Wn/shn/ယွၼ်ႉ ဢိင်ႇသၼ်ႇ တီႈ တိူဝ်ႇၵီႇ လႄႈ သီးရီးယႃး ၵူၼ်းတၢႆ မီးမႃး 3700 လိူဝ်
ဝၼ်းဢင်းၵၢၼ်း၊ ၾႅပ်ႇဝႃႇရီႇ 7၊ 2023
ယွၼ်ႉပိူဝ်ႈ ဢိင်ႇသၼ်ႇလူင် ဢၼ်မီးႁႅင်းဝွႆၶွၼ်း ၸၼ်ႉ 7.8 ဢၼ်လႆႈ ၶွၼ်းဝွႆၵႂႃႇ တီႈလႅၼ်လိၼ် တိူဝ်ႇၵီႇ လႄႈ သီးရီးယႃး မိူဝ်းၸၼ်ၼၼ်ႉသေ ၵူၼ်းဢၼ်လႆႈတၢႆယွၼ်ႉမၼ်း မီးမႃးထိုင် 3,400 ပၢႆသေ တီႈတႂ်ႈႁိူၼ်းဢၼ်ၵူၼ်ႇပင်းၼၼ်ႉၵေႃႈ ၵူၼ်းတိုၵ်ႉၶမ်ဝႆႉယူႇ ဝႃႈၼႆ။
ၵေႃႉဢၼ်ပဵၼ် ၶႃႇရႃႇမၼ်ႇမႃႇရႃႇ ဢၼ်လႆႈထူပ်းၺႃး ၽေးဢိင်ႇသၼ်ႇၼၼ်ႉ လႆႈမွၵ်ႇလၢတ်ႈဝႃႈ "ၵူၼ်းၵမ်ႉၼမ်ၼမ်ၼႆႉ ဢမ်ႇပႆႇၸၢင်ႈ ၵပ်းသိုပ်ႇၸူးၶဝ်။ တီႈတႂ်ႈၸိူဝ်းၵူၼ်ႇပင်းၵႂႃႇၼၼ်ႉၵေႃႈ လႆႈငိၼ်းသဵင်သွင်ဢၼ်ဝႆႉယူႇ။ တိုၵ်ႉႁဵတ်းသၢင်ႈ လွင်ႈၽူတ်ႇၸွႆႈဝႆႉယူႇ။ ႁဝ်းၶႃႈၵေႃႈ ပဵၼ်ဢၼ်လႆႈ တိူဝ်ႉၸႂ် ၶေႃးၶူမ်တႄႉတႄႉ။"
ၸဝ်ႈၼႃႈတီႈလူင်ပွင်ၸိုင်ႈၶဝ် မွၵ်ႇလၢတ်ႈဝႃႈတႄႉ တီႈမိူင်းတိူဝ်ႇၵီႇၼႆႉ ၵူၼ်းလႆႈဢၼ်လုတၢႆ မီးယူႇ 2,316 ၵေႃႉသေ ၵူၼ်းလႆႈတၢင်းၸဵပ်းမၢတ်ႇ မီးယူႇ 13,000 ပၢႆဝႃႈၼႆယဝ်ႉ။ ႁေႃႁိူၼ်း ၸိူဝ်းလႆႈၵူၼ်ႇပင်းလုလႅဝ်ၼႆႉ တီႈဢေႇသုတ်းမၼ်း မီးယူႇ 5,600 ၼႆႉသေ ၸိူဝ်းဢၼ်ၸၢင်ႈၽူတ်ႇၸွႆႈ ဢၼ်လွတ်ႈၽေးတၢင်းတၢႆၼၼ်ႉ မီးယူႇ 7,800 ပၢႆဝႃႈၼႆယဝ်ႉ။ လူင်ပွင်ၸိုင်ႈသီးရီးယႃး ဝႃႈတႄႉ တီႈ သီးရီးယႃးတႄႉ ၵူၼ်းဢၼ်လႆႈလုတၢႆ မီးယူႇ 1,444 ၵေႃႉလႄႈ ၵူၼ်းဢၼ်လႆႈ တၢင်းၸဵပ်းမၢတ်ႇ မီးယူႇ 3,500 ပၢႆ ဝႃႈၼႆယဝ်ႉ။
