Jump to content

Wn/shn/ဢမႄႇရိၵၢၼ်ႇ ထႅမ်ႁႅင်းသိုၵ်း တီႈပွတ်းဢွၵ်ႇ တွၼ်ႈၵၢင်

Add links
From Wikimedia Incubator
< Wn | shn
Wn > shn > ဢမႄႇရိၵၢၼ်ႇ ထႅမ်ႁႅင်းသိုၵ်း တီႈပွတ်းဢွၵ်ႇ တွၼ်ႈၵၢင်

ဝၼ်းၸၼ်၊ ဢေႃးၵၢတ်ႉ 12၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ ပွတ်းဢွၵ်ႇ တွၼ်ႈၵၢင်
ႁူမ်ႈသၢင်ႈ!
ႁိူဝ်းသိုၵ်းလူင် ဢမႄႇရိၵၢၼ်ႇ USS Abraham Lincoln (ၶႅပ်းႁၢင်ႈၵဝ်ႇ)

မိူဝ်ႈဝၼ်းဢႃးတိတ်ႉၼၼ်ႉ ၶုၼ်ၽွင်းၽၢႆႇၵႅတ်ႇၵင်ႈ မိူင်းဢမႄႇရိၵၢၼ်ႇ လွႆႉဢေႃးသတိၼ်ႇ လၢတ်ႈဝႃႈ ႁိူဝ်းသၢင်းၽေႃး USS Abraham Lincoln ဢၼ်တၢင်ႇႁိူဝ်းလမ်ၼမ်ႉ ဢၼ်ပႃးၶိူင်ႈမၢၵ်ႇၼူၾႆး လႄႈ ႁိူဝ်းတၢင်ႇႁိူဝ်းမိၼ် ဢၼ်တေႃႉသူင်ႇ ႁိူဝ်းမိၼ်တိုၵ်းၼၼ်ႉ တေသူင်ႇၵႂႃႇတီႈ ပွတ်းဢွၵ်ႇ တွၼ်ႈၵၢင်ဝႆးဝႆးၼႆယဝ်ႉ။

လွင်ႈဢၼ်သူင်ႇႁိူဝ်းသိုၵ်းလူင်ၵႂႃႇၼၼ်ႉ မၼ်းတေပဵၼ်ႁႅင်းဢီးဢၼ်ၼိုင်ႈ ၼင်ႇႁိုဝ် လွင်ႈၶဵင်ႈၶႅင် ၼႂ်းပွတ်းဢွၵ်ႇ တွၼ်ႈၵၢင် တေယွမ်းလူင်းၵႂႃႇၼၼ်ႉ လႄႈ လွင်ႈဢၼ် ဢမႄႇရိၵၢၼ်ႇ လႄႈ ၸုမ်းဢူၺ်းလီၶဝ် ၶတ်းၸႂ် တႃႇလႆႈ ၶေႃႈၽွမ်ႉၸႂ်ၵိုတ်းတိုၵ်းၵၼ်ၼၼ်ႉ ၼႆယဝ်ႉ။ ၼႂ်းၶေႃႈပိုၼ်ၽၢဝ်ႇ ပႅၼ်ႇတၵူၼ်ႇၼၼ်ႉ ၽွင်းလူင်ၽၢႆႇၵႅတ်ႇၵင်ႈ ဢမေႇရိၵၢၼ်ႇ လွႆႉဢေႃးသတိၼ်ႇ လႄႈ ၽွင်းလူင်ၽၢႆႇၵႅတ်ႇၵင်ႈ ဢိတ်ႇသရေး ယွတ်ႈၵႄႇလႅၼ်ႇ လႆႈလၢတ်ႈမိူဝ်ႈၸဝ်ႉၼႆႉသေ ၽူႈၶၼ်ပၢၵ်ႇ ၸွမ်သိုၵ်း Pat Ryder လၢတ်ႈဝႃႈ ဢမႄႇရိၵၢၼ်ႇ တေႁဵတ်းသၢင်ႈ ၵူႈလွင်ႈလွင်ႈ တႃႇၵႅတ်ႇၵင်ႈ ဢိတ်ႇသရေး ၼႆယဝ်ႉ။

ဝၢႆးသေ ၽူႈဢွၼ်ႁူဝ်ၵၢၼ်မိူင်း ၸုမ်းႁမၢသ်ႉ ဢိတ်ႉသ်မေးလ် ႁႃႇၼီႇယီႇ လႆႈထုၵ်ႇၶႃႈတၢႆ တီႈဝဵင်းတီႇႁႃႇရၢၼ်ႇ မိူင်းဢီႇရၢၼ်း လႄႈ ၽူႈၵွၼ်းသိုၵ်း ၸၼ်ႉသုင် ၸုမ်းႁိတ်ႉၸပူဝ်းလႃႇ ၵေႃႉ႞ ၵႃႈတီႈဝဵင်းပႄႇရူတ်ႉ မိူဝ်ႈလိူၼ်ၵျူႇလၢႆႇ သဵင်ႈၼၼ်ႉယဝ်ႉ ၵူဝ်ပၢင်တိုၵ်း ၼႂ်းပိုၼ်ႉတီႈ တေၵႂၢင်ႈၶႂၢင်မႃးထႅင်ႈ ၼႆယဝ်ႉ။ ဢီႇရၢၼ်းလႄႈ ႁိတ်ႉၸပူဝ်းလႃႇ တင်းသွင်မိူင်း လၢတ်ႈဝႃႈ တေတွပ်ႇတႅၼ်း ဢိတ်ႇသရေး ယွၼ်ႉလွင်ႈၼႆႉသေ ဢိတ်ႇသရေးၵေႃႈ လၢတ်ႈဝႃႈ ၽဵဝ်ႈမူၺ်ႉပႅတ်ႈ ၽူႈဢွၼ်ႁူဝ်မႂ်ႇ ႁမၢသ်ႉ ဢၼ်ပဵၼ် ယႃႇႁီႇယႃႇ သိၼ်ႇဝႃႇ ၼႆယဝ်ႉ။


ငိူၼ်ႈငဝ်ႈၶၢဝ်ႇ

Retrieved from "https://incubator.wikimedia.org/w/index.php?title=Wn/shn/ဢမႄႇရိၵၢၼ်ႇ_ထႅမ်ႁႅင်းသိုၵ်း_တီႈပွတ်းဢွၵ်ႇ_တွၼ်ႈၵၢင်&oldid=6345197"