Wn/shn/ပႄႇလႃႇရုတ်ႈ ႁၢင်ႈႁႅၼ်း တႃႇတမ်းၶိူင်ႈ ၼျူႇၵလီးယႃး
ဝၼ်းပုတ်ႉ၊ မေႇ 8၊ 2024
.svg)
မိူင်းပႄႇလႃႇရုတ်ႈ လၢတ်ႈမိူဝ်ႈဝၼ်း ဢင်းၵၢၼ်းၼၼ်ႉဝႃႈ ၸွမ်းလူၺ်ႈ ၶေႃႈပူင် ၸဝ်ႈၸွမ်ၸိုင်ႈ ဢလႅၵ်ႉၸၼ်းတႃး လူႇၵႃႇသျႅၼ်ႇၵူဝ်ႇသေ လႆႈတႄႇၵူတ်ႇထတ်း လွင်ႈဝႃႈ တပ်ႉသိုၵ်းပႄႇလႃႇရုတ်ႈ ပဵၼ်ဢၼ်တူဝ်ႈတၼ်း ဢမ်ႇတူဝ်ႈတၼ်း တႃႇဝၢင်းၶိူင်ႈ ၼျူႇၵလီးယႃး ဝႃႈၼႆယဝ်ႉ။
ဝၢႆးသေ ထၢၼ်ၽွင်းလူင် ၵၢၼ်ၵႅတ်ႇၵင်ႈ ရတ်ႈသျႃး လႆႈပိုၼ်ၽၢဝ်ႇဝႃႈ မီးလၢႆးၵၢၼ် တႃႇႁဵတ်း လွင်ႈၽိုၵ်းၵၢၼ်သိုၵ်း ဢၼ်ၶဝ်ႈပႃး ၶိူင်ႈလၢၵ်ႈၼၢၵ်ႈ ၼျူႇၵလီးယႃး ဢၼ်ၸႂ်ႉၸွမ်းပၢင်တိုၵ်း ၼၼ်ႉယဝ်ႉ ထႅင်ႈဝၼ်းမႃး ၽၢႆႇပႄႇလႃႇရုတ်ႈ ၸင်ႇလႆႈမွၵ်ႇလၢတ်ႈမႃႈၼင်ႇၼႆယဝ်ႉ။ ၽွင်းလူင် ၵၢၼ်ၵႅတ်ႇၵင်ႈ ပႄႇလႃႇရူတ်ႈ ဝိၵ်ႇတႃႇၶႃႇရႅၼ်ႇၼိၼ်ႇ လၢတ်ႈဝႃႈ တေၵူတ်ႇထတ်း ၵၢၼ်တၢင်းသဵင်ႈ ၸိူဝ်းပဵၼ် ၵၢၼ်တမ်းၽႅၼ် လွင်ႈၸႂ်ႉတိုဝ်း ၶိူင်ႈလၢၵ်ႈၼၢၵ်ႈ ၼျူႇၵလီးယႃး ဢၼ်ၸႂ်ႉၸွမ်းပၢင်တိုၵ်း၊ တႄႇဢဝ် လွင်ႈႁၢင်ႈႁႅၼ်း တေႃႇပေႃးထိုင် လွင်ႈတိုၵ်းတေႃး ဝႃႈၼႆယဝ်ႉ။ ၶိူင်ႈလၢၵ်ႈၼၢၵ်ႈ ၼျူႇၵလီးယႃး ဢၼ်ၸႂ်ႉၸွမ်းပၢင်တိုၵ်းၼႆႉ မၼ်းပဵၼ် ၶိူင်ႈလၢၵ်ႈၼၢၵ်ႈ တႃႇၸႂ်ႉတီႈၵၢၼ်တိုၵ်း တပ်ႉၼိူဝ်လိၼ်ၼၼ်ႉယဝ်ႉ။
မၢၵ်ႇပီၵူၺ်ႈ ၼျူႇၵလီးယႃး ဢၼ်ပႃးတီႈ မၢၵ်ႇၼူၽႆး ဢၼ်ပိုတ်းယိုဝ်းတီႈၵႆၼၼ်ႉ မၼ်းၸၢင်ႈယႃႉလႅဝ်ပႅတ်ႈလႆႈ တင်းဝဵင်းသေ ဢၼ်ပဵၼ် ၶိူင်ႈလၢၵ်ႈၼၢၵ်ႈၼျူႇၵလီးယႃး ဢၼ်ၸႂ်ႉၸွမ်းပၢင်တိုၵ်းၼႆႉတႄႉ ပဵၼ်ၶိူင်ႈလၢၵ်ႈၼၢၵ်ႈ ဢၼ်ဢမ်ႇပေႃးႁႅင်းထၢၼ်ႇၼၼ်ႉ။
မိူဝ်ႈသုတ်းပီ 2022 ၼၼ်ႉ ရတ်ႈသျႃးၶဝ် ဢဝ်မၢၵ်ႇမိသ်ႉသၢႆး ဢိသ်ႉၵၼ်တႃႇ ဢၼ်မီးၼမ်ႉၵတ်ႉ ၼျူႇၵလီးယႃးၼၼ်ႉ တမ်းဝႆႉတီႈ ပႄႇလႃႇရုတ်ႈမႃးယဝ်ႉ။ ၸဝ်ႈၸွမ်ၸိုင်ႈ ပႄႇလႃႇရုတ်ႈ လူႇၵႃႇသျႅၼ်ႇၵူဝ်ႇ လၢတ်ႈမႃးမိူဝ်ႈလိူၼဢေႇပရႄႇၼၼ်ႉဝႃႈ ၸွမ်းလူၺ်ႈ ၶေႃႈၽွမ်ႉၸႂ် ၼျူႇၵလီးယႃး မိူဝ်ႈပီၵၢႆၼၼ်ႉသေ လႆႈဢဝ် ၶိူင်ႈလၢၵ်ႈၼၢၵ်ႈ ၼျူႇၵလီးယႃး ဢၼ်ၸႂ်ႉၸွမ်းပၢင်တိုၵ်းၼၼ်ႉ တမ်းဝၢင်းဝႆႉတီႈ ပႄႇလႃႇရုတ်ႈ တင်းၼမ် ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- Reuters. "Belarus conducts tactical nuclear inspection together with Russia" — Reuters, May 7, 2024
- VOA News. "Belarus conducts checks on tactical nuclear weapons with Russia" — VOA News, May 7, 2024
- The Associated Press. "Belarus launches nuclear drills a day after Russia announces them amid tensions with West" — AP News, May 8, 2024
