Wn/shn/ယွၼ်ႉလွင်ႈပိုတ်းယိုဝ်းတီႈ လႅၼ်လိၼ် ပႃႇၵိတ်ႈသတၼ်ႇ-ဢီႇရၢၼ်း လႄႈ ၵူၼ်းလႆႈတၢႆ
ဝၼ်းသုၵ်း၊ ၸၼ်ႇဝႃႇရီႇ 19၊ 2024
ယွၼ်ႉပိူဝ်ႈ လွင်ႈပိုတ်းယိုဝ်းၶၢမ်ႈလႅၼ်လိၼ် ၼႂ်းၵႄႈ ပႃႇၵိတ်ႈသတၼ်ႇ-ဢီႇရၢၼ်း လႄႈ ၵူၼ်းမိူင်းၵမ်ႈၽွင်ႈ လႆႈမီးလွင်ႈလူႉတၢႆသေ လွင်ႈၶဵင်ႈၶႅင်ၵေႃႈ ႁႅင်းၶိုၼ်ႈမႃးယူႇယဝ်ႈ။ ၵပ်းၵၢႆလူၺ်ႈသၢႆငၢႆၼႆႉသေ ၸိူဝ်းပဵၼ်မိူင်းႁႅင်းယႂ်ႇ ၼႂ်းပိုၼ်ႉတီႈ ဢၼ်ပဵၼ် မိူင်းၶႄႇ လႄႈ မိူင်းဢမႄႇရိၵၢၼ်ႇၶဝ်ၵေႃႈ တိုၵ်းသူၼ်းတင်းသွင်ႇၽၢႆႇ ယႃႇပေႁဵတ်းႁႂ်ႈ သၢႆငၢႆမၼ်း တိူဝ်းႁၢႆႉမႃးလိူဝ်ၼႆႉ ဝႃႈၼႆယဝ်ႉ။
မိူဝ်ႈဝၼ်းၽတ်းၼၼ်ႉ ၽၢႆႇပႃႇၵိတ်ႈသတၼ်ႇၶဝ် ႁိူဝ်းမိၼ်သေ ပိုိုတ်းယိုဝ်းတွပ်ႇၶိုၼ်တီႈ ထုင်ႉၸိတ်ႉသတၼ်ႇ လႄႈ ထုင် ပလူႇၶျီႇသတၼ်ႇ တီႈ ၽၢႆႇဢီႇရၢၼ်းလႄႈ လုၵ်ႈဢွၼ်ႇ သီႇၵေႃႉ လႄႈ ၼၢင်းယိင်း သၢမ်ၵေႃႉ ဢိၵ်ႇတင်း ၵူၼ်းမိူင်း လႆႈမီးလွင်ႈလူႉတၢႆၼႆ ၽူႈမီးပုၼ်ႈၽွၼ်း ၽၢႆႇဢီႇရၢၼ်းၶဝ် လႆႈမွၵ်ႇလၢတ်ႈဝႃႈၼၼ်ယဝ်ႉ။
ပႃႇၵိတ်ႈသတၼ်ႇၶဝ်လၢတ်ႈဝႃႈတႄႉ ၶဝ်လႆႈပိုတ်းယိုဝ်း ၸုမ်းၵေႃႇၵၢၼ်ႁၢႆႉ ဢၼ်ထင်သဝ်းဝႆႉယူႇတီႈၼႂ်း မိူင်းဢီႇရၢၼ်းၼၼ်ႉ ဝႃႈၼႆယဝ်ႉ။ ၽၢႆႇဢီႇရၢၼ်းတႄႉ လႆႈထဵင်းၶိုၼ်း လွင်ႈၸီးၸွႆးၼႆႉ ႁၢဝ်ႈႁၢဝ်ႈႁႅင်းႁႅင်းယူႇ။ မိူဝ်းဝၼ်းဢင်းၵၢၼ်းၼၼ်ႉ ၽၢႆႇဢီႇရၢၼ်းၶဝ် ဢဝ်တင်းႁိူဝ်းမိၼ် ပိုတ်းယိုဝ်းသႂ်ႇတီႈ ထုင်ႉပလူႇၶျီႇသတၼ်ႇ လႄႈ လုၵ်ႈဢွၼ်ႇသွင်ၵေႃႉ လႆႈလူႉတၢႆၵႂႃႇယဝ်ႉ။ ၽၢႆႇဢီႇရၢၼ်းဝႃႈ ၶဝ်ႈလႆႈပိုတ်းယိုဝ်းၸုမ်းၵေႃႇၵၢၼ်ႁၢႆႇသုၼ်ႉၼီႇ ဢၼ်မီးတီႈၼႂ်း ပႃႇၵိတ်ႈသတၼ်ႇ ဝႃႈၼႆယဝ်ႉ။
