Wn/shn/ၶၢဝ်းသိၼ်ရႃႇမတၼ်ႇ ၸၢဝ်းမူႇသလိၼ်ႇ ၶဝ် တႄႇယဝ်ႉ
ဝၼ်းၸၼ်၊ မၢတ်ႉၶျ် 11၊ 2024
မိူဝ်ႈဝၼ်းဢႃးတိတ်ႉ တီႈၼိူဝ်ၵၢင်ႁၢဝ် မိူင်းသေႃႇတီႇဢႃႇရေးပီးယႃး ဢၼ်မီးဢွင်ႈတီႈထွတ်ႈမျၢတ်ႈ ၸၢဝ်းဢိသလၢမ် ၶဝ်ၼၼ်ႉ ယွၼ်ႉလႆႈတႄႇႁၼ်လိူၼ်ယဝ်ႉလႄႈ ၸၢဝ်းမူႇသလိၼ်ႇတူဝ်လူၵ်ႈ ၼႂ်းၵႃႈ 1.8 ႁဵင်လၢၼ်ႉၼၼ်ႉ တင်းၼမ်တင်းလၢႆ ဢွၼ်ၵၼ်တႄ လိူၼ်ဢဝ်သိၼ် ရမ်မတၼ်ႇၶဝ်ယူႇယဝ်ႉ။
တီႈႁွင်ႈၶၢဝ်ႇ SPA ၼၼ်ႉတႄႉ ဢဝ်ၶေႃႈပိုၼ်ၽၢဝ်ႇ ၸဝ်ႈၼႃႈတီႈၶဝ် လႆႈပိုၼ်ၽၢဝ်ႇဝႃး လိူၼ်ဢဝ်သိၼ်ၼႆႉ လႆႈတႄႇတီႈ ဝၼ်းၸၼ် လိူၼ်မၢတ်ႉၶ်ျ 11 ဝၼ်း ဝႃႈၼႆယဝ်ႉ။ လိူၼ်ဢဝ်သိၼ်ရမ်မတၼ်ႇၼႆႉ ပေႃးဝႃႈ တႄႇႁၼ်လိူၼ် ၸင်ႇလႆႈတႄႇလႄႈ မိူင်းၼိုင်ႈလႄႈမိူင်းၼိုင်ႈ ဝၼ်းတႄႇဢဝ်သိၼ်ၶဝ် ဢမ်ႇမိူၼ်ၵၼ်။ ယွၼ်ႉၼၼ်လႄႈ ၸိူဝ်းပဵၼ်မိူင်းလိုမ်ဢေးသျႃး မိူၼ်ၼင်ႇ ဢေႃႉသထရေးလီးယႃး၊ ပရူႇၼၢႆး၊ မလေးသျႃး လႄႈ သိင်ႇၵႃႇပူဝ်ႇ ၸိူဝ်းၼႆႉ မိူဝ်ဝၼ်းၸၼ်ၼၼ်ႉ ယွၼ်ႉပႆႇလႆႈႁၼ်လိူၼ်လႄႈ ပေႃးဝၼ်းဢင်းၵၢၼ်းမႃး ၸင်ႇၵွႆႈ တႄႇၶဝ်ႈသိၼ်ယဝ်ႉ။
တီႈထုင်ႉ ပွတ်းဢွၵ်ႇ တွၼ်ႈၵၢင်ၼၼ်ႉတႄႉ ယွၼ်ႉပိူဝ်ႈပၢင်သိုၵ်း ၼႂ်းၵႄး ဢိတ်ႇသရေး လႄႈ ႁႃးမၢတ်ႉသ်ၶဝ် တိုၵ်းၵၼ်တီႈ ၵႃႇၸႃႇၼၼ်ႉ လႆႈတႄႇၶၢဝ်း ၸၢဝ်းမူႇသလိၼ်ႇၶဝ် ဢဝ်သိၼ်ၼၼ်ႉယဝ်ႉ။ လႆႈမီးတၢင်းမႆႈၸႂ် ၵူဝ်ၽႆးသိုၵ်း သၢႆငၢႆဢမ်ႇၼိမ်သဝ်း တီႈၵႃႇၸႃႇၼၼ်ႉ လၢမ်းမႃးဝႃႈၼႆယဝ်ႉ။ ဝၢႆးသေ ၽေးတၢင်းပဵၼ်ၶူဝ်းဝိတ်ႉယဝ်ႉ ယွၼ်ႉပိူဝ်ႈ ၶၼ်ငိုၼ်းတူၵ်းမႃးႁႅင်းၼႃႇလႄႈ ၵႃႈၶၼ်ၵုၼ်ႇသိၼ်ၵေႃႈ ယိုင်ႈၶိုၼ်ႈမႃးယူႇတိၵ်းတိၵ်းယဝ်ႉ။
ငိူၼ်ႈငဝ်ႈတိုၼ်း[edit | edit source]
- VOA News. "ကမ္ဘာ့မွတ်ဆလင်အများအပြားတို့အတွက် ရာမဒန်ဥပုသ်ကာလ စတင်" — VOA News, March 11, 2024
- Jon Gambrell. "Muslims spot Ramadan crescent moon in Saudi Arabia, meaning month of fasting starts Monday for many" — The Washington Post, March 10, 2024