈတင်ႈ မိူဝ်ႈဝၼ်းဢႃးတိတ်ႉၼၼ်ႉၼႆယဝ်ႉ။ ၵွပ်ႈပိူဝ်ႈဢမ်ႇႁၢၼ်ႉၸႂ်ၸွမ်း ၽွၼ်းပၢင်ႈပၢင်လိူၵ်ႈတင်ႈလႄႈ ယွၼ်ႉၼႄၵၢင်ၸႂ်သေ လွင်ႈလူႉတၢႆၵေႃႈမီး ဝႃႈၼႆယဝ်ႉ။
ၽူႈၶႄႉၶဵင်ႇ ၸွမ်ပွင်ၸိုင်ႈ ၵွၼ်ႇၸႃႇလႅတ်ႉ လႄႈ ၽူႈဢွၼ်ႁူဝ် ၸုမ်းၽၢႆႇလင် မႃႇရီႇယႃႇ ၶူဝ်ႇရီႇၼႃႇ မႃႇၶႃႇတူဝ်ႇ လႆႈၶႅပ်းၵၢင်ၸႂ် ႁူဝ်ပၢၵ်ႇ 70 လိူဝ်လိူဝ်။ လိူဝ်ၼၼ်ႉ မၼ်းလၢတ်ႈဝႃႈ ၵွၼ်ႇၸႃႇလႅတ်ႉ လႆႈၶႅပ်းၵၢင်ၸႂ် 6 လၢၼ်ႉလိူဝ်လိူဝ်သေ ၸွမ်ပွင်ၸိုင်ႈ မႃႇတူႇရူဝ်ႇသမ်ႉ လႆႈၶႅပ်းၵၢင်ၸႂ် 2 လၢၼ်ႉၵူၺ်း ၼႆယဝ်ႉ။
ဝၢႆးသေ ၶွင်ႇသီႇၵၢၼ်လိူၵ်ႈတင်ႈ ဢၼ်လူင်ပွင်ၸိုင်ႈ ၵုမ်းၵမ် မိူင်းဝႄႇၼႄႇၸွႆးလႃး ပိုၼ်ၽၢဝ်ႇဝႃႈ ၸွမ်ပွင်ၸိုင်ႈယၢမ်းလဵဝ် လႆႈၶႅပ်းၵၢင်ၸႂ် ႁူဝ်ပၢၵ်ႇ 51 ၼႆသေ ၽူႈဢွၼ်ႁူဝ် ၽၢႆႇသၢၼ်ၶတ်း ၵွၼ်ႇၸႃႇလႅတ်ႉ လႆႈၶႅပ်းၵၢင်ၸႂ် ႁူဝ်ပၢၵ်ႇ 44 ၼၼ်ႉ ၵွၼ်ႇၸႃႇလႅတ်ႉ လႄႈ မႃႇၶႃႇတူဝ်ႇ ပိုၼ်ၽၢဝ်ႇ လွင်ႈဢွင်ႇပႄႉ ၽၢႆႇလင်ၼၼ်ႉ လၢႆၸူဝ်ႈမူင်းၵွႆး။ ယင်းလၢတ်ႈဝႃႈ ဢၼ်ၶွင်ႇသီႇၵၢၼ်လိူၵ်ႈတင်ႈ ပိုၼ်ၽၢဝ်ႇ ၽွၼ်းပၢင်ႈၶႅပ်းၵၢင်ၸႂ်ၼၼ်ႉ မၼ်းဢမ်ႇငၢမ်ႇၵၼ်တင်း ၶေႃႈမုၼ်းဢၼ်လႆႈၵဵပ်းႁွမ်ဝႆႉ ဝၢႆးတွတ်ႈၶႅပ်းၵၢင်ၸႂ်ယဝ်ႉ ဝႃႈၼႆ။
ၶေႃႈတွပ်ႇ ဢၼ်ၸဝ်ႈၼႃႈတီႈၶဝ် ပိုၼ်ၽၢဝ်ႇဢွၵ်ႇမႃးၼၼ်ႉ ဢမ်ႇပႃး ၶေႃႈမုၼ်း တီႈႁူင်းတွတ်ႈၶႅပ်းၵၢင်ၸႂ် ၵူႈတီႈတီႈလႄႈ ၽူႈပႂ်ႉတူၺ်း ပၢင်လိူၵ်ႈတင်ႈၶဝ် ပၼ်ၾၢင်ႉဝႃႈ လွင်ႈၼပ်ႉသွၼ်ႇ ၶႅပ်းၵၢင်ၸႂ် ႁႂ်ႈတႅတ်ႈတေႃးၼၼ်ႉ လမ်ႇလွင်တႄႉတႄႉ ၼႆယဝ်ႉ။
ဝၢႆးသေ ပိုၼ်ၽၢဝ်ႇ ၶေႃႈတွပ်ႇ ပၢင်လိူၵ်ႈတင်ႈယဝ်ႉ ၵူၼ်းမိူင်း တင်းမိူင်း ပႃးၸဵမ် ဝဵင်းလူင် ၶႃႇရႃႇၵၢတ်ႉ ဢွၼ်ၵၼ် ၼႄၵၢင်ၸႂ် တွႆႇမေႃႈတွႆႇဝၢၼ်ႇ တင်းၶမ်ႈယဝ်ႉ။ ယွၼ်ႉၸဝ်ႈၼႃႈတီႈပလိၵ်ႈၶဝ် ဢဝ်ၵႅတ်ႉသ်ၼမ်ႉတႃသေ ၽဵဝ်ႈမူၺ်ႉ ၵူၼ်းၸိူဝ်းၼႄၵၢင်ၸႂ်ၼၼ်ႉ တီႈၸႄႈမိူင်းယႃႇရႃႇၵူႇသေ ၵူၼ်းတၢႆ ဢမ်ႇယွမ်း 1 ၵေႃႉ ၼႆယဝ်ႉ။ မိူဝ်ႈပႆႇထိုင်ပၢင်လိူၵ်ႈတင်ႈ တီႉၺွပ်းလႆႈ ၽူႈသူၼ်းတုမ် ၽၢႆႇသၢၼ်ၶတ်း ၼပ်ႉႁူဝ်သိပ်းၵေႃႉ။ ၼႂ်းၵူၼ်းယၢၼ်မိူင်း 5 လၢၼ်ႉၼၼ်ႉ ဢၼ်လႆႈတွတ်ႈၶႅပ်းၵၢင်ၸႂ် မီး 69,000 ၵေႃႉၵူၺ်း ဝႃႈၼႆယဝ်ႉ။
ငိူၼ်ႈငဝ်ႈၶၢဝ်ႇ
- JOSHUA GOODMAN and REGINA GARCIA CANO. "Venezuelan opposition says it has proof its candidate defeated President Maduro in disputed election" — AP News, July 30, 2024
- Vanessa Buschschlüter. "Venezuela's Maduro declared winner in disputed vote" — BBC News, July 30, 2024
- Mariela Nava, Mircely Guanipa and Vivian Sequera. "Venezuela opposition says its victory is irreversible, citing 73% of vote tallies" — Reuters, July 30, 2024
- Mie Hoejris Dahl. "A ‘fake, fabricated result’: Questions swirl around Venezuela’s election" — Al Jazeera, August 1, 2024
