Wn/shn/ယွၼ်ႉမႆႈႁႅင်းၼႃႇလႄႈ ႁႃႇၵျီႇၵႂႃႇဝႆႈၽြႃးတီႈ မၵႃႇ တၢႆ 1300 ပၢႆ

ဝၼ်းၸၼ်၊ ၸုၼ်ႇ 24၊ 2024 

ၵူၼ်းမႃးဝႆႈၽြႃး တီး မၵႃႇ၊ မိူင်းသေႃႇတီႇဢႃႇရေးပီးယႃး

ၽူႈမီးပုၼ်ႈၽွၼ်းၶဝ် လၢတ်ႈဝႃႈ ၶၢဝ်းတၢင်းဝႆႈၽြႃးႁႃႇၵျီႇ ၼႂ်းပီၼႆႉ ယွၼ်ႉပိူဝ်ႈ လႆႈၶၢမ်ႇတၢမ်ႇတၢင်းမႆးႁၢဝ်ႈႁႅင်းၼႃႇ တီႈ ဝဵင်းမၵႃႇ တီႈဢၼ်ပဵၼ် ဢွင်ႈတီႈထွတ်ႈတီႈမျၢတ်ႈ ၸၢဝ်းဢိသလၢမ်ႇ တီႈၼႂ်း မိူင်းသေႃႇတီႇဢႃႇရေးပီးယႃးၼၼ်ႉ လႄႈ ၵူၼ်းလႆႈတၢႆၵႂႃႇ 1,300 ပၢႆ ဝႃႈၼႆယဝ်ႉ။

ၽွင်းလူင်ၵၢၼ်ပၢႆးယူႇလီသေႃႇတီႇ လၢတ်ႈဝႃႈ ၼႂ်းၵႃႈ ၵူၼ်းလႆႈတၢႆၵႂႃႇ တႃႇ ႁူဝ်ပၢၵ်ႇ 83 ၼႆႉ ပဵၼ်ၵူၼ်းဢွၵ်ႇၶၢဝ်းတၢင်း မႃးဝႆႈၽြႃး ပဵၼ်ၸိူဝ်းဢၼ်ဢမ်ႇလႆႈ ၶေႃႈပၼ်ၶႂၢင်ႈသေ မႃးလႄႈ ပဵၼ်ဢၼ်လႆႈပႆမႃး ၶၢဝ်းတၢင်းယၢဝ်း ၼႂ်းမႆႈလူင်ၼႆႉ ဝႃႈၼႆယဝ်ႉ။ ၽူႈမီးပုၼ်ႈၽွၼ်းဢီးၵျိပ်ႈၶဝ် လၢတ်ႈဝႃႈ ၼႂ်ႈၵႃႈ ၵူၼ်းၸိူဝ်းတၢႆႇၵႂႃႇၼၼ်ႉ တႃႇ 660 ပၢႆၼႆႉ ပဵၼ်ၸိူဝ်းဢၼ်လုၵ်ႉတီႈ ဢီးၵျိပ်ႈသေမႃး ဝႃႈၼႆယဝ်ႉ။

တီႈၼႂ်းၶၢဝ်ႇ ဢေႇပီႇ တႅမ်ႈဝႆႉဝႃႈ ၼႂ်းၵႃႈ ၵူၼ်းၸိူဝ်းလႆႈတၢႆၵႂႃႇၼၼ်ႉ ၶဝ်ႈပႃး ၵူၼ်းဝႆႉၽြႃး မိူင်းဢိၼ်ႇတူဝ်ႇၼီးသျႃး 165 ၵေႃႉ၊ ဢိၼ်းတီးယႃး 98 ၵေႃႉ လႄႈ ၵျေႃႇတၼ်ႇ၊ တူႇၼီႇသျႃး၊ မေႃႇရူဝ်ႇၵူဝ်ႇ၊ ဢႄးၵျီးရီးယႃး လႄႈ မလေးသျႃး ၸိူဝ်းၼႆႉယဝ်ႉ ဝႃႈၼႆ။ ၼႂ်းၵႃႈ ၵူၼ်းတၢႆၵႂႃႇၼၼ်ႉ ပႃးဝႆႉၵူၼ်းဝႆႈၽြႃး ၵူၼ်းမိူင်းဢမႄႇရိၵၢၼ်ႇသွင်ၵေႃႉ ဝႃႈၼႆယဝ်ႉ။

