Wn/shn/လွင်ႈလွၵ်ႇငိူတ်ႈဢီႇရၢၼ်း တေဢမ်ႇႁၢမ်ႈလႆႈ လွင်ႈတွပ်ႇတႅၼ်း ဢိတ်ႇသရေး

ဝၼ်းပုတ်ႉ၊ ဢေႇပရႄႇ 17၊ 2024 

ၽွင်းလူင် ၵၢၼ်ၵႅတ်ႇၵင်ႈ ဢိတ်ႇသရေး Yoav Gallant (2023 ဢွၵ်ႇထူဝ်ႇပႃႇ 13)

မိူဝ်ႈဝၼ်းဢင်းၵၢၼ်းၼၼ်ႉ ၽွင်းလူင်ၵၢၼ်ၵႅတ်ႇၵင်ႈ ဢိတ်ႇသရေး လၢတ်ႈဝႃႈ လွင်ႈလွၵ်ႇငိူတ်ႈဢီႇရၢၼ်းၼႆႉ မၼ်းတေဢမ်ႇပဵၼ် လွင်ႈႁႄႉႁၢမ်ႈၼိူဝ် လွင်ႈတွပ်ႇတႅၼ်း ဢၼ်တိုၵ်းတေႃး ဢိတ်ႇသရေး မိူဝ်ႈဝၼ်းဢႃးတိတ်ႉ ဢၼ်ဢမ်ႇတွၼ်ႉယၢမ်ႈလႆႈထူပ်းမႃး ၼၼ်ႉ ဝႃႈၼႆယဝ်ႉ။ ၼၼ်ႉ ၶႂ်ႈမၢႆထိုင် ၶေႃႈမွၵ်ႇလၢတ်ႈ ၽွင်းလူင် ၵၢၼ်ၵႅတ်ႇၵင်ႈ Yoav Gallant ဢၼ်ၵႂႃႇတီႈ ပွတ်းႁွင်ႇ မိူင်းဢိတ်ႇသရေးၼၼ်ႉ ၼႆယဝ်ႉ။

ထၢၼ်ၽွင်းလူင် ၵၢၼ်ၵႅတ်ႇၵင်ႈ တႅမ်ႈဝႆႉဝႃႈ ၽွင်းလူင် ၵၢၼ်ၵႅတ်ႇၵင်ႈဢိတ်ႇသရေး လႆႈမွၵ်ႇလၢတ်ႈဝႃႈ လွင်ႈတိုၵ်းတေႃး ဢီႇရၢၼ်းၼႆႉ မၼ်းဢမ်ႇလႆႈဢွင်ႇမၢၼ်မႃးသေ လွင်ႈႁႄႉႁၢမ်ႈဢိတ်ႇသရေးၼၼ်ႉၵေႃႈ မၼ်းတေတူၵ်းသုမ်း ဝႃႈၼႆယဝ်ႉ။

ၽူႈမီးပုၼ်ႈၽွၼ်းၸၼ်ႉယႂ်ႇ ဢမႄႇရိၵၢၼ်ႇၶဝ် လၢတ်ႈဝႃႈ တီႈလွင်ႈတိုၵ်းတေႃး ဢၼ်လုၵ်ႉတီႈ ၼႃႈလိၼ်ဢီႇရၢၼ်းသေ တိုၵ်းတေႃးပဵၼ်ပွၵ်ႈဢွၼ်တၢင်းသုတ်းၼၼ်ႉ ၶဝ်ႈပႃး မၢၵ်ႇမိၼ်ၵုမ်းထိင်း 110 လမ်း၊ မၢၵ်ႇၶရုသ်ႉ 30 လၢမ်း၊ ၶိူင်ႈမိၼ်တရုၼ်း ဢၼ်သႂ်ႇဝႆႉ မၢၵ်ႇတႅၵ်ႇ 150 လမ်းပၢႆ ဝႃႈၼႆယဝ်ႉ။

ၽူႈမီးပုၼ်ႈၽွၼ်း ဢမႄႇရိၵၢၼ်ႇၶဝ် လၢတ်ႈဝႃႈ တီႈလွင်ႈတိုၵ်းတေႃးဢၼ်ၼႆႉ ၸိူဝ်းပဵၼ် တပ်ႉၸုမ်း ဢၼ်တၢင်တူဝ်ဢီႇရၢၼ်းသေ ႁဵတ်းသၢင်ႈ တီႈ ဢီႇရၢတ်ႈ၊ သီးရီးယႃး လႄႈ ယႄႇမိၼ်ႇၼၼ်ႉၵေႃႈ ၶဝ်ႈပႃး ဝႃႈၼႆႉယဝ်ႉ။

ၵဵဝ်ႇၵပ်းလူၺ်း လွင်ႈဢိတ်ႇသရေးၶဝ် တိုၵ်ႉဝူၼ်ႉ တႃႇတွပ်ႇတႅၼ်းၼၼ်ႉ ၽူႈမီးပုၼ်ႈၽွၼ်း ဢီႇရၢၼ်းၶဝ် ဢဝ်ၵႂၢမ်းလၢတ်ႈသေ ပၼ်ၽၢင်ႉလၢႆလၢႆပွၵ်ႈယူႇ။ ၽၢႆႇလူင်ပွင်ၸိုင်ႈ ဢီႇရၢၼ်းၶဝ် လႆႈလၢတ်ႈမၼ်ႈမၼ်ႈၵႅၼ်ႇၵႅၼ်ႇဝႃႈ သင်ၸိူဝ်ႉ လွင်ႈႁဵတ်းသၢင်ႈ ဢိတ်ႇသရေႈၶဝ် မီးမႃးလွင်ႈတုမ်ႉတိူဝ်ႉ ၽွၼ်းပုၼ်ႈပၢင်ႈဢီႇရၢၼ်းၼႆၸိုင် တေၶိုၼ်းတွပ်ႇတႅၼ်း ႁၢဝ်ႈႁၢဝ်ႈႁႅင်းႁႅင်း ဝႃႈၼႆ။

ငိူၼ်ႈငဝ်ႈတိုၼ်း

• The Times of Israel. "Gallant told Austin Israel has no choice but to respond to Iranian attack" — The Times of Israel, April 15, 2024
• Barak Ravid. "Israel vows to retaliate against Iran for missile attacks" — Axios, April 15, 2024
• Ronen Bergman, Isabel Kershner, Julian E. Barnes and Russell Goldman. "Israel Weighs Response to Iran Attack, With Each Choice a Risk" — The New York Times, April 16, 2024
• Julia Frankel and Jack Jeffery. "Israel says it will retaliate against Iran. These are the risks that could pose to Israel" — Associated Press, April 17, 2024
• Aljazeera. "Iran’s Raisi reiterates warnings as Israel mulls response to air attack" — Aljazeera, April 17, 2024