Jump to content

Wn/shn/ဢိတ်ႇသရေး ဢဝ်ႁိူဝ်းမိၼ် ယိုဝ်း လုမ်းၽွင်းတၢင်ဢွၼ်ႇဢီႇရၢၼ်း တီႈ သီးရီးယႃး

Add links
From Wikimedia Incubator
< Wn | shn
Wn > shn > ဢိတ်ႇသရေး ဢဝ်ႁိူဝ်းမိၼ် ယိုဝ်း လုမ်းၽွင်းတၢင်ဢွၼ်ႇဢီႇရၢၼ်း တီႈ သီးရီးယႃး

ဝၼ်းဢင်းၵၢၼ်း၊ ဢေႇပရႄႇ 2၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ သီးရီးယႃး
ႁူမ်ႈသၢင်ႈ!
Wn/shn/သီးရီးယႃး
Wn/shn/သီးရီးယႃး

သိုဝ်ႇၶၢဝ်ႇ သီးရီးယႃးလႄႈ ဢီႇရၢၼ်းၶဝ် ပိုၼ်ၶၢဝ်ႇဝႃႈ မိူဝ်ႈဝၼ်းၸၼ်ၼၼ်ႉ ယွၼ်ႉပိူဝ်ႈ ဢိတ်ႇသရေး ဢဝ်ႁိူဝ်းမိၼ် ယိုဝ်း လုမ်းၽွင်းတၢင်ဢွၼ်ႇဢီႇရၢၼ်း ဢၼ်မီးတီႈ ဝဵင်းလူင်တႃမၢသ်ႉၵၢသ်ႉ တီႈ သီးရီးယႃးၼၼ်ႉလႄႈ ၽူႈၵွၼ်းတပ်ႉထၢၼ်ႈသုင်ဢီႇရၢၼ်း ၵေႃႉၼိုင်ႈ လႄႈ ၵူၼ်းတင်းၼမ် လႆႈတၢႆၵႂႃႇဝႃႈၼႆယဝ်ႉ။ လွင်ႈတိုၵ်းတေႃးဢၼ်ၼႆႉၼႆႉ မၼ်းမိူၼ်ႁၢင်ႈဢိတ်ႇသရေးၶဝ် တိူဝ်းတိုၵ်းတေႃးၼိူဝ် ၵူၼ်းၵဵဝ်ႇၵပ်း ၵၢၼ်သိုၵ်းဢီႇရၢၼ်းမႃးသေတႃႉ ၵဵဝ်ႇၵပ်းလူၺ်ႈ လွင်ႈတိုၵ်းတေႃး တႃမၢသ်ႉၵၢသ်ႉ ၼႆႉတႄႉ ၽၢႆႇဢိတ်ႇသရေးၶဝ် လႆႈထဵင်ဝႆႉ တႃႇပၼ် ၵႂၢမ်းမၢႆယူႇ။

ထၢၼ်ၶၢဝ်ႇ Al-Mayadeen ၶွင် လူင်ပွင်ၸိုင်ႈ ဢီႇရၢၼ်း လၢတ်ႈဝႃႈ ယွၼ်ႉလွင်ႈတိုၵ်းတေႃးၼႆႉလႄႈ ၽူႈပၼ်တၢင်းၶႂ်ႈၸႂ်ၵၢၼ်သိုၵ်းဢီႇရၢၼ်း ၸွမ်သိုၵ်းလူင် Ali Reza Zahdi လႆႈတၢႆၵႂႃႇဝႃႈၼႆႉယဝ်ႉ။ Hossein Akbari ၽွင်းတၢင်ဢီႇရၢၼ်း ဢၼ်ၵဵဝ်ႇၵပ်း သီးရီးယႃး လႆႈသႄႉသွမ်းၼိူဝ် လွင်ႈတိုၵ်းတေႃး ဢိတ်ႇသရေးသေ လႆႈၶၼ်ပၢၵ်ႇဝႃႈ တေၶိုၼ်းတိုၵ်းတေႃးတွပ်ႇတႅၼ်ႇၵႂႃႇဝႃႈၼႆယဝ်ႉ။ ၽွင်းတၢင် Akbari လၢတ်ႈဝႃႈ ၵူၼ်းၽူတ်ႇၸွႆႈၶဝ် တိုၵ်ႉသိုပ်ႇၶူၼ်ႉႁႃတီႈတႂ်ႈ ၵွင်လုလႅဝ်ၼၼ်ႉသေတႃႉ တေႃႇထိုင်ယၢမ်းလဵဝ် ၵူၼ်းဢၼ်လႆႈတၢႆၵႂႃႇၼႆႉ မီးယူႇ ဢမ်ႇယွမ်း 7 ၵေႃႉဝႃႈၼႆယဝ်ႉ။

ၼႂ်းပီၼႆႉၼႆႉ ဢိတ်ႇသရေးၶဝ် ဢဝ်ႁိူဝ်းမိၼ် လေႃႇတိုၵ်းတီႈယိူင်းမၢႆ ဢၼ်ပဵၼ်ၼႃႈလိၼ် လူင်ပွင်ၸိုင်ႈၵုမ်းၵမ် တီႈၼႂ်း မိူင်းသီးရီးယႃးၼၼ်ႉ မီးၵႂႃႇႁူဝ်ပၢၵ်ႇၵမ်းမၼ်းယဝ်ႉ။ ပၢင်တိုၵ်း တီႈၵႃႇၸႃႇၵေႃႈ မီးမႃးၸမ် ႁူၵ်းလိူၼ်ယဝ်ႉသေ လွင်ႈတိုၵ်းတေႃးၵေႃႈ တိူဝ်းမႃးယူႇတိၵ်းတိၵ်းသေ တီႈ လႅၼ်လိၼ် လႄႇပႃႇၼွၼ်ႇ-ဢိတ်ႇသရေးၼၼ်ႉၵေႃႈ ၼႂ်းၵႄႈ တပ်ႉသိုၵ်းဢိတ်ႇသရေး လႄႈ ၵူၼ်းႁိတ်ႉꩡ်ပူဝ်ႇလႃႇၶဝ်ၼၼ်ႉ ၵႆႉၵႆႉမီးလွင်ႈတုမ်ႉတိူဝ်ႉၵၼ်မႃးယူႇ။


ငိူၼ်ႈငဝ်ႈတိုၼ်း

Retrieved from "https://incubator.wikimedia.org/w/index.php?title=Wn/shn/ဢိတ်ႇသရေး_ဢဝ်ႁိူဝ်းမိၼ်_ယိုဝ်း_လုမ်းၽွင်းတၢင်ဢွၼ်ႇဢီႇရၢၼ်း_တီႈ_သီးရီးယႃး&oldid=6317870"