ၽူႈမီးပုၼ်ႈၽွၼ်းၶဝ်လၢတ်ႈဝႃႈ ၶဝ်လႆႈႁုပ်ႈသိမ်း ဝႂ်ၵၢၼ်ငၢၼ်း ဢေႇၵျႅၼ်ႇသီႇၵၢၼ်ဢႅဝ်ႇလႄႇ 16 ဢၼ် ဢၼ်ဢမ်ႇမႂ်း ၶေႃႈၶႂၢင်ႉပၼ် တႃႇၶၢဝ်းတၢင်းဝႆႈၽြႃးသေႃႇတီႇၼၼ်ႉဝႃႈၼႆယဝ်ႉ။ တွၼ်ႈတႃႇ ၸၢဝ်းမူႇသလိမ်ႇၶဝ်တႄႉ ၼႂ်းၼိုင်ႈၸူဝ်ႈၸၢတ်ႈပၢၼ်ၼႆႉ ၼိုင်ႈပွၵ်ႉတႄႉ ႁႂ်ႈလႆႈၵႂႃႇဝႆႈၽြႃးႁၢသ်ႉ ဢၼ်မီးတီႈမၵႃႇၼၼ်ႉယူႇ။ လူင်ပွင်ၸိုင်ႈဢီးၵျိပ်ႈ ပိုၼ်ၽၢဝ်ႇဝႆႉဝႃႈ ၼႂ်းၵႃႈ ၶၢဝ်းတၢင်းဝႆႈၽြႃးႁၢသ်ႉပီၼႆႉ ၼႂ်းၵႃႈ ၵူၼ်းလႆႈၶႂၢင်ႉတႃႇၵႂႃႇဝႆႈၽြႃးၼၼ်ႉ ဢၼ်လႆႈတၢႆၵႂႃႇ မီး 31 ၵေႃႉဝႃႈၼႆသေတႃႉ ႁူဝ်ၼပ်ႉၵူၼ်းဝႆႈၽြႃး ဢၼ်လႆႈတၢႆၵႂႃႇ ဢၼ်ၵိုတ်ႈလိူဝ်ၼၼ်ႉတႄႉ ၶဝ်ဢမ်ႇလႆႈလၢတ်ႈဢွၵ်ႇၼင်ႇၵဝ်ႇ။

ၸဝ်ႈၼႃႈတီႈသေႃႇတီႇၶဝ် လႆႈဢဝ်လိူင်ႈၼိူဝ် ၵူၼ်းဢွၵ်ႇၶၢဝ်းတၢင်း ဢၼ်မႃးၼႂ်းၶၢဝ်းတၢင်းဝႆႉၽြႃး ဢၼ်ဢမ်ႇလႆႈၶႂၢင်ႉတႃႇမႃးဝႆႈၽြႃးၼၼ်ႉသေ လႆႈၶိုၼ်းလိုပ်ႈဢွၵ်ႇမိူင်း ဢၢၼ်ႇႁူဝ်ႁဵင်မၼ်းယဝ်ႉ။ ၵူၺ်းၵႃႈဝႃႈ ဢီးၵျိပ်ႈၵမ်ႉၼမ်တႄႉ လႆႈႁွတ်ႈမႃးထိုင် ႁိမ်းႁွမ်းမၵႃႇသေ မၢင်ၸိူဝ်းၵေႃႈ လႆႈပႆတိၼ်မႃးယဝ်ႉ။ ၵူၼ်းဢွၵ်ႇၶၢဝ်းတၢင်း ၸိူဝ်းဢမ်ႇလႆႈၶေႃႈၶႂၢင်ႉၼႆႉ မၼ်းဢမ်ႇမိူၼ်ၵၼ်တင်း ၸိူဝ်းလႆႈၶႂၢင်ႉၼၼ်ႉသေ ဢမ်ႇၸၢင်ႈလႆႈဢွင်ႈတီႈ ႁူင်းႁႅမ်းသေ တႃႇပၢႆႈသေႃႉ တၢင်းမႆႈၵေႃႈ ယၢပ်ႇယဵၼ်းဝႆႉယဝ်ႉ။

ငိူၼ်ႈငဝ်ႈၶၢဝ်ႇ

• Samy Magdy. "More than 1,300 people died during Hajj, many of them after walking in the scorching heat" — AP News, June 24, 2024
• The Associated Press. "More than 1,300 people died during Hajj, many of them after walking in the scorching heat" — NBC News, June 23, 2024
• Samy Magdy - Associated Press. "Over 1,000 pilgrims died during this year’s Hajj pilgrimage in Saudi Arabia, officials say" — The Washington Times, June 23, 2024
• Euronews with AP. "Over 1,300 Muslims died during this year’s Hajj pilgrimage" — Euronews, June 23, 2024
• Agence France-Presse in Riyadh. "At least 1,300 hajj pilgrims died during extreme heat, Saudi Arabia says" — The Guardian, June 23, 2024
• The Associated Press. "Officials say more than 1,000 pilgrims amid scorching heat died during this year's Hajj pilgrimage in Saudi Arabia" — ABC News, June 23, 2024