Wn/shn/သၽႃးမိူင်းယူႇၶရဵၼ်း တႅင်ႇတင်ႈ ၽွင်းလူင်ၵၢၼ်ၼွၵ်ႈမိူင်း မိူင်းယူႇၶရဵၼ်း ၵေႃႉမႂ်ႇ
ဝၼ်းသုၵ်း၊ သႅပ်ႇထႅမ်ႇပႃႇ 6၊ 2024
_on_the_globe_(Europe_centered).svg)
ယွၼ်ႉပိူဝ်ႈ ၸွမ်ပွင်ၸိုင်ႈ ဝေႃလေႃတီးမႃးရ် ၸႄးလႅၼ်းသၵီး လႅၵ်ႈလၢႆႈ လူင်ပွင်ၸိုင်ႈ မိူင်းယူႇၶရဵၼ်း လႄႈ ၵႅမ်ၽွင်းလူင် ၵၢၼ်ၼွၵ်ႈမိူင်း ဢႅၼ်ႇတရီႇ သီႇပီႇႁႃႇ လႆႈထုၵ်ႇ သၽႃး မိူင်းယူႇၶရဵၼ်း တႅင်ႇတင်ႈပဵၼ် ၽွင်းလူင် ၵၢၼ်ၼွၵ်ႈမိူင်းမႂ်ႇ မိူဝ်ႈဝၼ်းၽတ်းၼၼ်ႉယဝ်ႉ။ သီႇပီႇႁႃႇ ဢႃႇယု 49 ပီ ၼႆႉ လႆႈထုၵ်ႇလိူၵ်ႈပဵၼ် ၽူႈလဵၼ်ႈတႅၼ်းတီႈ တီႇမီႇထရူဝ်ႇ ၶူဝ်ႇလ်ပႃႇ ၼၼ်ႉယဝ်ႉ။
မၼ်းတူင်ႉၼိုင် ႁႃတၢင်းၸွႆႈထႅမ် ၼမ်လိူဝ်ၵဝ်ႇ ၽၢႆႇသိုၵ်း တီႈဢူၺ်းလီ မိူင်းဝၼ်းတူၵ်း တႃႇမိူင်းယူႇၶရဵၼ်း ဢၼ်တိုၵ်းတေႃး ရတ်ႈသျႃးမႃး ၶၢဝ်းတၢင်း 30 လိူၼ်ၼၼ်ႉ။ သီႇပီႇႁႃႇၼႆႉ မေႃလၢတ်ႈၵႂၢမ်းဢိင်းၵလဵတ်ႈ လႄႈ ၽႃႇသႃႇပူဝ်ႇလႅၼ်ႇ လီလီလႄႈ ပဵၼ်ၽူႈတၢင်တူဝ် မိူင်းယူႇၶရဵၼ်း တီႈမိူင်းတိူဝ်ႇၵီႇ ၼင်ႇၵဝ်ႇ။ လႆႈႁူႉဝႃႈ မၼ်းႁူႉၸၵ်း ဢႅၼ်ႇတရီႇယႄႇမၢၵ်ႉ ဢၼ်ပဵၼ် ၽူႈၵွၼ်းၽူႈမီးပုၼ်ႈၽွၼ်း ၸွမ်ပွင်ၸိုင်ႈ ၸေႇလႅၼ်ႇသၵီႇ လိူဝ်သေ ၽွင်းလူင် ၶူႇလ်ပႃႇ ၼႆယဝ်ႉ။
ႁွင်ႈၵၢၼ်လူင် ၵၢၼ်ၼွၵ်ႈမိူင်း မိူင်းႁိမ်းႁွမ်း မိူင်းပူဝ်ႇလႅၼ်ႇ ဢၼ်ပဵၼ် ဢူၺ်းလီ ႁႅင်းယႂ်ႇ မိူင်းယူႇၶရဵၼ်းၼၼ်ႉ ယွင်ႈယေႃး သီႇပီႇႁႃႇ သေ လၢတ်ႈၼိူဝ် ၼႅင်ႈသိုဝ်ႇတူင်ႇဝူင်းၵူၼ်း X ဝႃႈ မိူဝ်းၼႃႈမႃး ၶဝ်ႁၢင်ႈႁႅၼ်း တႃႇတေႁူမ်ႈမိုဝ်းၵၼ်တင်း ယူႇၶရဵၼ်းယူႇ ၼႆယဝ်ႉ။
