Wn/shn/ၸဝ်ႈၸွမ်ၸိုင်ႈရတ်ႈသျႃး ပၢၵ်ႈပႅတ်ႈ ၵႅမ်ၽွင်းလူင်ၵၢၼ်ၵႅတ်ႇၵင်ႈရတ်ႈသျႃး သီႇၵေႃႉ
ဝၼ်းဢင်းၵၢၼ်း၊ ၸုၼ်ႇ 18၊ 2024
_-_Crimea_disputed.svg)
_2.jpg)
မိူဝ်ႈဝၼ်းၸၼ်ၼၼ်ႉ ၸဝ်ႈၸွမ်ၸိုင်ႈရတ်ႈသျႃး ဝလႃႇၻီႇမီႇရ် ပူႇထိၼ်ႇ လႆႈပၢၵ်ႈပႅတ်ႈ ၵႅမ်ၽွင်းလူင် ၵၢၼ်ၵႅတ်ႇၵင်ႈရတ်ႈသျႃး သီႇၵေႃႉယဝ်ႉ။ ၼႂ်းၵႃႈ ၸိူဝ်းဢၼ်ၶိုၼ်းပၼ်ထၢၼ်ႈ တႅၼ်းတၢင်ၼၼ်ႉ ၸွမ်းၼင်ႇ ၵႂၢမ်းလၢတ်ႈ ၽူႈမီးပုၼ်ႈၽွၼ်း ၸုမ်းၽွမ်ႉႁူမ်ႈ ယူးရူပ်ႉလၢတ်ႈဝႃး ၶဝ်ႈပႃး “ပီႈၼွင်ႉၸမ်ၸႂ်“ ၵေႃႉၼိုင်ႈ ဝႃႈၼႆယဝ်ႉ။
မိူဝ်ႈလိူၼ်ဢေႇပရႄႇ ဝၢႆးသေ လိၵ်ႈတၢင်ႇလၢတ်ႈဢွၵ်ႇမႃးဝႃႈ တီႈၼႂ်း ၽူႈမီးၸၼ်ႉၵမ်ႉၼမ် တီႈႁွင်ႈၵၢၼ်ၵႅတ်ႇၵင်ႈၼၼ်ႉ မီးလွင်ႈၵိၼ်သူးၵိၼ်လၢပ်ႈဝႆႉၼႆသေ ဝၢႆးၼၼ်ႉၵေႃႈ ၸိူဝ်းပဵၼ် Nikolai Pankov, Ruslan Tsalikov, Tatiana Shevtsova လႄႈ Pavel Popov ၶဝ် လႆႈထုၵ်ႇပၢၵ်ႈပႅတ်ႈ တီႈတႃႈၶုၼ်ၶဝ်ယူႇယဝ်ႉ။ ၽွင်းလူင်ၵဝ်ႇၵၢၼ်ၵႅတ်ႇၵင်ႈ Sergei Shoigu ၼၼ်ႉၵေႃႈ ၸဝ်ႈၸွမ်ၸိုင်ႈပူႇထိၼ်ႇ လႆႈပၢၵ်ႈပႅတ်ႈ မိူဝ်ႈလိူၼ်မေႇ ပူၼ်ႉမႃးၼၼ်ႉယဝ်ႉ။
ၶၢဝ်ႇၼွၵ်ႈမိူင်း လၢတ်ႈဝႃႈတႄႉ ၼႆႉမၼ်းပဵၼ် လွင်ႈၶတ်းၸႂ် တႃႇႁဵတ်းႁႂ်ႈ တပ်ႉရတ်ႈသျႃး ၸိူဝ်းမီးတီႈၼႃႈသိုၵ်းယူႇၶရဵၼ်းၼၼ်ႉ ႁႂ်ႈတိူဝ်းႁႅင်းယႂ်ႇမႃးလႄႈ ၸင်ႇလႆႈႁဵတ်း လွင်ႈလႅၵ်ႈလၢႆႈမႃးၼင်ႇၼႆ ဝႃႈၼႆယဝ်ႉ။ မိူဝ်ႈပီ 2022 လိူၼ်ၾႅပ်ႇဝႃႇရီႇ မိူဝ်ႈၶဝ်ႈတိုၵ်းယူႇၶရဵၼ်းၼၼ်ႉၵေႃႈ လႆႈႁဵတ်းလွင်ႈလႅၵ်ႈလၢႆႈ ၼႂ်းတပ်ႉသိုၵ်းမႃးၼင်ႇၼႆၼင်ႇၵဝ်ႇ။
ၼႂ်းၵႃႈ ၸိူဝ်းပၼ်ထၢၼ်ႈ တႅၼ်းတီႈယူႇၼၼ်ႉ ၶဝ်ႈပႃး Anna Tsivileva ဢၼ်ပဵၼ် လုၵ်ႈယိင်း ပီႈၼွင်ႉၶႅၼ်ႈတွင်ႉ ၵၼ်တင်း ၸဝ်ႈၸွမ်ၸိုင်ႈ ပူႇထိၼ်ႇၼၼ်ႉယဝ်ႉ။ Anna ၼႆႉ မၼ်းပဵၼ် ၽူႈယႂ်ႇၵဝ်ႇ ၽၢႆႇတပ်ႉသူင်ႇၶူဝ်းရတ်ႈသျႃး ဢၼ် ၸဝ်ႈၸွမ်ၸိုင်ႈ ၵေႃႉပၼ်ထၢၼ်ႈၼၼ်ႉယဝ်ႉ။
ၵူၼ်းဢၼ်ၸိူဝ်းထုၵ်ႇပၼ်ထၢၼ်ႈထႅင်ႈၼၼ်ႉတႄႉ Pavel Fradkov ပဵၼ် လုၵ်ႈၸၢႆး ၸွမ်ၽွင်းလူင်ၵဝ်ႇ လႄႈ ၽူႈယႂ်ႇၽၢႆႇၵၢၼ်ၸွပ်ႇ၊ Oleg Savelyev ၽွင်းလူင်ၵၢၼ်မၢၵ်ႈမီးၵဝ်ႇ လႄႈ Leonid Gornin ၽူႈမီးၸၼ်ႉထၢၼ်ႈယႂ်ႇႁွင်ႈၵၢၼ် ပၢႆးမၢၵ်ႈမီးႁုၼ်ႈမုၼ်းၶိုၼ်ႈယႂ်ႇ ၸိူဝ်းၼႆႉယဝ်ႉ။
ငိူၼ်ႈငဝ်ႈတိုၼ်း
- VOA News. "Putin dismisses deputy defense ministers, replaces one with 'close relative'" — VOA News, June 17, 2024
- Reuters. "Putin extends defence ministry purge, hands job to a relative" — Reuters, June 17, 2024
- Reuters. "Putin appoints relative in defense ministry shake-up" — NBC News, June 18, 2024
- Yohannes Lowe and Tom Bryant. "Putin sacks four deputy defence ministers and appoints relative – as it happened" — The Guardian, June 17, 2024
- James Kilner. "Putin sacks four deputy defence ministers and appoints relative" — The Daily Telegraph, June 17, 2024
- Chris York. "Putin appoints relative to defense ministry post in yet another shake-up" — The Kyiv Independent, June 17, 2024