ယွၼ်ႉပိူဝ်ႈ ၼႃႈၾႃႉၼႃႈမိူင်း ဢၼ်တၢင်ႉၵတ်း ႁွတ်ႈထိုင်တႂ်ႈ မၢႆၼမ်ႉၶဵင်လႄႈ တွၼ်ႈတႃႇ ၸိူဝ်းလႆႈလုသုမ်းႁိူၼ်းယေး လႄႈသင် တွၼ်ႈတႃႇၵၢၼ်ၽူတ်ႇၸွႆႈ လႄႈသင် လႆႈမီးတၢင်းယၢပ်ႇၽိုတ်ႇဝႆႉယဝ်ႉ။ တီႈဢၼ်ပဵၼ် ၵၢင်ၵႅၼ်ဢိင်ႇသၼ်ႇ တီး ဝဵင်းၶႃႇရမၢၼ်ႇမႃႇရႃႇ တီႈမိူင်းတိူဝ်ႇၵီႇၼၼ်ႉ တိုၵ်ႉဢွၼ်ၵၼ် ၽူတ်ႇႁႃဢဝ် ၵူၼ်းၸိူဝ်းမီးဢသၢၵ်ႈ ၸိူဝ်းဢၼ်ၶမ်ၺႃးယူႇတႂ်ႈ ၸိူဝ်းလႆႈၵူၼ်ႇပင်းၵႂႃႇၼၼ်ႉၼႆ တီႈၶၢဝ်ႇရၢႆႇတႃႇ လႆႈမွၵ်ႇၼႄဝႆႉဝႃႈၼၼ်ယဝ်ႉ။
မိူဝ်ႈႁူဝ်မိူင်းပႆႇသႂ်ၼၼ်ႉ ဢိင်ႇသၼ်ႇၵႂႃႇသေ ယူႇမွၵ်ႈလၢႆၸူဝ်ႈမူင်း ဝၢႆးဝၼ်းမႃး ဢိင်ႇသၼ်ႇ ဢၼ်မီးႁႅင်း 7.7 ၼၼ်ႉ ၶိုၼ်းဝွႆၶွၼ်းၵႂႃႇထႅင်ႈယဝ်ႉ။ ယွၼ်ႉပိူဝ်ႈ ဢိင်ႇသၼ်ႇ ပွၵ်ႈၵမ်းသွင်လႄႈ ႁေႃႁိူၼ်းၶိုၼ်းလႆႈၵူၼ်ႇပင်းတူၵ်းထႅင်ႈယဝ်ႉ။ ၽွၼ်း လွင်ႈဝွႆၶွၼ်းဢိင်ႇသၼ်ႇၼၼ်ႉ ပိုၼ်ႉတီႈတင်းသဵင်ႈ လႆႈထူပ်းၺႃးသေ တွၼ်ႈတႃႇ ၵူၼ်းႁၢပ်ႇၵၢၼ် ၸိူဝ်းတိုၵ်ႉႁဵတ်း လွင်ႈၽူတ်ႇၸွႆႈၼၼ်ႉၵေႃႈ လႆႈမႆႈၸႂ် ၽေးဢသၢၵ်ႈၶဝ်ဝႆႉယူႇဝႃႈၼႆယဝ်ႉ။
ၸွမ်ပွင်ၸိုင်ႈတိူဝ်ႇၵီႇ Recep Tayyip Erdogan မွၵ်ႇလၢတ်ႈဝႃႈတႄႉ ယွၼ်ႉပိူဝ်ႈ တိုၵ်ႉပၢၵ်ႈၽဵဝ်ႈ ၵွင်ၵူၼ်ႇပင်းယူႇလႄႈ ၵူၼ်းတၢႆ ၵူၼ်းလႆႈတၢင်းၸဵပ်းမၢတ်ႇၼႆႉ တေတိူဝ်းလိူဝ်မႃးၵႃႈႁိုဝ်ဢၼ်ဝႃႈၼၼ်ႉတႄႉ ပႆႇႁူႉလႆႈၵွၼ်ႇ ဝႃႈၼႆယဝ်ႉ။
ငဝ်ႈငႃႇ[edit | edit source]
- "Powerful Earthquake Kills More Than 3,700 in Turkey, Syria" — Voice of America, February 7, 2023