လွင်ႈၼမ်ႉၵတ်ႉၵၢၼ်မိူင်း ၶူႇလ်ပႃႇ ၼႆႉ ၵူၼ်းတင်းၼမ်ႁူႉၸွမ်းယူႇသေတႃႉ ၶဝ်ဝူၼ်ႉဝႃႈ ၸွမ်ပွင်ၸိုင်ႈ ၸႄးလႅၼ်းသၵီး ဢဝ်မၼ်းဢွၵ်ႇပႅတ်ႈ ၼင်ႇႁိုဝ် တေဢဝ်လၢႆးတၢင်း ႁၢဝ်ႈႁႅင်းလိူဝ်ၵဝ်ႇ ၼိူဝ်ၵၢၼ်မိူင်းၼွၵ်ႈမိူင်းၼၼ်ႉယဝ်ႉ။ ၽူႈတၢင်လၢတ်ႈ ႁွင်ႈၵၢၼ် ၵၢၼ်ၼွၵ်ႈမိူင်း မႅတ်ႉထီႇမီႇလႃႇ လၢတ်ႈဝႃႈ ၽွင်းလူင်ၵၢၼ်ၼွၵ်ႈမိူင်း ဢမႄႇရိၵၢၼ်ႇ ဢၼ်ႇတူဝ်ႇၼီႇ ပလိၼ်ႇၵႅၼ်ႇ လၢတ်ႈဝႃႈ မၼ်းလႆႈၸႂ် လႄႈ ယိၼ်းၸူမ်းၶွပ်ႈၸႂ် ဢၼ်လႆႈႁဵတ်းၵၢၼ်ၸွမ်း ၶူဝ်ႇလ်ပႃႇ ၼႆယဝ်ႉ။
မိူဝ်ႈဝၼ်းၽတ်းၼၼ်ႉ လုမ်းတႅၼ်းၽွင်း မိူင်းယူႇၶရဵၼ်း လႆႈမၵ်းမၼ်ႈ ၵႅမ်ၸွမ်ၽွင်းလူင်မႂ်ႇ 2 ၵေႃႉ လႄႈ ၽွင်းလူင်မႂ်ႇ 6 ၵေႃႉ ဢိၵ်ႇပႃး လွင်ႈတႅင်ႇတင်ႈ ၵူၼ်းမႂ်ႇ တႃႇၼႃႈတီႈလၢႆလၢႆတီႈ ၼႆယဝ်ႉ။
ငိူၼ်ႈငဝ်ႈၶၢဝ်ႇ
- VOA News. "Ukraine names career diplomat Andrii Sybiha as new foreign minister" — VOA News, September 5, 2024
- Kateryna Denisova. "Who is Andrii Sybiha, Ukraine's new foreign minister?" — The Kyiv Independent, September 5, 2024
- Csongor Körömi. "Andrii Sybiha appointed as Ukraine’s foreign minister" — Politico, September 5, 2024
- Eruygur. "Ukraine's parliament approves Andrii Sybiha as new foreign minister" — Anadolu Ajansı, September 5, 2024
- Matt Murphy. "Ukraine approves large war-time cabinet reshuffle" — BBC News, September 5, 2024
- Olena Harmash, Yuliia Dysa and Tom Balmforth. "Zelenskiy overhauls cabinet with slew of new ministers, top diplomat" — Reuters, September 6, 2024