ၽူႈမီးသုၼ်ႇလၢတ်ႈ ထၢၼ်ၽွင်းလူင်ၵၢၼ်ၼွၵ်ႈမိူင်းၶႄႇ မေႃႇၼိၼ်ႇ လႆႈမွၵ်ႇလၢတ်ႈ မိူဝ်ႈဝၼ်းၽတ်းၼၼ်ႉဝႃႈတႄႉ ပႃႇၵိတ်ႈသတၼ်ႇ လႄႈ ဢီႇရၢၼ်း တင်းသွင်ႇၽၢႆသွင်မိူင်း ႁႂ်ႈဢွၼ်ၵၼ် ယွၼ်ႇလူင်းလွင်ႈၶဵင်ႈၶႅင်သေ မုင်ႈမွင်းဝႆႉ ယႃႇပေႁဵတ်းႁႂ်ႈ လွင်ႈၶဵင်ႈၶႅင်ၼႆႉ တိူဝ်းလိူဝ်ႁႅင်းမႃးလိူဝ်ၼႆႉ ဝႃႈၼႆယဝ်ႉ။ ၵျွၼ်ႇၵႃႇပီႇ ဢၼ်ပဵၼ် ၽူႈမီးသုၼ်ႇလၢတ်ႈၶွင်ႇၸီႇၽၢႆႇႁူမ်ႇလူမ်ႈၸိူဝ်ႉၸၢတ်ႈ ဢမႄႇရိၵၢၼ်ႇၵေႃႈ မွၵ်ႇလၢတ်ႈဝႃႈ လူင်ပွင်ၸိုင်ႈဢမႄႇရိၵၢၼ်ႇၵေႃႈ ပႂ်ႉတူၺ်းယူႇသေ ယႃႇပေႁဵတ်းႁႂ်ႈမီးမႃး လွင်ႈၶဵင်ႈၶႅင်ထႅင်ႈ ဝႃႈၼႆယဝ်ႉ။
ၶွင်ႇၸီႇသုၼ်ႇလႆႈသုၼ်ႇပဵၼ်ၵူၼ်း ပလူႇၶျီႇသတၼ်ႇ မွၵ်ႇလၢတ်ႈမိူဝ်ႈဝၼ်းၽတ်းၼၼ်ႉဝႃႈ မိူင်းတင်းသွင်မိူင်းၼႆႉ ၶဝ်ဝႆႉယိူင်းမၢႆ ၵူၼ်းမိူင်းၸိူဝ်းမီးတီႈ ပလူႇၶျီႇ သေ ပိုတ်းတိုၵ်းမႃး ဝႃႈၼႆယဝ်ႉ။ ၸွမ်ၽွင်းလူင် လႄႈ ၽွင်းလူင်ၽၢႆႇ ၵၢၼ်ၼွၵ်ႈမိူင်း ပႃႇၵိတ်ႈသတၼ်ႇ ဢၼ်ႁွတ်ႈၽႅဝ်ယူႇ ၶၢဝ်းတၢင်းၼွၵ်ႈမိူင်းၼၼ်ႉၵေႃႈ ၶိုၼ်းဢွၼ်ၵၼ် ပွၵ်ႈဝၢႆႇၸူး မိူင်းၶဝ်ယူႇယဝ်ႉ ဝႃႈၼႆ။
ငိူၼ်ႈငဝ်ႈတိုၼ်း[edit | edit source]
- BBC. "Pakistan launches retaliatory strikes into Iran, killing nine people" — BBC, January 19, 2024
- VOA News. "ပါကစ္စတန်-အီရန် နယ်စပ်ပစ်ခတ်မှု အရပ်သားတွေထိခိုက်သေဆုံး" — VOA News, January 19, 2024
